LENNY ACADIA-3

           “Thosi dum chi in min seh nih dawn hi mawle” a nui suk a, “Ervin, ka fiamthu lo a nia, ngati nge tiang khan I awm thin a mi? Enge awmzia?” zawhna hlirin ka khat vawi khat pawh hi a damloh ka hre ngailo tlat a lawm, MA final year kan zir kum khan ruah kan do haw na lam ah hritlang khawsik a neih phah ve tak a nih kha mahse kha bak a nat awm hi ka hre ngailo.

          “Acadia, zan in chu leng ila?” ka zawhna pehhel dan mawlh a zawng chu ka thin a rim leh tun tawh, “nang len chhuah pui duhtur khawpa nula lep chiah ka ni love” nui deuh huk pah hian “I nih loh zia chu ka hria lawm, ni lang chuan sawm pawh ka sawm peih lo che” room lam ah ka luhsan hmak a, thawmhnaw ka thleh that mawlh mawlh lai chuan ka bul ah lo phei ve in ka bul set ah a rawn thu a, sir zawng hian min kuah vawng vawng a, ka ngawng ah a khabe a rawn nghat a.

           “Acadia, min hmangaih em” chu zawhna atthlak lutuk chu min zawh ka ring ngailo, a chhan chu a tan ka in hlan pumhlum thak a, a tan hian tih loh ka neih ka hre hek lo, kan in ngaihzawn tantirh atang reng khan thu thlum tak tak kan in fah ngai lo a, kan in ko duat ngai heklo, hmangaihna leh inneihna lam hawi hi kan sawi ngailo mahse ti chung hian kha leh chen kha kan in kawp chu a ni si a, “Ervin, ka hmangaih lo che” keimah hlei hlei  chuan dawt a nih zia ka hrechiang hle si a.

               “Tak tak nise ka lawm ngawt ang, Acadia, min hmangaih tih hi i sawi kher ngailo vin ka hria lawm, I sawi pawh ka beisei ngai heklo, a chhan chu nang hian min hmangaihlo ni lang hei leh chen hi min zui lovang a, ka tan engkim I hlan lovang mahse keimah a I in nghat hlawm tawp hi chu tha ka tilo” chu thu ka hria chu ka na vawng vawng, Ervin min kuah na chu ka thehsawn deuh dawrh a.

           Kum 6 chhung kan inzui a, nangmah ah innghat lo turin minlo beisei thin a maw? Ni e, min lo hmangaih ve ngai miahlo a min neih pawh I lo tum ngai hek lo ka hrethiam a lawm chuvang chuan zanin la la hian ka in hi chhuahsan ang che” ka sawi zawng pawh chuan na ka ti lutuk hi ka awm hi a tawt up up, ka hmangaih tih a hre reng a min neih alo tum leh si lo nih chuan ngati nge hman hman ah khan min then mai loh. A tan engkim ka huam a, mualpho na leh tlangrel zawng zawng pawh phurin ti hian ka kum 6 hun ka hmang ral thak a mahse amah ah in nghat miahlo turin min duh si.

             “Acadia ka hmangaih che sin, ka hmangaih lutuk che, nang lo chu tumah neih ka tum ngailo, I tan tiin keima pual a sumdawn ve tumin theihtawp in ka bei ve a , mihring hi tum angin a awm theih loh nih hi, nangpawn min hrechiang a, kan family business hi chu a hlawkna keima pual a tel ka tum lo , ka nupui fanau chawmna tur chu keimahin ka ngaihtuah ang tiin ka rilru BA 3^rd year kan nih tum khan ka siam fel vek tawh” a chawl deuh dat a.

          Ka melh ngai ka melh tlawk tlawk a, ka na tih hian a sawifiah zo lo, “hmanni ka lo biak lohna chhan che kha chu ka fiah che nih kha” chhuanlam a zawng ah chuan a mawiin a awihawm loh ber awm e, a mah pawh hian a awih ka ring teh nek love, alam chu ka haw phei a, a mitah tak ka en a “Ervin, kha lo kha min hnawlna tur chhuanlam I hre hlawllo mi?”

            “Acadia, dawt ka hrilh tawh ngai che em?” ni e a tidik dawt min hrilh hi ka la hre ngailo mahse tun a tak a hetia min hnar na thu hi ka tan chuan pawm a har em a ni. “min hrilh ngai ka hrelo mahse I dawt sawi ka hriat chhun hian minti na takzet a sin. “huaisenna nei ni ila ka ti a sin”

                  “I ti dik, mipa I nih ang takin huai tak in minlo kalsan tlang law law ni la zia tur, engvang nge min rawn pan leh si?” a hmaih ah ka beng sawk a, a awm leh a ban velh ah chuan theihtawp in ka chum bawk a, nidang ah kut ka thlak ngailo, hrawk hi chu ka hrawk ngun, tun tum ah hian tiang khawp a na a kut ka thlak hi engmah sawi lovin a tuar tlawk tlawk a, a kawr awm ah ka tham a, ka theih tawp a na in ka sawih nghing lawih lawih a , ka in sum peih tawhlo ka tap hawm hawm mahse tun bak hi hepa tan hian ka mittui ka seng tawhlo ang.

           “Ka ti  na  chek tih ka hria mahse ka duhdan leh ka duhtlan a ni lo sin, I nat ka phalloh vang zawk a sin” tun aia na a min siam leh dan tur hi a awm tawh kher lovang. “Tun ai bak hian ka na leh tawh dawn chuang lo, Ervin” Khum ah chuan a mu thla nghal thawk a, “ Keimah a in nghat lo thei lovin ka siam che tih ka hria lawm ,mahse ka kal bo hun ah engtin nge I awm ang? Lo thi ta ila tumah neih I tum tawhlo tihna mi?” mihring ka hriat tawh zawng a thil thalo lam hawi a thil thlir duhlo ber ka tih thin khan he thu hi a a sawi a maw?

               “Mihring zawng zawng kan la thi vek dawn, kan thi dawn tih kan hriat avangin hmalam pen kan thulh chuang em ni? Chu lo reng ah thihna chu tuma dan theih a nilo, kei ngei pawh hi ka la thi dawn chumi vang mai chuan ka kalsan ang che maw, kann thihni tur leh thla kan hrelo te hi sin lawmawm chu, hria ni ilang tunge chaw vawi khat bar pawh lem thei ang ni? Nang meuh pawh in tiang zawng a thil i thlir nih chuan engtinnge ni a nga?

                   “Acadia, ka hmangaih che, ka hmangaih  lutuk che” zan in hian engvang a sawi ngun em em nge a nih le, ruih a nei ti dawn ila, nileng in ka bul ah hun a hmang a engmah a ruilo tih hi ka hming ka hriat chian tluk zetin ka hria, “Engpawh lo thleng se, I tan chuan engpawh ka ti ang, ka ti na leh tawh ngailo ang che, ka kalsan leh tawh ngai lo ang che, ka tiam a che, I thih hma chu ka thilo ang” hnunglam tang chuan min rawn kuah thlawp a “Min la ngaidam thei nih ngai chuan tun tum chiah hi min ngaidam rawh, ka tiam a che ka kalsan leh tawh ngailo ang che”

             Ervin, mittui a tla maw? ka vawikhat hmuhna leh hriatna , hmangaihna hi chu a lo chak em a ni, a lam hawiin ka thu tha nghal vat a,ka in siam rem nghal a “Ervin, ka ngaidam che sin, ka thinlung hi chuan I lo kir hma pawh khan a ngaidam daih tawh che mahse ka luhlul na erawh hi chu a tlawm thei lo a ni mahse ka ngaidam che. Ervin, ka hmangaih che”

            Ka hmui ah a rawn bawh thuah nghal vat a, dim thei ang berin min tihnat hlau tih hriat zet a min fawhna chuan ka thinlung a khawih ngawih ngawih. Kan tlai eirawng bawl te pawh kan hlim dun, kan khawvel par vul leh chu engmah reng hian thleng ka phal mawlh lo.

             Kar 2 lai a liam leh tawh, ka Nu in ka u Mama tan palai an tirh tak thu a rawn sawi chuan “ ka rin ai tak in in va tir hma leh si ve “ ka ti hliai a, “nia I U mama hi a hmanhmawh tawh em a ni, tum tum chu Pathian in rem min tih pui ve ngei tawh se thil han  kaltluang ve tawh se ka van ti take m!” Ka nu leh pa pawh hian U Maman hreawm a tih tluk zetin hreawm an ti ve tih hi chu ka hria, Mo hmel hmuh pawh an chak ve tawh bak ah U Mapuii lah hmeichhia zawng a mo atana itawm ber, veng chhung leh kohhran pawh in an chhuanvawr, Nu leh Pa pawhin diktak chuan an chhuang ve thlawt a ni.

                  Kar hnih lai kan awm dun a mahse vawi te khat mah sex kan hmang dun leh tawh lo, a mah hi min beisei ang hian a awm ngailo bawk a keiin ka ti hmasa lem lo bawk a mahse chu chuan kan inkar a tihchhiat phah chuang eihlo, sex vanga in hmangaih a in zawm kan nih loh zia hi ka hrechiang tulh tulh a, kan tihsual tawh chu kan tihsual tawh a nia, siam that theih kan nei tawhlo, kan tun hun zel zawk hi a pawimawh a ni.

       Ervin pawh a hna lam pawimawh avangin tum loh deuh in ka office kal laiin Aizawl lam hmanhmawh takin  a pan phei a, office ah a rawn peng zuai a thlah pawh ka thlah hman ta lo. SA thlen ching a piang min rawh hrilh a a tlan chak vak lo nge ka hrelo, zan dar 10 dawn thuak ah Aizawl a luh thu min rawn hrilh a, ka khua a har vawng vawng mai Jimjim ( ka zawhte) ten en bak kana wm si lova khawhar ti zual turin Jimjim lah a muthlu buk buk lehnnghal a.

        Ka U te inneih tur pawh ti fel a ni tawh a kar leh mai khi a nih tawh vangin Ka chhungten haw turin min chah phei zing bawk a, kan Pu hnen ah chawl ka dil a, thla5 dawnlai ka thawh hnu ah Pathian zar ah damloh vang a chawlh pawh ka nei ngailo a tun hi ka vawi khat chawlh dilna a nih vang in kan Pu pawn a lo remti hle nghe nghe.

          Bena min hruai turin nizan lam ah alo phei a, Ka pute te nupa in chaw ei ah min sawm a kan unau in , anni lam erawh inneih dawn hma ni tak tak ah rawn phei chauh an tum avangin ka nghak ta lo a ni. Lunglei lam ah hian kan zin phei tam a vang hian Bena phei chuan hmelhriat veng tin ah a nei emaw tih mai tur a ni, hepa hi chu a nghal ve hrim hrim a, a thiante in ah min hruai kual a in kan thlen chuan 12 a ri dawn thuak, zing chhuah tum kan nih vangin kei chu ka mu nghal thung a.

           “Dar 6 vel ah chhuah tum ang aw” ka bu nghauh ringawt a ka mut chhuak lutuk tawh nen chhan pawh ka chhang tawh lemlo, Ervin zing kan chhuah tur thu ka hrilh leh zawk a ka muhil zui nghal mai. Zing dar6 chhuah tum kha 7:30 ah ka tho hlawl mai, Benjamina pawh hi ala tho lo nih dawn hi a room lam ah ka tlan vat a, ka kai tho sawk sawk a miscall ti zo zai kha ka hre miahlo mawle ka nu hnen ah thawh kan hai thu ka hrilh chuan a thaw deuh hawk a, “Min ti hlauthawng a lawm, nih chuan hmanhmawh lovin tluang deuhin inlo kal dawnnia”

              Tlai dar 5 vel ah kan in kan lut a, ka chhungte nen kan inhmu lo rei bawk a, kan in te chu ka ngai thar vawng vawng, Ka wm tak loh vangin awmpui tur nula an lo la a , nu te lam pang tuan that hmel zet nui sen sen reng te hi nia, ka riltam tawh bawk a, chaw ei kan ti nghal thuai a, zan ah chhungkaw rorel ngaih vangin Bena pawh hrilh chawp ngai loving a chhuak lo ve  teh mial a.

             Mipa lam mah ni ila, buaipui tur a nep phah chuang hauhlo, Ka u in Lenny best ah hman a tum a, a ni pawh a tul ang  ang ah a rawn phei a min rawn buaipui a diktak chuan Bena hi chu hrilh chawp loh chuan mahni thu a engmah tih ngaihna hre hlawllo a nia, ka U tan pawh a lu hai thlak zual ngawt ang, ka phei hnu ah Ervin nen kan la in hmu hman lo, zan lam ah rawn len dawnin keini lam kan buai bak ah a hna lam ah a buai ve tho bawk nen, phone ah erawh kan in be awllo.

            Video call erawh a la ngai miahlo thung, ka ngai ve che a i hmel hmuh ka duh ka tih pawn a duh tlat lo, mahse thinrim ah ka la lemlo a, Ka u te inneih ni ah erawh rawn lan a tum thu min hrilh a, an chhungkua in kan sawm ve nghe nghe. Ka u nupui nei tur chu a mah ai mah in ka nu nen kan phur in ka hria, ka nu nen kawr in ang kan thui tir a, in khawm dar rik chuan biak in khat in min lawmpui tut e an thu khup tawh mai.

                Keini pawh Ervin nen kan thu tlang a, ka u ten inneih thu tiam an chham lai chuan  min rawn hrilh ru zeuh a “ tiang khi ka chak ve tawh” ka nui chhuak hak a, a kut ah ka vuan a ka hmui phunin ‘Ka hria lawm” a mit a rawn siai deuh sak a.

                 Monu thian in U Lenny en dan chu kan thian ho ti ti ber a ni  leh tawh a chhan chu U Lenny ang tlangval hmeltha fel bawk si, hausa bawk si chu kei tih loh nula dang tunge at chilh lo awm ang, kei zawng ka atchilh ber Ervin ka nei miau a lawm le,inneih zawh lam ah after party erawh Ervin a awm peihloh vangin a farm house lam ah kan kal thung a, kan in hmuh hnuhnun ber ai khan ka hmuh khat vang nge a tla kuang maiin ka hria  mahse a hmelthatna erawh a hliah chuang lo.

             A lang pa leh zual zawk mahin ka hria, ka zep lo helai hmun min hruai a nih chuan tih tur kan nei thin a kan ti leh ngei ang tih ka ring mahse ka beisei ang zawngin a che hauhlo, ei tur eng eng emaw kan siam a, couch ah a bul ah ka thu a, a sir lawm nghenchhan chuan a kap kar ah min thur tir a ka hnung lam tang min kuah a , kan in kar ah hian in zah tet tut a awm tawhlo bawk a “ Ervin, min hmangaih tak take m” a bu nghauh a “ Min la it em?” mak tih hmel fe hian a khabe ka dar a a dah chu a la kang hluai a.

           Mahse a rawn dah leh vat a, ‘lutuk, ka it lutuk che hi ka khuasik dawn zawk in ka hria” a kut ah ka sih sak vawt vawt a  ‘over lutuk teh suh” a aia nghetin min rawn kuah a “ka ti tak tak lawm, nilo se ka kham thei ngailo che tih i hria lawm’ TV remote hmet kual pah chuan ka hmmm rngawt a mahse ngati nge vawi khat mah min beisei ang hian a awm tawh loh le, chu zawhna chu ka zawt hreh deuh tlat, sex vang maia zawm ah min ngai ang tih ka hlau a ni.

             Ka ngawih tak reng a vang chuan  ka beng kawm ah a rawn fawp a, ka kawr chhan ah ka hnute a rawn tham bawk a, “Acadia ka tina ang che tihka hlauh vang mai a insum ka nih hi” ka thawk a sak leh nghal talh tawh vang chuan “ Ervin min tina ngai hleinem hmanni tih loh kha chu” ka khi deuh suk a ,kan inneih zan ni awm fahran in ka U te aiin lawi that zan kan lo hmang na leh mah zawk, zing dar 3 vel ah in lam ah min dah a, Bena haw tur nen kan intawk a nidang anglo takin Bena’n a be hmasa zawk tlat.

           Chhung te  anlo mut fel tawh vangin Bena nen ngawi rengin mahni room lam ve ve kan pan  a, kan che na bawk a ka chau ang reng viau, ka muhil nghal bawr bawrh a, farm house ah ka in bual tawh vangin, ka inthlak nghal sawk sawk kha  ania.

             Chawlh ka nei reilo bawk nen, lunglei lam ah ka haw leh tawh a, zan khat ka thiante lo len laiin number hriat loh tang call ka dawng a “Acadia,  I nu Dingi (Ervin nu) ka nia, I dam tha maw” teh hlawl chuan kan in kawp dan zawng zawng an hria a mahse vawi khat mah minlo be ngai si lo ah ka hamhaih deuh ang reng “ Aw dam e, nagni lam in dam zawk  maw?”

              “Dam chiahlo deuh a chuvang a rawn call che chu ka nia” hlauthawnna pawh ka neilo, ka u mapuii hi hmeichhe lam Doctor nih vang hian a mamawh nga a number min rawn dil dawn emaw min biak sak turin a duh ah ka ngai a” Ava zia love aw, engtin nge I awm a “ a ngawi deuh vang vang a “Acadia, Bawiha zawk a nia” ka nghilh deuh dup in ka hria, vawiin tlai ah pawh kan la inbia a, a nawm lo thu tak ngial pawh a sawi silo.

                  Han chhan let vak ngaihna pawh ka hrelo, ngati nge Nu Dingi daihin min rawn hrilh ang le? “Aplastic anemia, a nia a natna rei tawh ti ila, thla 4 vel chu a ni tawh, zan in khan a zual leh deuh a hei Brenneton Hospital  ah kan tlan phei a ka rawn hrilh ve che, mahse lo ngaihtuah lo la, zing khua var a nga a zia leh mai ang” chhanlet ngaihna pawh ka hrelo ka hamhaih em a ni, “Acadia, I tha tiraw? Enteh hlauthawng suh naktuk ah hian Mumbai a a Dr kha kan chah chho a, engkim a tha leh vat ang”

             A hmu thei lo tih hre mahila ka aw a chhuah theih loh vangin ka han bu nghauh ringawt a, “tui deuhin mut tum la, lo ngaihtuah suh ang che aw” a tawp a tawp ah zawng ka mangtha ve the ihram a, Ka u ka call nghal a ka in leng te reng ka ngaihsak thei tawhlo “Aw Duati, enge nit a?” dam thlup in a rawn ti leh a “ Mam, Aplastic Anemia hi enge” a hlauthawnna chu a aw ah a rawn lang a “ I tha em? Engtin nge i awm,?”

         “Mam, ka tha lo mahse keimah a nilo nia, eng lam nge a hlauhawm em” ka that leh that lo min zawh reng a vang chuan ka ning tawh lutuk “ Ka tha ka tih chu eng lam natna nge lo sawi vat teh”a hrawk hian ka hrawk ti tih tawh “Thisen lam natna nia a serious viau bawk, thla 6 emaw rei ber ah thla 7 vel bak an daih lo” ka nghing lawih a ka phone ka thlauh a chhuat ah ka thu thla nawk a, ka inleng ten min rawn buaipui a, ka phone rawn ring leh zat chu an lo pick up a.

         “Duati , enge thil awmzia? Min ti hlauthawng tak zet a nia” ka mittui pawh a tla thei rihlo tun ah tak hi chuan ka aw pawh a chhuak thei rihlo mahse ka in ngaihtuah harh a ngai, ka rilru ka sawmkhawm a ka harhfim a ngai tiang ringawt chu a  ni theilo, “Mam, Ervin nu in min rawn call a kha natna kha Ervin an a vei thu a rawn sawi sin, tun ah hospital ah Brenneton ah  an awm ” ka u thaw deuh hawk chu ka hria a, “Duati, hlauthawng suh, a tha leh mai ang”

             “Thla 7 bak an daih lo iti ni lawmni tun hi thal 4 a tawrhna  ani tawh a, engmah pawh minlo hrilh ngai reng reng lo a,  thla 3 chiah a sin a dam tawh dawn” ka au hi a ni ber mai “Ka hrethiam a lawm, mahse Mihringin kan tih theih loh hi Pathian hian a ti thei a sin, I tetlai tang a Miracle ring em em tu i nih kha” a thusawi chu ka ringlo a nilo mahse tun dinhmun ah tak hi chuan Miracle ai chuan Ervin ka chan dawn ni a ka inhriat na chu a lian zawk tho tho.

       “Zanin ah ka rawn phei nghal dawn a nia” a hlauhthawn zia chu a aw ki ah ka hria min rawn hrawk hial reng a ni “Ka hrethiam lutuk che rawn phei la enge i tih chuan ang, nang aia thiam doctor rual in an enkawl a enge tih theih I neih? Naktuk khawvar ah kan ngaihtuah a nga, hei I U mapuii nen hospital ah chuan an va kal nghal ang, chanchin kan rawn hrilh ang che, khawi ah mah chhuak lo la, In ah khan lo awm ang che”

            Ka luhlul zia hre tu ka U hian In ah ka awm mai mai lovang tih a hriat tel tho ka ring, U Lenny te in a chaw ei an lo nia, an pathum chuan hospital lam ah an lo va kal a, hospital a lut tih chua Lenny hian a hria a chhan chu  a pa te lam atang an inchhungkhat an nih vangin. Darkar 1 vel zet hnu ah ka U in min rawn call a ka pick up rang ngei mai. “Duati hei hospital ah chuan kan  awm a, lo ngaihtuah suh, a tha tawh lutuk e mahse a muhil a , naktuk lam ah amah pawn a rawn be thei ang che, tui tak khan mut tum la, rawn phei hlek suh ang che.”

              An thu chu zawm ka tum lo nasa mai si a, keimah chauh a phei chu zan thil a nih vangin ka hreh deuh hlek a, kan innei tu te fapa tlangval, hnathawh nei lem lo zu heh ve zet, mahse rilru that fu si, ka duh duhna a ka tirh kual ngam amah pawhin a duh duhna ah ka motor a hman ve thin tho avangin, ka thiante haw hnu ah in chung ah ka tlan chho a, damlohna vanga zanin a Aizawl phei ka ngaihthu ka sawi chuan an lo remti ve mai a, an fapa nen dar 10 vel ah in kan chhuah san a.

             Kawng ah kan chawl khawmuang lem lo bawk a, zing dar 6 ah hospital ka thleng hman a, ka phei thu ka chhungte ka hrilh hran lo, rem an ti lo anga kan inhnial buai leh ngei dawn tih ka hriat vangin, damdawiin an lo hawn avangin ka lut nghal a, ka tlangval hruai, Tetea erawh a riltam nen in hnawhpuar na tur ka pe a, ka duh hun ah ka call mai tur thu ka hrilh a, ka kalsan nghal. ICU ah erawh a awmlo a, cabin ah an lo awm a, Nu Dingi ka phone nghal a an awmna te min hrilh hnu ah in chung lam ah ka chho a, ka tha khur tih reh ka tum viau pawn a room ka hnaih tulh tulh a ka tha khur a nasa tawlh tawlh thung si.

                 Nu Dingin pawn ah minlo hmuak a, a cousin mipa leh a farnu nen an pathum in anlo awmpui a lo ni a,  “Acadia, lo ngaihtuah suh ka tih kha, nangmahin i rawn zan tlan a maw?” min ngaihtuah fe a Nu Dingin min en chuan “Ervin hmel ka zuk hmu, a dang bal te a lo cher kuam te chu ka in sum thei lo, a bul hnai ah ka thu thla nghal a, a biang ah ka khawih, tui tak hian a mu sek sek nge engmah a hre lo zawk, ka khawihna te chu hria ang pawn a awm hek lo, a kut ka fawp a ka mittui dan rual lovin a luang zawih zawih a, a farnu in ka hnung lam ah min lo kuah a.

               Kal pui ka neih thu leh zan khat lek pawh ka riah theih tawhlo thu ka hrilh chuan min hretiam fe hian ka kut ah a rawn vuan a , Dar 12 dawn ah a rawn meng ve de de a, a besei lo tak min hmuh vang chuan fiah deuh hian a rawn meng deuh kawk a, mahse a chau ngawih ngawih tih a mitmeng ah pawh a hriat reng, A farnu nen kan pathum chiah in kana wm a, zan lam a anlo mut that loh vang in Senteii chu sofa ah a mutui ngang mai.

              “Ngati nge i lo kal? Tunge lo hrilh che?” thinrim tur ka nih laiin a mah zawk chu a lawm lo tih a tawng dan ah ka hre mai, mahse min ngaihtuah vang tih ka hriat vang chuan, I rim tangin ka hre thei, ka nuih sak a, mahse min nuih ve lem lo, a mitchhing leh nghal daih a, Dr ward rawn fang rawn kal in thawm a rawn neih tak ah chuan a rawn meng a, Dar5 ah Mumbai Dr a rawn thlen tur thu a sawi chuan a hmel pawh tlemin a thlamuang tih hriat tak hian a awm a.

               “Ervin, tinge min hrilh ngai loh?” ka mittui chu dan tum eng ang mahila, ka dang theilo, ka kut ah rawn chelh nghal vatin “Acadia, hetiang a min hmuh hi ka duhlo a lawm, bak ah I tan ka fight a , ka fight chhuak ngei ang tih ka hriat vangin, ka dam fel law law hun ah ka hrilh ang che ka tia” Min ngaihtuah hun pawh a nilo, amah duat taka enkawl tu a mamawh laiin ngatinge min hrilh loh, ka thinlung chuan dem em em mahse,min hmangaih vang leh ka rilru hreawma hlauhna vang chuan lungawi lo ngam pawh ka nilo. “Ervin khawi ah mah ka kalsan dawn hauh lo che nia”

              Tete a ka hrechhuak zawk a, ka call a, a thiante in ah a len thu a sawi chuan ka thaw veng huai mai, ka lo hre chang tawhlo reng reng, dar4 vel ah Lenny leh U Mapuii thiannu “Pensy an rawn lut ve hlawl a” tum loh deuh a min hmuh vang nge, U Lenny chuan min en reng a, harchhuak zawk ni awm tak hian, a kut rawn phar chhuak in min chibai pah chuan “ Engtik nge I rawn thlen a?”

            Ka thlen hun ka hrilh chuan, mak ti fe hian min en a, “I chhungte I rawn phei tih I hrilh lo mi?’ ka hrechhuak zawk, ka rilru ci ai kual vel lutuk vangin ka chhungte lam reng pawh ka lo hre chang tawh lo “ehe ka call nghal a nge” thlang lam pang balcony ah ka chhuak a, U Mama ka call nghal a, ka phei an rin tho vang nge a thinrim ka rin  nen a thinrim miahlo,mahse In lama haw tur a min tih chuan ka aw ve mai a Mumbai Dr lo thlen hnu chuan ka chhuah san a , zan ah ka riahpui tur thu ka sawi chuan “ E hei kan tha tawh lutuk, lo kal duh tawh suh, in lam ah va chawl hahdam la, a tul nih chuan zanlai pawh nise kan rawn call ang che” Ervin Pa in a tih chuan ka bu ngauh a.

                       
         A mah hmuh phak loh hian ka hahdam lo, a bul ah tlaivar pawn awm ila ka hahdam zawk a ni, ka kalan tur ka va hawi let min melh dan khan ka thinlung a khwih tak zet, kalsan ka hreh ngawih ngawih a ni mahse kan in ah tal ka van hawn ve phawt loh chuan thil mawi a nih loh bak ah ka chhungte mitmei ka veng tel lo theilo
 
            In kan thlen chuan Ka chhungte anlo awm kim thap a, min hau loh ka ring miahlo, mahse engang pawn min hause tih rilru pu a haw ka ni a mahse chutiang engmah a thleng lo.


           Ervin chanchinchuan kan inchhung a luah khat bawk a,ka thleng tang a chaw ei thleng mai chuan Ervin chanchin bak kan sawilo, ka nu mitmeng atang a min hmangaihna leh min khawngaihna te Ka Pa un beisei na nei tlat tur a min fuihna te chuan chakna leh beisei na min siam sak a.


        U Bena leh Tetea pawh min kalpui turin an in siam aa keipawh ka room lam ah damdawiin kal leh tur a ka in siam lai chuan Ervin farnu in min rawn call a, ka rilruah hlauhthawnna a awm nghal a phone ri hlekin ka thau ah min man nghal zel.