LENNY ACADIA 8

In chung a ka chho tur chu U Mapuiin min rawn umzui nghal vat a “Acadia enteh Pensy khi kan sawm em em pawh nilo nia, I U Bday lah a rawn wish hmasa ber ah a tang a, kan lawm dan tur vel min rawn zawt chiam a, kha ta han hmaih kha chu” a inthlahrung tak zet tih ka hrethiam keimah hian hreawm ka ti zawk mah.

“A ho lutuk, khi a piangthar tawh nih hmel khi a harhfim em mai” ngaihpawimawh loh hmel zet a ka tih chuan U Mapuii pawn ka dar ah rawn vuan in min nuih sak a, Bena bul ah ka thu thla ve a, U Peka ti ti an lo ngaihthla leh pek a niang an kil deuh thup dan a hian, ka thu fel chiah a “Piang nawn leh ngat ilang chuan Acadia hi ka chhuah dawn lo hrim hrim, a ni ka neih theih na tur nih chuan nileng a sakhi thang a in awh ka thlang”

Kan nui dar dar a, Pensy awm lai kher lehnghal phei chuan ka van han sawi hreh tak e aw, U Mapuii a rawn chho a, ei leh in tur vel sem ken chhoh pui turin min rawn k ova, kan Angel hawl thlak hlim te reuh hian rang fahranin “Acadia lo thu rawh khawi keiman ka zuk tih pui nge” U Mapuii pawn mak a ti a ni tih a hmel ah a lang reng a, a ruk in kan in nuih tawp.

Ka tan chuan chance tha lutuk a ni, mahse engtin nge ka biak hmasak ang, Aw van Angel te u min pui teh u amah hian min rawn be hmasa lul teh se, ka va en leh zeuh thin a, ka hawi phei piang a kan mit in tawng fuh ziah pawh chu a! Vanneih na hian min la kalsan bik lo tawp a nih dawn hi U Mama thianpa lunglei lam mi rawn zin a rawn chho ve a kan zing ah Lenny zung tur a a thawh hlanin Lenny thutna ah a thu tharh a, Lenny rawn let lehin loh theih lovin thutna awl awm chhun ka bul ah a rawn thu thla a.

“I dam maw thin maw?” Lalpa ka van han lawm tak em “Aw dam e, I dam zawk maw” a hma kha chuan min zawh pawh ngailo in thil ho te te ah te khan panchang em em in a bul ah kan nufa in kan awm thin kha  ania mihring nun in her dan hi hriatthiam a har ka ti thin. Han sawi chhunzawm tur kan van dun khawp mai, mahse tun ah ka ti lo nih chuan chance ka nei tawh dawn silo “Lenny in company ah post ruak a awm em ni?” ka zawhna vang chuan min rawn en nghal vat a.

“Aw, I rawn thawk ve duh nih chu ka ring chiah lo” min fiam zui sak a, “Ah, nia englo nia ka thiannu a hna tang an ban thut a, an chhungkaw dinhmun alo harsa ve bawk si nen” in sawi pui dan ka thiamlo bak ah ka ngen ngawt ngamlo hrim hrim, ka rilru a hre nghal vek emaw tih mai turin “ a nih chu mawle tunge I thiannu hming chu?”

“Vanrengpuii Teteii kan  tia” ka sawi zawm leh hma in Pensy te an rawn chho a, kan thu dun min hmuh rual chiah a Angel hmaikawr phen a mitmeng kha nuih te pawh a ti za lawm le, a ngaih ti tha lo tawk lek a awm ka chak ve hrim hrim “Kan in be tha dawnnia” tih pahin ka tho a, inhnuai lam ah naupang ngaihven turin ka chhuk a.

 Lenny hawi hai hmel chuan ka nuih a ti za tlat chutih rualin ka inthiamlo ve tho. Zan a lo tlai tawh bawk nen keini chhung kan hawng a, midang ho erawh hawn an la tum mai lo nih hmel, mut hmun ah thil tam tak ka ngaihtuah a Lenny te chhungkua leh Ervin te chhungkaw chunchang ka ngaituah a, Lenny an kan nufa min lo ngaihtuah em em chhan kha ka thinrim a, mualpho tak a ka awm vang khan mahse a dinhmun ah hian ding ta ila a tih ang tho hi ka ti ve ngei ang.

Kar 1 hnu ah Teteiin min rawn call a, kan nufa a tlai chaw ei turin min rawn sawm a, mak ka ti deuh kei pui hi ka haihawt sia  a birthday te a niang  a ka lo theihnghilh leh a nih ka ring, office bang dawr ah ka lut kawi a enge maw a tan a ni special deuh a nih tak ah tiin ka zawt ngam silo a kawr ka lei sak ta ringawt a, in lam ka phone sa a, Layla lo siam lawk turin ka tia, in ka thlen chuan a lo phur leh tawh khawp mai, ka fanu nen hian ka duh ang pawn hun kan hmang dun tam theilo mahse ka theih ang  ang in a tan hun ka in siam ve thin.

Len chhuah hi chu engtik lai pawn a in peih sa at reng zel, keimah nen ngat phei chuan a phur lutuk hi hmuh a nuam tak zet a ni, kan nufa in Teteii te in lam panin kan in khalh phei a, “Ama, ngatinge apa kha kan bul ah a awm ve loh? Marcus chuan Pu Mama hi a pa a tia, ngatinge a pa kha thlanmual ah a awm bik a? Pa hi ka duh ve e” ka fanu in nidang ah min la zawh ngai miah loh min zawh chuan mak ka ti lutuk leh ka rilru na lutuk chu ka insum theilo tep a ni.

Ka in ngaihtuah harh a “Layla, Marcus aiin i vannei daih zawk a lawm, Marcus te chu a pa office kal hlanin a pa in a en reng theilo a, nang te chu khawi ah pawh awmla , I pa hian a en reng che a, I bul ah a awm ve zel a lawm, Kan hmu theilo a mahse I pa chuan a hmu reng che lawm” ka sawi zawng pawh chuan ka aw a khur thei, ka fanu hian ti khawp hian ni maw Pa a lo mamawh a, a lo duh ve, a mamawh tih chu ka hria mahse a sawi lan ngailoh vang hian ka lo ngaihven tawk lo a ni.

“Ama, ka hmu ve duh tho lawm” a rilru lak pen na ka zawn vak a ngai, a thil duh hi tun tum chu ka tih sak theih thil a ni silo, a thil ngainat em em mahse ei zen zen ka phalloh ice cream chu ka leisak ta ringawt a, naupang rilru thianghlim tih tak ah Teteii te in kan thlen thlengin engmah a sawi zawm ta lova, ka va han lawm tak .

An chhungkua ah naupang an awm tawh bik lo nen, Layla a tel tawh hi chuan an chhung hian an ri hlut thin, ka fanu lah tawng duh rual a lo ni ve bawk nen, Teteii pa chu ka hmu cher kuam mai, rei kan thut hma in Lateii a rawn lang ve bawk, ka rilru chuan ka tisual love Lateii pawh a sawm a nih chuan a birthday a ni ngei e. Lateii pawh chuan “hei enge awmzia? calendar ka en a I birthday ala ni bawk silo” Eheu engtak ni dawn maw?

“kei pawh I birthday emaw ka ti sin” ka han tih chuan an chhungin an nui vak vak a, Lateii nen kan hrilh hai ang reng “Hei nangmahni zar ah liau liau a bikin Acadia nangmah vangin hei Darp travels ah khan a tling ve a, lawmthu sawi nan hei chaw hlui kil ila kan tia, a tling tih vawiin khan an rawn hrilh a” an chhungkaw lawmna aiin ka lawmna hi a nep bik chuangin ka ringlo, ka kawr leisak ka pek phei chuan a pa mittui a rawn luang “Hna i zawn hmuh sak a, thilpek i rawn pe bawk, kan chhungkaw chung a I that na hi kan va han lawm tak em”

Hun hi a va han vei chak take m! Tun ah chuan Layla pawh kum 6 alo tling ve dawn der tawh mai, apa nen kum 6 chhung kan inzui a midang ah kan pel he lo ve ve han off chang te chu nei ve thin mahila midang lak ah kan in bosan ngailo, a pa tello a kum 6 ngawt ka han enkawl ve thei hi a chang chuan ka lawm thin, ka enkawl ka ti tak na in Ervin chhungte leh ka chhungte hi awmlo se chuan tun dinhmun hi kan nufa hian kan thleng mawlh lovang.

Alo lian ve tawh bawk a, ka tello a a pa te in a riah pawh a thei ve tawh, ka hna ngai ka la thawk ve char char a, tum khat kan thawhpui nu birthday party ah min sawm ve tlat a, Ervin khan a phal ngailoh bak ah thiantha take maw amah emaw an tello nih chuan hetiang vel a kal hi a phal ngailo a ka lo chak lutuk vak bik lo nen ka kal ngai lem lo.

Tih tak zet a min sawm vangin han hnial chu hreawm ka ti viau, ka fanu ka chhuanlam ngial na in zan khat lek te chu duh leh I haw hma anga min la tih tlat vangin ka aw ve ta hram a, chaw ei laiin ka sawi chuan Layla a tum bur mai, zan ah hian damlohna emaw chhiat tawh thil a nih loh chuan ka chhuahsan ngailo, nilengin kan in hmu lova, zan hun na na na hi chu a kiang ah awm ka duh thin.

Ka rin loh deuhin ka nu leh pa in “Bawihte, I nu hi a chhuak ngailo a, len pawh a leng ngailo  a, an thawhpui te nia, tiang ni khua ah chuan hna thawk tawh te chu kal ngei ngei a ngai thin” mak ka ti zawk, ka chhungte pawn min hnial ka rin nen an phal main nilo vin ka fanu hrilh fiah tu ah an la tang zawk ta nghal a, hetian lam pang ah ka kal ngailo bawk nen han in thuam mai ngaihna ka hrelo hle mai.

Bena lah tlangval kham theilo nen nupui neih te chu ala tum loh hmel ngang mai, ka u in nupui fanau a uap dan vel a hmuh hian a mizia nen han in sacrifice tawp kha a la in peihlo a ni ngei ang , ka hak tur vel ka zawn laiin Layla nen an  rawn lut a “Kan va thlah dawn che mi ka princess nen hian” Layla kal chak lutuk hmel nen nuih  var var pahin ka bu nghauh a ka fanu lawm lutuk rawn tlan in min rawn kuah nghal thawk a.

Hak tur ka hre lo tih Bena chuan a hrethiam a ni ngei ang, a ni party lawm ta ngang chu hmeichhe hak chi thlengin zuk hria a mawl e, hak pawh ka hak ngai loh amah Bena’n nikum ka birthday a min pek mini dress a green chu min rawn phawrh sak a, “My princess, I nu hi tlangval in an hruai haw daih mai nga” ka fanu mittui tling pang ka hmuh chuan Bena lu ah ka tuk fawk a, “mawl mawl teh suh, Ka fanu lak atang hian tuman min hruai bo theilo, ka hrilh che kha I theihnghilh tawh mi?” ka fanu bul ah ka thu thla a, “I pa in engtik lai pawn kan nufa in angel angin min veng reng ka tih kha”

Ka fanu rilru thianghlim zet a rawn nui leh var var mai, ka han in chei zawh meuh chuan “anu khatiang kha ka len hun ah min lei ve rawh aw” ka chhan  hma hma in “Tiang te chu I ha ve dawn teuh lo, I nulat hun ah chuan muslim nula ang hian kan chei ang che” Bena’n a rawn tih chuan ka fanu thinrim nen an in um chhuak a, an hnung ah ka zui thla ve a, “Acadia, i van hmeltha em em, hetiang hian in chei ziah rawh” kan nula pakhat zawk in a rawn tih chuan ka nui chhuak hawk a.

Farm house lam ah daih a nih vangin a hmun pawh a fal tha ang reng, Bena’a farnu ngaihtuah mi tih tak ah a hmun ah rawn lutin tutu nge awm tih a rawn en hmasa leh phawt a, a chhung vel a en kual chhungin Layla nen motor ah kan lo awm a, motor a rawn luh leh rualin “Lungngai suh ka thiante pathum an awm, I him ang, an rawn thlah hawng bawk ang che” ka nui chhuak vak a min rawn en hu a”Ben, indona kal tur ka va ang ve” a ni pawh a nui ve suk a, Layla nen an tlan liam tur ka thlir laiin hnunglam tangin “I rawn kal ve law?”

Ka hawi let hma pawn tunge a nih ka hre thei “Lenny nang maw?” amah pawn mak a ti ni tih ka hre mai min melh dan ah “Aw bday girl saw kan thawhpui nu nia” in chhung lam ah kan inzui phei a Pensy a awm leh ngei dawn tih ka hriat vangin ka hnual rawih rawih haw leh mai ka duh tak zet a ni, ka thinlung hian a ngaidam theilo ni, mi huat hi ka nei zen zenlo ka huat tawh chu damchhung a daih ka ti mai thin.

Shabina (Birhtday girl) in min rawn hmuh chuan min rawn pan phei vat a, “ka lawm takzet i rawn kal ve thei chu, I lo kal theih pawh ka ring lo nia, ka lawm takzet” tih pahin min kuah nghal cheng cheng a, gift ka ken ka pek chuan ka biang ah rawn fawp zeuhin “ a ngailo sin aw ka lawm lutuk, I duh dan dan in awm ve tawp rawh, sawm lam saw mi an tlem a, a reh deuh a I duh leh va thu phei rawh, midang ka lo chiau au ange”

Ka bul ah Lenny ala ding reng tih ka hmuh chuan mak ka ti deuh, ngawi rengin balcony lam ka pan a, a ni pawh ka hnung ah ngawi rengin a rawn kal a, an lo in dut deuh ngawng ngawng ka hmuh chuan ka lai lutuk let leh mai ka tum chuan kan thiante pawh chuan kan thawm an hria nge an rwn hawi chhuak a, in thiam lo deuh hian an in kai chhuak nak nak a, an thutna awl ah chuan ka thu thla a, Lenny ala awm ve reng maw ka tih kha alo awm tawh miah lo.

Enge pawi vak, an nu bul ah a awm niang chu mawle , Ervin nen a kan thlalak ho ka paih bo ngailo ho ka lo thlir mai mai lai chuan “I lung a leng deuh em ni?” engtin nge a rawn let leh zawk a, ka insum hman lo “Innu bul ah I kal ta daih maw ka tia” a mah en ha pah chuan ka han tia “chu min lo ngai hma der elaw” tihleh ka bul a rawn thut a rawn rual a, ka lo tawlhsawn vat a “min hlau suh ka ei lovang che”

“Bak ah nula awm lai chuan innu tih kha hmang tawh suh, miin nupui nei lai maw min ti nge, senior tawh lam ah phei chuan a hit viau lo a nia” amah a insawi sak chhunzawm nghal zat a, beer cane a rawn kheuh hawng a, min rawn pe a, kei lah chuan ka ban ve mai a, a bul ah hi chuan in ila ka him lohna chhan tur ka hre lo bawk a ni.

Eng eng emaw sawiin kan ti ti a, tun thleng a nuam ka la tih leh ka la sawi tui ber Ervin chanchin sawiin kan tawng bual a, cane 12 lai a rawn la a, kan pahnih in kan in dun ngat ngat a, a ni chu rui ang pawn a awmlo ,kei erawh ka lo tih ngai tawhloh vang nge, cane 3 ah chuan ka kai sak tawh mahse rilru leh taksa control theilo ka nilo, bday cake zai tur an tih thawm ah chuan kan chhuak phei ve a, ka mit leh ka thinlung chuan Pensy a la zawng reng tho.

Eng vanga rawn lang ve lo nge a nih? Chu zawhna chu ka chhang thei chuang silo mahse keimah leh keimah ka in zawt tlut tlut a, kei hi ka pian hnu lam ah mi hma chu sawi loh mahni room ah takngial pawh ka lam ngai lo hrim hrim, Ervin khan min ti lui nasa thin mahse ka lam hi ka la hre lo, music ring lutuk nen, ka in intui lak lawh bawk nen balcony lam ah bawk ka phei leh a, Lenny pawh chu kan rilru in ang nge ni dawn ni alo duk leh kurh kurh tawh a.

Ka thut phei chuan ka va nuih sak a, min nuih let ve lem lo, “I la kham bik na nge” ka tih chuan thu tak fe hian min rawn melh a “ In vak ve vak vak suh” ngai pawimawh lo fe chuan ka hawn chhunzawm nghal zat a,shabina birthday zan ber kher hi October full moon ala ni leh nghal, ka kai tawh lutuk mut mai ka duh tiang chuan a ngaihna awm dawnlo, ka mualpho mai dawn.

Bena lah khan a thiante hming tak ngial pawh min hrilh si lo, kei lah khan zawhna chang pawh ka hrelo, a then an lam a, a then pool lam ah an awm bawk, boruak chu a nuam lo ka ti telh telh , ka zun chhuak nen ka tho tur chu ka pai deuh nawk a, Lenny chuan min rawn chelh nghal thuai a, ka zun chhuah thu ka sawi chuan washroom lam ah min hruai a, tiang em em hian ka in tirh ata ka la rui nawi ngailo, washroom ah pawh ka lut hlei theilo, min rawn zui lut ve a, min thut fel tir a, ka in sil lai takin ka thawm ring deuh nen a rawn lut a, in thiam lo deuh a a chhuak leh ka hmuh chuan ka khi suk a.

Bang ka vuan phei a, ka pen thei ngawr ngawr a ni, “Lenny haw mai a tha in ka hria ka mualpho hma hian” a bu nghauh ringawt a, midang pawh an normal tawhlo tumah kan in care tawhlo, a motor ah min thut fel tir hnu ah a rawn let leh mai dawn emaw ka tih laiin in lam ah a phei leh chu ka hmu deuh ruai ruai a, ka meng thei thlawt lo, ka lu tang chuan tui hian min rawn leih a ka harh deuh hawk in ka hria.

Ka hawi chhuak a kan awm na chu khawi hmun nge tih pawh ka hrelo, ka meng a deuh phiai a, nichin ang  em em kha chuan ka awm tawhlo mahse ka taksa a la zawi nguai mai, Lenny  a ka bul a thu ka hmuh chuan a dar nghengin ka thle bak a, ka rui lutuk tawhlo mahse ka zawi em a ni, a in sangmar teuh ka hmuh chuan “ka ei zo lovang che” a ma min fiam ang bawk chuan ka fiam zawm nghal a.

A rawn nui sun sun a, nilo ka ngaihtuah na hi a diklo, ngati nge Lenny hmui khi ka fawh chak em em, a vawi khatna tan mipa dang  bula ka awm a Ervin ka ngaihtuah chhuah loh tum a ni ngei ang le?  Ka thawmhnaw zawng zawng a huh a, min tih harh tum in ka shower hnuai ah min thut tir a, ka rilru a harhfim ka ti tak na in a harhfim lo tawp a ni ngei ang.

Ka tho kang thut a Ka hma tak a Lenny thingthi chu ka va fawp thut a, a ham haih zia ka hria, min nam sawm lova min chhang let hek lo, ka fawp duhthawh telh telh a, mipa na ngang chu hmeichhia in kan tih hmasak chuan in sum theih loh chin an nei nge nge zel, ka beidawng tep, ka hmui ka lasawn tur chu ka biang  ah rawn vuan in, keiin ka duhthawh ai nasa mah min rawn chhang let a.

Ka kawr huh vek tawh chu min hlih sak a, kawrhnuai leh underwear nen chiah ka awm tawh ka taksa a rem lai lai ah a fawp kual a, a fawh lohna piang a zut kual bawk a, Tui far tluk tluk nen, ka ngaihtuahna a fim chho tan, ka hnute  a rawn fawh lai tak chuan chiang em em hian ka mitthla ah Ervin nen kan lo khawsak thin dan a rawn lang a, ka phurna zawng zawng a reh nghal duak thei, “Ervin” Ka ti chhuak hrawih a.

Min thlah mai a tum chuang lo, ka cho chhuak a, a tan chuan tawp mai  a harsat dan tur Ervin awm dan thin ah khan ka hrethiam ve tho, mipa pakhat chiah nei ni mahila, kan inzui rei bak ah kan khawsak dan khan mipa awmdan leh duhdan hrethiam lo thei lovin min siam/mi zirtir a ni, ka chhanglet hlei theilo, ka kekawr te kar a a kut a rawn zen luh meuh phei chuan hlauthawnna ka nei lian tulh tulh a, ka tal aih aih a.

Min thlah a tum chuang lo, ka rilru a na telh telh a, ka thiam loh a ni tih chu ka hria lawm mahse mahse enge ka tih tawh chuan ang, ka nun ah hian Ervin lo chu tumah an awmlo, “Lenny khawngaih takin min ngaidam rawh, ka tihsual a ni” ka mittui a rawn tlak tak avang chuan min thlah ve ta hram a “min cho chhuak a, ni e a tha lawm, in ha rawh ka thlah ang che”

Ka zak lutuk leh keimah ka in haw lutuk chu awm ngaihna ka hrelo, chet ngaihna pawh ka hre tawhlo, ka thu thla hnawk a, chhuak em em si in sum tak chung hian ka tap feih feih a, “tahna hun a nih ka ring tawh chiah lo, in ha rawh” ka tho chhuak them them a ka awmka hup a , ka thawmhnaw huh hnuang chu khur hlawk hlawk chungin ka ban a.

Min rawn chawi nawlh a, min chhuah pui a khum ah min nghat a, tal pawh ka tum tawhlo ka nun leh ka engkim hi keimah vekin ka ti chhia a ni, a in hli p ve nghal a ka bul ah arawn mu a, ka saisir nghal vat a, ka hnung lam tang min rawn kuah a, hnuai lam a min do run tu awm chu ka hai der thei silo, ka nghawng leh ka hnung vel a rawn fawp kual a, ka ti ril khur der der chu a hre thei a ni ngei ang. “Mu rawh engtin mah ka ti lovang che” mahse min la kuah reng tho.

Room kawngka an rawn kik a, a tho thuai a towel a veng a  ava hawng a, pawn lam ah a chhuak zui nghal a, rei lo te hnu ah a rawn let a mut pah in light a rawn off a, “Acadia I duhlo chung ka ti lui hauh lovang che, hlauthawng suh kha hei hi in rawh” tih pahin tui min rawnpe a, thuawih fe chuan ka in ve mai bawk a, ka mu leh nghal chiah tih ah min rawn kuah zui leh nghal a.

Ka muhil mai dawn emaw ka tih laiin ka harh tulh tulh a, Lenny hnuai lam lah sakawr hrisel an sawi ang mai a ding khawng reng mai bawk si, ngaihtuah loh ka tum pawhin ka theilo, a kut a hlei tial tial a, ka awm bawr a rawn khawih thuak thuak a, ka inrin hma hauh in ka ti dawn nge ka awm dan ka hrethiam tawh biklo, ka hlauhna zawng zawng a bo vek a, tisa chak na in min rawn man bet ka ti mai chu bak sawi ngaihna ka hrelo.

A kut ka chelh vat a, ka awm pawng lah ah chuan ka hmeh bel a, phur tih hriat tak hian a rawn hum bet nghal chat a, a thaw deuh hak a, ka nghawng leh ka hnung vel a rawn fawp kual a, ka in let thawk a, a lam ah ka hawi phei a, nichin ang mai khan a hmui fawh ka chakna ang chiah rilru kha ka pu leh tawh, keimah bawk chuan ka han fawp hmasa leh a, min rawn chhang let rang ngei mai.

A in siam rem vat a, a rawn chhuk thla telh telh a ka nghawng mai a duhtawk tawhlo, ka hnute a rawn fawp nghal zat a, ka thawk a sak nghalh deuh tung a, a tukhum sam ah ka lo hmer ngawt ngawt a, ka dul vel a fawh a, a kut veilam in ka point ka underwear chhan a a rawn khawih lai phei chuan ka thaw hlei theilo a ni ber tawh mai, ka kawng leh ka lu a che kual sek a.

Ka panty hlip chuang lovin a sir atangin a kut a rawn rawlh lut a, thiam tak maiin a vawikhat tihna a ni lo ang tih chu ka hre mai, a kut che vel reng reng chu mi engzat nge a lo khawih tawh tih lam ka ngaihtuah theilo tun ah tak hi chuan ka mamawh ngawih ngawih tih bak engmah ka hrelo, keipawn a sakawr ka man bet ve nghal vat a, a thil tih lai a chawl dat a, min rawn en pahin ka hmui ah a rawn fawp nghal a.

Tawp ka duh leh duhloh min zawt a, chhang thei ka ni tawhlo, ka taksa che velin  a nawr sek tawh tih hrethia lo khawp mihring a nit lat lo, ka chhung a a rawn luh meuh chuan khawvel thar hlak a lut ang mai hian ka awm, zankhua deuhthaw in chu khawvel thar ah chuan kan cheng a, ka chau ngang a niang, ka mu nghal bawrh bawrh a, dar 8 vel ah ka harh a, nizan ka awm dan kha ka ngaihtuah chhuak lo theilo ka bula mu ka hmuh phei chuan.

Nilo, Lalpa, Ervin min ngaidam rawh nilo tiang hi a thleng theilo nilo enge ka tih tak , inthiam lohna hian kan hun kal tawh a thlak danglam thei chuang silo, ka fanu riah bosan in a Pa unaupa ngei ka mutpui a maw? Eng ang hmeichhia nge maw ka nih le? Dam chakna reng nei lovin Ervin min kalsan khan ka awm a, mahse kan fanu vangin ka fight tawk tawk a, tun ah ka fanu pawh ka phatsan leh si a maw/

Eng ang nu nge ka nih a, eng ang hmeichhia nge maw ka nih le? Ka in zahpui tih hian a sawi fiah lo, inchhir vang a siam that theih ni seng chuan ka ro zawng zawng pawh hi chan ka huam mahse zung khat pawh ka siam tha theilo a ka kokir thei heklo, ka phone ka chek a, engmah a awm lo, ka chhungte pawn min rawn call miahlo a maw?

Ka Layla tello hian vawi khat pawh ka la riak chhuak ngailo chutah ka fanu ka bum a Ervin lak a ka thutiam ka bawhchhe bawk a maw? Lenny a rawn che tual tual a , min rawn nuih sak a, ka nuih hi a za hlawllo, hepa hi engtin nge khawvel a hian ka hmachhawn leh ngam taw hang? Ka thawmhnaw ka in bel sawk sawk a, mak tih hmel fe a min en ka hmuh chuan ka zahna a zual ting mai si.

A rawn tho a, Ervin ang mai a saruak na zahpui lo zet hian ka lam panin a rawn kal a “Acadia, engmah inthiam lohna tur a awm lo, rilru hahdam takin awm rawh” Ni e, ka in thiamloh zia hi ka hmel ah pawh a lang ta ve ang, mahse chu tawngkam chuan min ti tlawm vawng vawng, ka chhang chuang lo, a ni pawh a thawmhnaw a in bel mawlh mawlh a, kawngka lam ka pan chu ka ban ah min rawn chelh a.

“ka thlah ang che” ka aw chhuak tur reng a awm tawhlo, ka chhang lova ka ding mawl tawp, kawng tluanin sawi tur ka hrelo a kan in be lo tluan zak, in ka thlen chuan ka fanu in kawngka tang hlim em em in min rawn lawm a, nidang ah chuan eng ang pawn chau thin mahila ka fanu hlim hmel hian damna min pe thin kha  ania, tun tum chu ka fanu meuh pawh ka zah ngawih ngawih a ni, ka bum tih hi hrelo mahse keimah ah hian inthiamlohna lian tak a awm si a.

Ka hnunglam a hawi vat ah chuan keipawh ka hawi phei ve a Lenny an min rawn zui chu niin, ka fanu hian a ngaina takzet mahse a lo lank hat tak em avang khan a sawi zui ngai tawhlo kha a nia, a lo lang leh a hmuh chuan mak a ti pawh ni ve ang “hey! Princess! Kan lo tha em? Engmah thleng lo ang mai a a awm chu ka thiamloh mahnise hreawm ka tia, ka thinrim hlur mai.

Layla pawh chuan tha takin a chhang a chhang ve mai a, kan in chhung ah ngei pawh ka thiamloh leh ka tihsual vang liau liau in tudang mah in ka chhungten min hriatpui lo mahse inthlahrun na leh inthiam lohna in ka khat a, Ni eng tak ngial pawh hi hmuh hreawm ka ti a ni. In hhung ka luh in ka besei hauh lovin Ervin nu leh pa an lo awm leh nghal a, ka riak chhuak tih hi hria se eng ang in nge min ngaih ang?

Ka chhungte hnen ah engtin nge ka sawi fiah tak ang?  Ka room ah inthlak turin ka chho nghal a, chhuk leh ka hreh tak meuh , Layla in min zui chho a, kan hun hman dan vel min zawh te chuan chhan har ka va ti em! Ka fanu hi dawt ka hrilh ngailo mahse tun tum chu dawt ka sawi lo thei silo, thudik hrilh pawh ni ila, a hrethiam dawn chuang lova thudik hrilh turin ka huaisenna hian a tlin chuanglo.

In hnuai lam a chhuk tur a min nawr reng a vang chuan hreh deuhin kan inzui thla a, common room ah Lenny hovin an lo  thu thap a, an thutak hmel em em mai lehnghal a, ka va pawh mai ngamlo, kitchen lam ah ka phei a, coke ka va lem nghek ringawt a, Lenny haw thleng chuan engmah ka tawng rilo, a haw tur  kitchen ah rawn pheiin “Acadia hlauthawn lo la, engkim a tha vek ang, inthiam lo suh aw”