LENNY-ACARDIA CHAPTER-1

LENNY-ACADIA -1

“ I tello a ka nun dan tur tal lo rel tel ni lang chuan ka khawvel hi a panngai ve tur” 

Ka mittui lah chu fur laia ruah sur duh an sawi ang mai ban zai reng a rel thei bawk si lo, ka chhungte ka ti mangang tak zet tih pawh ka hria mahse keimah meuh pawh ka in hnem theih si loh chuan engtin nge maw ka tih chuan ang le?

          “Acadia, kan tlai dawn a nia, hmanhmawh ve deuh hlek la mawle” Ka unaupa in ring leng lawng a ka insiam lai min rawn koh chuan bathroom ah ka la awm cheu, vawiin hi ka hna dil vawi khat ve na tur a nia, chhungte zawng zawng in min phur pui tih ka hria mahse keimah lam ah phur na pakhat te mah a awm hauh lo, fanu neih chhun naupang ber ka ni a, min duat rawn lutuk ka u te phei chu ka thlavang hauh hian vawi engzat nge an in sual pawh ka hre seng lo.

       “Ka rawn kal mek, ka room ka rawn chhuah sawn dawn mek, ka ke dinglam ka rawn pen tan” ka bathroom ka chhuahsan pah chuan ka au lawng lawng a mahse ka room kawngka bul a ka chhungte lo ding thap ka hmuh chuan ka ne ne kual a ka nuih tlawn ham ham leh nghal a. Ka Nu in ka hak tur a lo lak chhuah laiin ka nuta ten ka pheikhawk bun tur an rawn la, ka pa in ka bag dahna a hawng, ka nu in a color hrilh in khum ah an rawn dah a, an awmlai pawh pawisa lem hlei lo chuan ka inthlak nghal tawng tawng a.

          Ka sam a hmawr lam kawi kir kual deuh nuai chu duh lo hle mahila, miin mawi an ti ve phian thin, mizo nula ah chuan a sang pawl ti a sawi chu ka ni ve ngei a lawm, mahse ka unau te ka khin lo hle,ka nu leh pa lam ah kan thlah ho hi kan te chhe lo ve em bawk a, thla hmasa mai khan stenography ka zo ve chiah a, Pathian zar ah Distinction ah lai te ka han phak ve a tun ah hna ruak a arawn awm chiah a tunlai ah sawrkar ah luh a har tawh nen steno line ah hi chuan mi an la tlem a vangin chance erawh a tam khawp mai.

            Hna thawk hrim hrim tur leh sum leh pai an awh vang ni hauh lovin puitlin ka zir ve nan an duh mai a nia, keizawng ka pumrua lian ve uai mahse naupang ber tih tak ah ka puitling hleitheilo chuta kar ah hmeichhe awm chhun duat rawn ka lo ni ve nen, hna thawk miahlo pawh ni ila, ka damchhung a nuam sa tak a ka awmna tur hi chu ka chhungten min khawlsak ve tih hi ka hre ve kur a , hnathawh lam hi ka tum ngailo.

        U Ben an min thlah a U mama erawh a hna a chawlh theih loh avangin min hruai ve ta lo, ka nu leh pa in in lam ah min lo nghak thung a, hmanhmawh tawh lam ah chuan ka u in Bullet ken a rawt a, kan pawmpui thlap, interview na hmun kan va thlen chuan hna ruak 5 awm ah mi 5 chiah chiah interview tur kan awm a, kan marksheet han en pawn ka ti tha fal nalh ve reng a, round 3 chiah kan interview a, kan zavai chuan a dil awmchhun kan nih miau avangin min lak loh hi ka ring lo hrim hrim.

       Kan haw lam bazaar ah thil lei kual ka duh vangin U Bena peihlo chung ka hruai a, dawr a kan lut tur chu ka hnung a kal  Pa lian ve fe mai U Bena ai mahin a lian ang tih tur chuan ka ke veilam ah ka pheikhawk rawn rap in ka petek nawk a ka hma ah naupang sut ka hlauh bawk nen ka bawkthlawp a, U Bena lah min rawn buaipui a hnek in za lutuk hian kawng dawm in min han nuih a dawr chhunga awm ho pawh an nuih a za mahse an insum hlawm tih ka hawi chhuah chuan ka hr eve tho.

      Ka ke rap tupa chuan inthiam lo fe hian ngaihdam min rawn dil pahin min kaitho a, ka zak lutuk leh thinrim bawk si ka mittui a tling pam, “I in sawh na em, ka tihpalh tak zet a ni, min ngaidam rawh” a rawn ti nghla sawt sawt a Benjamin a lah mittui tla phung a nuiin a dinna ngai ah a la ding.

     Ka zak ve bawk si, tihgnaihna hre tawh bawk silo, min buaipui tu pawh chhang lo chuan pawn lam ah ka tlan chhuak nghal min rawn umzui tu an awm tih pawh ka hria mahse engmah ka ngaihtuah thei tawhlo Taxi lo tlan hmasa ber ka phar a, ka lut nghal zata. In ka thlen in Ka Nu leh Pa te Pate ate nupa verandah an lo awm a, Ka nu leh Pa nui hmel te chuan ka tah a ti chhuak thar leh a, taxi tang ka chhuk chiah chu an lam ka pan a ka Pa bul thutna awl ah ka thu ve nghal a ka Pa kawng ah ka kuah a chhuak lutuk in ka han tap leh rih.

        Tun thleng hian chhungte leh Thenawm hnai vai min hre chiang tu te chuan “Crying machine” tiin minla ko fo reng, luhlul viau e ti lo hian ka mittui erawh zawng thuawih tak mai hian a tih tur hi a ti zung zung a, a hun leh hmun a hre lo thin erawh kei ngei pawh ka buai fo mai, ka pate a te nupa hi fa neilo an nih vang hian Bena hi an fa ang main an enkawl a kan bul ai tak chuan Ka pate te in ah a awm tam reng a, mangang lutukin min bawr huai a, in chhung ah min kuah lut, ka nu mangang hmel kha hreawm ka ti zawk.

        Thil awm dan tap tuau in Ka han sawi a, Benjamin an mi pawh buaipui lova mittui ne pum dawm meuh a minn han nuih kha ka rilru hi a na ngawih ngawih, min ti tlu tu hnen ah ka thinrim leh rim loh pawh ka hrelo, mahse Benjamina lak ah erawh ka rilru na , ka thinrim bawk a ni. Ka patea nuih za hmel ka hmuh chuan “Ni e, nui rawh u, Bena hi zawng a at a reh theilo tiin in tan leh tho ang” ka tih hmuar hmuar lai chuan  Bena a rawn lut ve zui nghal mai a, Ka pa in “Benjamin, rawn kal hnai teh” kei leh ka U Mama hi chu ka nu leh pa hian kan hming tak a min koh pawh ka hre ngailo mahse Bena hi zawng a tet lai tang Benjamin an tih loh leh Lalruatfel an ti ngun khawp mai.

      Zam map lo hian “Acadia, i mawl mi enge min haw san daih a min ti mangang lutuk lawm” a la rawn ti ngam zawk mawle, chhan pawh ka chhang peihlo, Ka nu in a chhip sam a chelh pahin “ i farnu mi zing ah mualpho deuh in a awm a bawisawm pawh bawihsawm lovin a nui ring ring a ilo tang leh nghal a, eng ang unau pa nge maw I nih le? A zahthlak dan tur te ngaihtuah ve ta che”

     Ka pate te nupa ka Nu in chaw ei turin a sawm luih tlat avangin pahnih chauh an ni bawk nen, an aw ve leh nge nge, kan in an rawn kal tawh hi chuan chaw ei lo hian an haw ngailo tluk a ni. Chaw ei laiin U Mama a rawn thleng a family group ah ka chetchhiatna Pate an a lo la post zui nen, Ka u rawn haw in min hmuh in a khi deuh sung a mahse ka lungawi lo hmel a hmuh chuan a in sum ve mai a, chaw a rawn kilh nghal a.

      U Mama hi psyhiatrist niin, Benjamina erawh Motor accessories vel dawr a nei a , a thawveng bawk a thian a ngah nen, a lar pawh a lar ve viau, Ka Nu hi kan veng high school teacher pension a nia, ka Pa erawh bunisness man a nia, tun thleng hian a dawr hi midang kut a dah lovin Ka nu nen an enkawl thung a. “Duati, zanin ah ka thianpa ngaihdam dilin rawn len a tuma, chhuah na tur i nei me” U Mama hi zawng in nghahna tlak a nih bak ah a bul a awm hi a thlamuan thlak vawng vawng, a tawngkam reng hi damna a tling a ni.

       “Enge awmzia? Ka nuteiin a ti nghal zat a, “Vawiin a Duati rap tu kha ka thianpa Lenny saw Darp travels neitu pa saw nia, min rawn hrilh a, a inthiamlo khawp mai” Kei lah pawr fahran in “Benjamina zawk hi lawm ngaihdam min dil tu tur zawk chu” rum lutuk in k amelh nghal ul a, ka nu in ka chawhmeh duh ber mai chakai leh kaikuang min siam sak a , thinrim viau mahila chaw chu ka ei hnem ang reng viau a,  “ Ka Pa zanin chu Vala birthday nia ka chhuak dawn nia” 

Ka pa in “ Benjamin em em a che, I U leh I nau pawh In ah an tawm mai mai, In ah tawm theilo leh lutuk em em mai, zanin  chu khawi ah mah I chhuak lovang, I tawm ang” Kei lah ti fuh ti tawk in ka chaw ei seng pahin ka kal deuh lawh lawh chu a huat tawk a tling em em a, a cigarette bur ruak in min han vawm hram a, awmpui hi hna ka neilo bawk nen, kan nei ngailo a kei leh Bena hian thleng seng hi kan ti vek zel a niin zan lam ah a seng a keiin zing lam ah.

       “Pa tun thleng hian a thil tih ah ngaihdam pawh minla dil lo fo a nia” vui aw a ka han tih chuan Pate bawk chuan a ho em mai Duati in sawh na pawh I nilo a, nangpawh I mittui I dang theilo thin ang khan I U pawn a nuih a insum theilo a ni ve mai lawm, Ka pa in ka patea melh zawk ka hmuh chuan ka pate chu a nui deuh suk a, ka nuteiin alo kheuh ru ve bawk nen. U Maman, “ Mihring zawng zawng kan ti lawm thei lo tih chu tupawn kan hria mahse miin kan lak ah ngaihdam dilna an phut a nih chuan thil har a ni hauhlo midang hlimna siam tu te bawk hi a ni Mi hlim leh rilru hrisel kan tih thin”

        U Mama hi chu a hlau in a zah ngawih ngawih tih hi ka hrechiang ve em! “Enge I duh” pawr fe hian a rawn tia, thutphah ah ka thu a, bawp ka han khawkherh a, “Ummm, tun kar chhung zing ah pawh thleng I sil anga, chuan kar khat chhung ka tirh na piang ah i kal ang, tun ah hian thingthi la, ban chung lam ah phar la, Acardia ka tihpalh a ni min ngaidam rawh” ti ang che. Chhungte zawng zawngin min rawn melh thup, “I mawl mi? Pawisa min dil rawh ka pe ang che” a ti deuh nghut a, Ka Nuteiin “Bena a har lo em mai, aw ti mai la mi lungdam nan te chuan”

          A tawp a tawp ah zawng a pawm ve ta nge nge a, dar8 vel ah kan chhungkua bak ah ka Pate te nupa ne common room ah kan titi khawm a kan nuih deuh ham ham lai chuan door bell  a rawn ri a, “Bena, nang va hawng rawh le” tih pah chuan ka han siai deuh sak a, I thutna hnai zawk” Ka nu in “Bena i thutiam kha Duati tirhna piang ah che kar khat chhung chu I kal ang i tih kha’ rum zet a min melh pah chuan kawngka a va hawng a.

          “E he, Lo leng ru U Lenny te chu” An rawn thu phei ve a, a thianpa ka tih dawn chuan a chal a kawlh vul a , a Pa tur a tan chuan a naupang deuh bawk si, Ka U nen an han in kuah thuak thuak a, ngawi rengin TV ka hmet kual mai mai a, “Lenny lo kal kher a ngailo sin, engmah na pawh a nei hleinem hei, in ti zahawm em mai” Ka U in a tih chuan ka nu leh pa chuan anlo tui hnih ve nghal zat bawk a.

     “Duati Juice kha va la rawh khualum bawk sia, an chhawl a hal ang” Ka Nu in a tih chuan “Kei chu Orange kha ka duhlo nia a dang rawn la ang che” Mi awmlai chuan ka tir tha ngam dawnlo tih hre kur in min han tir a, choka lam a ka phei chu “Acardia khawngaihin Nu Nghaki dawr ah kuhva leh cigarette min han lak lawk  mai please in nang nula hmeltha” ka va han haw ber kher em, thian leng awm laia han hnial vak mawi bawk silo.

       “Ngaihdam chu min dil mawlh mawlh a, kei pawh chuan tha te te chuan ka chhang liam ve mai a, dawr a ka kal haw  ka phone rawn ri tut tut chu dawhkan ah Bena’n lo lak a tum mek, kan in chuh leh rih, ka bialpa nen hian college 1^st year kan nih tang kan in zui tawh a, in hau chang ngah mahila, MA kan chhuak a hei kum 6 lai kan inzui tawh chhungte pawn min hriatpui a min pawmpui vek, A Pa business enkawlin MA kan chhuah khan a awm nghal a, fapa naupang ber dawttu a nia, unau 4 , mipa 3 leh hmeichhe pakhat an nia.

           Inneih lam erawh kan la sawi ngailo ve ve, pasal dang neih san ka tum lo a a ni pawn nupui dang a nei dawn lo tih chu ka hre tho , kan ngaih a tha tawk ve ve ni ber hian ka hria, Bena nen kan college kal lai hian an insual deuh rap tawh a tunthleng hian a rawn len pawn Bena hian a be hmasa ngailo Ervin erawh in a be hmasa ziah thung, an insual chhan pawh, kan pahnih in ka room balcony ah kana wm a, kan inhau ka mittui tla, “I tah belh zia em em hi, mittui ngah ropui si” min ti kha Bena kan hnung a lo ding ru reng khan “Ervin, a duh leh a tap a nga, I tih tah nihkha bak ah a mittui siam tu pawh I nilo a I thu lo lutuk, vawi khat pawh lo kal tawh suh” tih leh hnek a rual nghal thuai kha a nia.

         “Call I va la har ve mawle vawi 3 ka rawn call tawh che, msg reply bawk silo, enge I tih em em a” a rawn ti pawr hlur nghal a, “Benjamin an dawr ah min tir leh khanglang  a, bak ah Ka U in inleng a nei a, in tur vel ka siam a lawm kitchen lam ah ka thu a, ka U in leng te ka ti tak nain keimah vang a rawn kal an ni reng sia, mahse an ni pawh an awm rei chuang lo , an chhuak zui ve nghal a, an chhuak fel chiah tih ah room ah ka tlan chho nghal a.

       Khum ah mu in maimitchhing in ka bia a, ka han meng leh chu ka hmai zawn ah Benjamin’an minlo thlek reng ka hmu thut phu nasa bawk si, ka au deuh that a, “Ngati nge, enge thleng , engtin nge I awm?” Ervin min zawhna pawh ka chhang tawhlo. “Benjamin min thah I tum mi, zawng hmelchhe pa” ka ti that ah chuan Ervin pawh phone ah a rawn nui hak a.

       “Savawm I talh duh leh duhlo ka rawn zawt dawn che a mawle” pangngai takin a rawn tia, “Ervin, ka rawn call leh nghal ang che ka dah lawk aw” tih pah in ka dah nghal a, in ngeihlo viau thin mahila kan duh a in an a vang hian kan in zui nasa, savawm hi min pumkhat tu a ni leh thin. “Duh I nei tih ka hria lawm” Ni e, thil zep ruk tur enge maw awm hi chuan min hnim phum tel ve nan savawm min offer ziah a, keiin ka lo hnar ngailo reng bawk a “Vala Bday party ah khan ka kal ngei ngei ngai hei minlo la nghak a, Ka pa te bul ah sawi suh aw please in chuan Ka pate te in ah ka riak dawn tiin ka sawi dawn nia” Kei lah chuan thuawih fahran in a sawi ang ang chu savawm cane 3 vang chuan ka han zawm leh nghal a.

        Ervin nen hian vawi tam kan chesual tawh a, mahse tun thleng hian ka la rai chuanglo, 1^st year kan nih kum tang kan chesual a, ama pualin farm house a nei a, tah chuan vawi tam zin tur anga in sawiin nupa ang main kar1 lai te kan khawsa dun a, ka call let leh nghal vat a, “Ka ngai che” min ngaih thu hi a sawi zen zen lo, min hmangaih thu phei chu vawiin ni thleng hian a ka tang hian ala chhuak lo.

         “keipawn ka ngai che lawm” rei ngial kan in biak hnu ah dar 11 dawn ah phone kan dah a, ka muhil siar siar tih ah ka phone riin min ti harh leh a, Ervin bawk chu niin,ngati nge mawni le tiin phak zet chuan ka han chhang a, “ I tukverh lo hawng teh” nidang a a rawn lawn liam rukna thin ngei ah chuan a rawn lut ru leh tih ka hre mai. Kan in hi a fal deuh hlek a thenawm pahnih chu kan nei ve, kan in hnung lam pang hi hmun ruak zau nuam deuh mai a nia, chuta tang chuan bang ah rawn lawn liam in ka room a rawn luh rukna pawh kum 6 a lo ni ve ta reng mai.

       Ka thil in nen mutchhuah nak laiin, peihlo deuh chuan ka va hawng a, nidang a a awm ngaihloh dan ang hlir in a tawngkam leh a khawsa zia chu a mak ka ti tak zet, min rawn kuah nghal a” Acadia, ka ngai che” ka hmui ah a rawn bawh thuah nghal hmak a, kei pawh chuan tha te chuan ka chhang ve nghal zat a, a duhthawh tial tial a, ka kawr hnuai a rawn zen a” Mut na ah kawrhnuai ha thin suh, a hrisel lo ka tih kha” tih pah chuan a han phelh sawk sawk a, khum ah min nem mu nghal zat a, a T-shirt a phelh zui nghal a.

 kum 6 chhung hian in hne leh in kham hi kan nei ngailo, engtik lai pawn minti phur nghal em em thei mai te hi a mak ka ti thin, ka kawr a nawm chho nghal sawk sawk a, ka hnute hmur veilam a kut a hrual pahin, a ding lam a fawp zui nghal a, ka in peih leh at tawh tih ka hnuai lam awm dan tang chuan kei pawn ka phalo, a kekawr kawng ka phelh ve nghal swt sawt a, ka han hum sak vang vang pah a a rum hawk chuan min ti phur leh zual.

       Bena nen room in dawt chiah a kan awm a mahse a riak chhuak a thawm dim a ngailo, ka panty a rawn nawr kau a , a kut in zei tak maia a rawn nuai kual chuan ka insum thei tawhlo ka rak chhuak that a, chu chuan a ti phur tih hriat tak hian, ka panty a hlip nghal sawk sawk a, A thil ka hum na kut chu la sawnin a tawlh hnung hret ah, rawn kun hniamin nuam ka ti thin tih a hriat a vang chuan min han fawh sak chiah phei chu ka khur nghal et et a, a sam ah ka han tham a, a ni pawh a insum thei tawhlo tih ka hria, hmanhmawh tak a ka chhung a rawn luh chuan ka ka ah hian ka thaw reng a leng tawhlo.

     Style eng zat nge kan hman dun hman pawh ka chhiar senglo, min kuai bawk khup thak a, a tawp nan ti ni awm fahran in min han bungbut tir a, duhthawh tak a min han nawr chuan ka au ring lutuk mah mah a ni ngei ang ka ka a rawn hup nghal a, “Ka zo dawn nia aw” ka tih  chuan a ai uar in min rawn nawr leh nghal a, kan zo rual der mai, khum ah ka let nghal thak a, chau zawi ngawih ngawih tur a ka ngaih hi, bathroom ah min pawm lut a bathtub ah min mut tir a, min bual ziah thei thin hi a fit zia ka hriatna pakhat a ni thin.

       Zing ka tho chu ka rawl thum mai, ka nu leh pa hian kan awmdan hi an sawisel lemlo kan awmdan kip kawi hrelo mahse min ringhlel tho ang, fimkhur tur erawh hi chuan min chah ngun ang reng viau,” zalenna kan pe che u a, in hman thiam leh in tan in hman thiam loh leh nagnmahni a tuar tur in nia, mahni future leh career ti chhe tur khawp in zalenna kan pek che u hi hmang suh u” he thu hi ka pa sawi ngun ber a ni fo, nupui pasal chungchang ah pawh “in duhthlang ula, kan thlansak dawn reng renglo che u mahse in thlang sual nih chuan nangni chauh nilo, in nu leh pa hian kan tuar tel ve zel dawn tih hre reng rawh u”

      Ka hna dil ah keipawh ka tling a, a interview zawng kha chu min la vek nghe nghe. Lunglei lam ah min post dawn tih ka hriat chuan ka hnual rawih rawih tluk zet in Ka nu pawn hreawm a ti, Kan hna ang ah hi chuan ai kal lak mai tur an vang thin bawk nen ka lo dil ta kher kher chu ka inchhir ang reng, Ka nu chhungte lam lunglei lam ah an tam a mahse miin a awm a inthlahrung tak a va awm kha ka peihlo, keimah ah inluah tur min lo zawn sak turin ka nu in Ka Putea te a be nghal a, an ngaihdan a nilo viau lehnghal, an farnu fa ka awm phei dawn a, in luahhran kha chu an tan pawh a tlawm thlak mahse keiman ka duhmiau lova, ka pi leh pu la dam se chuan ka hreh lo mahse an awm ve dih diah a, annu chhungte school ka lai 3 ngawt an awmpui bawk nen, mutna pawh buaithlak.

        Kan chhungkua in kan phei a ka nu in kar khat zet min awmpui hnu ah min hawsan a, ka hreh khawp mai, ka nu pawh a hreh a ni tih Bena’n a rawn hruai a motor lut tur a mittui hru sak ah chuan ka hmu thei mai. Ka hna pawh tluang te in ka thawk a, ka in luahna leh kan office in kar hi minutes 10-15 kal vel a nia, motor ka hmang ngai meuhlo, thla 1 k awm meuh chuan thian te pawh ka nei ve neuh neuh a, Aizawl lam a ka thiante ang em a pawh kha chu ka nei chuang hauhlo, Bena’n min ngai hle tih ka hriat in ka nuih a za vur vur hle, kar tin weekend piang a thiante nen an rawn phei ziah a, thla 3 dawn lai ka awm ve tawh mahse Ervin nen kan in kar erawh ka sawi thiam si loh hian kan in pawh tawh hlawl lo.

         Thla thum ka awm chhung zawng hian vawi khat pawh a rawn zin lova, a hna buai a chhuanlam a zantin chu kan inbe ngei a lawm mahse ka sawi fiah thiam silo hian kan inkar ah awm a awm a ni, ka hna bang ka inlam pan in ka kal chhet chhet a, ka in luah na bul a ei chawp dawr ah ka han thu khawfual leh rih a, dawr nghaktu hi nu upa lam tawh kum 65-70 vel a niin ka ring, an ei bel ve ber a ni thin, a tu te 2 an khawsa ve tawk tawk a, ka theih ang ang hi chuan ka pui ve thin mahse thil thlawn pek la ngailo ta ngang leh mi dik tak hi a nia, duh ang pawn ka pui thei meuhlo.

     Ka hming hi a lam thiam mai loh avang hian “Dia-i”ti hian min ko mai thin a, “Dia-i in in ah khuan mikhual i nei dawn nge an nghak reng che nia” ka han melh deuh haw a, mikhual neih ka in beisei hauh silo a, “a nih chu mawle tunge maw ni dawn le aw, Ka pi a nih chuan ka zuk chhuk nghal mai ange” tih leh thawh ka rual nghal a, mi in hnuai luak ka ni bawk a, step ah chuan ka chhuk ket ket a, ka veranda lo awm ka hmuh chuan sawi tur reng ka hrelo.

      Ni 12 lai kan in be tawhlo a, inthen pawh ni silo in, min biak a thulh hmak a ka call leh msg a reply ngailo nen, ka rilru ka siam a, zan tin ka tap a, Ervin ngai reng reng in hun ka hmang a mahse minlo hmangaih ve ngai miahlo tih pawmin ka mittui ka hru hul chauh a tun ah a lo lang leh si, A mitmeng zim lam lek lek, melh na zet mai leh a hmui sexy zet te, a dar phah hlai hlap te chu ka en kim leh vek hman tho, kum 6 kan inzui chhung hian vawi khat pawh ka en hne ngailo, tun ah phei chuan thla 4 dawn thuak kan in awmbo san a.

       Biak pawh be loving kawngka ka hawng a, Suitcase lian fahran pahnih leh Airbag pathum lai a nei chu mak ka ti viau, a mah chuan a rawn in khai luh nghal a” Wow, kan in chu a van nuam dawn ve le, Nu-i thingpui te min han lum ta che” zak lo hi ka ti ngawih ngawih lutuk, ka melh ngawih ngawih tawp engmah pawh ka sawi theilo. Min rawn pan hnai a min rawh kuah a tum chu a kut ka thing thla nghal phat a.

        “Acardia, ka chau a nia please in, thinrim teh suh ka bul ah hian lo thu phawt teh”, ka room ah ka luh san nghal hmak a, mahni awm e ti lovin ka chhungten min luah phuisui sak viau, chhungkaw pangngai tak luah tham zet a lian ka luah mai bak ah bungrua nise engkim ka nei vek bawk a, mi tam tak pawn chhungkua awm emaw minti fo thin reng . Ka room ah min rawn zui lut ve nghal a, ka kawr ka hlip chiah tih in a rawn lut a, ka hnung lam tang min rawn kuah pah in ka dar ah a khabe a rawn nghat a.

        Ka tal deuh laih laih na in , engah mah a ngailo, a hma aia nghet leh zual in min kuah a, chutih rual chuan ka beng kawm a rawn fawp nghal thuak thuak a, ka hnute hmur a hmet hrual nghal ner ner bawk a, darthlalang hma ah tak kan din vangin a hmel awmdan chu ka en lo theilo, a ni pawn minlo en ve kar a, ka mit ka la sawn nghal vat a, tal chhuah leh ka tum rual chuan a mipatna in min do run chu ka feel lo theilo, ka nghawng vel min fawh sak nghal a.

     Thinrim viau thin mahila, ka hmangaih em vang nge tisa maia kan in hip tawnna ka hriat si loh vang hian vawi tam ka rilru a tihnat hnu pawh hian kan in zawm tawhna vang hian kan inthen tak tak theilo, ka kekawr hma lam ah a kut a rawn che nghal zat a, ka thaw a diklo tih a man nghal , ka hnar thei hlawl lo mahse ka theihna zawng zawng sawmkhawmin ka insum a ka chhanglet lo mahse minute 5 pawh ka daih tawh dawnlo tih ka hria , in sum reng a har chho telh telh, ka dan ve hram hram na ka kut te pawh tha reng an nei tawhlo , ka zawi nghal vek, amah ka ngheng lo theilo.

 A rawn zen lut thuk telh telh a, ka thaw a rang telh telh, ka insum thei ta bik lo, a lam ah ka hawi phei nghal a kha leh chen ka lo nghah tawh , a hmui chu ka han tuai a ka fawp nghal tawn tawn a, min chhang nghal zat , khum lam ah kan innawr phei zel a, a harchhuak thut emaw tih mai tur in a inla hrang thut a ka ham haih hman viau, “Khawnge bathroom” ngawi renging ka kawk ringawt a min nuih sak pahin bathroom lam ah min pawt phei nghal a, shower a han on a, ka kekawr hak lai ka la phelh lo nen a ni pawh chuti tho, mahse kan infawp nghal tawn tawn a.

             Tam chhawl ang maiin kan in ei buan buan a ni ber mai, ka kekawr min phelhsak pahin keipawn a kekawr ka phelh sak zawm ve nghal zat a, a rawn thingthi nghal zat a, ka er ngawng ngawng lo theilo minute 5 vel zet hnu ah rawn ding chhuak in bang lam ah min nawr bet a, ka hnung lam ah atang a a rawn luh chuan , a rum deuh hrawk a, ka khabe ah rawn dawmin a lam hawi tur in a ka lu a kuai phei a,rem leh rem lovin kan in fawp pah,  ka hnute min tham sak bawk, bathroom ah khan darkar engzat chiah nge hmangaihna ka chen dun hman ka hrelo.

          Khum ah min pawm phei a, ka thuamhnaw hak tur a hai nghal a min hak tir zawh chuan ka mut chhuak lutuk engtik lai khan nge ka lo mut hman ka hrelo ka harh leh chuan zan dar 11 alo ri reng tawh, khum ah ka bul chet ah thu in laptop alo khawih mawlh mawlh a, ka che hrat a hriat rualin a laptop a dah a, rawn mu nghal in ka chal ah a rawn fawp zauh a, “ ka riltam” ka tit ham tuak a, nui sak pahin “chaw tam nge, keimah tam in” ka nam sawn deuh darh a nghet tak in min kuah nghal, ka hnung ah chulin “ Ka ngai tawh che ni”

      “Lo in phih harh rawh chaw hmeh ka lo va ti lum ang” bathroom a luh pah chuan “ I la eilo mi a” a mah chu ka va melh zawk a, kawngka bul atang chuan “ nu ber mut lai te chuan engtin nge ka lo ei anga” Ka nui deuh sak a,  eirawng bawl hi a thiam viau a bik in Sa lam hi chu a siam tluk a ei tui hi ka la nei ngailo, bai lam erawh a thiam chai lo thung, a farm house a kana wm laiin a niin chaw a chum a, sa a siam a keiin bai ka siam thung a.

       Ka hmai ka phih lai te chuan ka mumang mai emaw tiin ka han insik leh thin. Choka lam a ka phei chuan chaw ei alo siam peih der tawh a, ‘i insawi fiah na chaw ei chhung zawng ka lo ngaihtla ang” tih pah chuan chaw chu ka ei nghal a, a aw a han thian deuh kharh kharh a” ka hna vangin Australia  ka kal a ka buai zia chu sawi ngaihna awmlo khawp a ni , thla 2 ka cham a chuan  ka damsam loh vangin Mumbai ah inekawl turin kal leha, nimin piah khan ka rawn hawng a ka rawn haw chiah a ka rawn kal nghal a nih hi”

       Ka nui hul deuh hak a” Alo ni maw I lo buai em tak a nih chu, I zin tur leh I zinna pawh hrilh nana minute 3 pawh ngailo kha thla 3 teh meuh ka nghak a , chutah minute3 chhungin I sawi zo leh vek bawk sia, In sawifiah na turu tak a nih hi” amah pawh en lem chuanglo chuan ka han tia.

       A thaw ri deuh hak a, “Acadia, Friday zan kha kan inbiak hnuhnun ber a nia tiraw, ka zin tur thu ka sawi lo em ni?’ ngaipawimawh awm lo fe hian  “ Oh a ni maw? Eng ni nge tih pawh ka lo hre tawh hleinem” min dem zawk ni awm tak hian “chu kan inbiak tawp ber pawh I hrelo zawk a nih chu” ka chaw ei lai a tawp thut,” ngawireng a min kalsan tu nen kan in biak tawp hun, ni  leh thla leh darkar hriat hi ka ba em ni, ka chaw ei thleng ka seng nghal vut a.

            “Delhi leh Goa ah Branch hawn belh kan tum a, chung thil vel avang chuan Australia kan client ten nen kan agreement ti fel turin ka kal a lawm, hrilh che ka duh mahse ka tum ber chu, kei chu ka chawl hahdam deuh tawh nga, Reuben hian enkawl se ka tih vangin thil tul zawng zawng ka ti fel hmasa vek a lawm, ka tum ai rei ka cham a, ka hun neih dan le hi hman hun a in anglo tuh ka hrua a, hna thil a nih vangin ka hrilh lo che a, bak ah he tah I bul a awm ka tum ve tawh tho a chuvang chuan in sawi fiah vak ngailo vin ka rawn hawn ah ka sawi fel mai ang ka ti”

      “Oh! A ni maw I ropui e ni12 dawn min biak loha ka call leh msg i reject hun chhung zawng zawng khan ka lo awm dan tur te, ka rilru tur te i ngaihtuah ngai em? Thleng ka seng sawk sawk a, “Acadia min en teh hei leh chen kan in zui tawh I lak ah hian ka rinawm loh lai leh ka kalsan lai che I hre taw hem” nie a sawi dik, keimah hian ka thinchhiat em vangin vawi tam ka then a mahse a thiamlohna ni hauhlo ah pawh tlawm zawk ah tangin min rawn pan ziah thin reng a ni.

         “In sawi fiah leh ngai khawp in thil ti suh ka ti thin che a ni lawm ni? Bak ah ka rin loh vang che a nilo ka rilru natdan tur te engkim ngaihtuah thiam tur chu I ni ve sin” Ka thutna lam ah rawn kal hnaiin nidang ah a tih ngai hauhlo chhuat ah thingthi in ngaihdam min dil a nih chu, ka hamhaih tak zet, “enge maw i tih le? Tho nghal rawh “ ka ti vin thak a, “min ngaihdam hma chu ka tho dawn lo”

      Ka luhlul tluk zetin a luhlul ve tho tih chu ka hrechiang lutuk tlat, “Acadia, khawngaihin min ngaidam rawh, dawt ka sawi thei tawhlo, then che kha ka tum a lawm mahse ka theilo nih hi” ka meng phawk khawp mai, ‘eng , eng, eng dawt maw min hrilh a, tuna  i sawi zawng zawng kha dawt maw?”

        “Ervin, dawt min hrilh a maw? Minlo bum kual reng a maw? Kum 6 chhung I tan ka neih engkim leh ka hun zawng zawng ka hlan che a ti hian maw min chhan let a, minlo hmangaih miahlo a min kalsan I tum nih pawh in minlo kalsan tlang law law la tha tur ngati nge tun ah I rawn let leh?” Ka mittui dan rual lohin a rawn luang a “Acadia I hre thiam lo ni, ka kalsan thei lo che a ka rawn pan leh nge nge che nih hi”

       I  duh hun hun a I kalsan a, I pan leh mai mai tur ka ni em ni? Kum6 chhung khan minlo hmangaih ve nilang chuan min hmangaih thu pawh I sawi ang,, vawi khat pawh I sawi ngailo ,I lak ah ka vui chuanglo mahse I mi bumna hi chu ka tuar thei tawhlo, nichin a thil thleng kha thleng lo ang ah ngai la engkim I tan a ka hun leh engkim ka lo sen ral tawh na zawng zawng pawh kha theinghilh ang”

     Ka room lam mittui nen a ka pan pawh chuan chhuat ah ala thingthi reng a, “Acadia” a rawn ti that ah chuan ka ding deuh chat a, “Ervin, min hrawk tur hian ka nun ah dikna leh chanvo i nei  tawhlo” room ah ka lut a min rawn zui lut ve mai dawn maw ka tia min rawn zui chuanglo, ka room ah ka in khung a ka tap tlawk tlawk, a ni lo hi mipa dang ka nun ah ka nei ngailo a sin, kum 6 chhung kan in zui a, mahse min lo bum reng a maw. Darkar tam a liam hnu ah ka room ah rawn kal in “Acadia, ka kalsan tum chhan che pawh min zawt dawn lo a mi?’

 

      Min ngen ngawl tak zet, mahse ka thinlung na lutuk hian engmah hriat chakna ka nei hauh lo, “Ervin, min hmangaihlo hi na ka tilom(mahse na ka ti lawm ka chhungril chuan) min bum duhna thinlung zawk hi na ka ti  em a sin, min khawngaih la min chhuahsan rawh, I duh chuan hotel ka biak sak ang che”

        “Acadia, ka chhuak dawn reng renglo, he in ah hian ka awm dawn, I awmna piang ah ka awm nga i kalna piang ah ka kal ang” ka thinrimna nge nasa anga ka rilru natna? “Police ka koh mai a ngai dawn nih chu” min rawn melh chuanglo hnuai lam a bih ngur a” Awle call rawh mahse ka chhuah hun hun ah ka rawn pan leh tho ang che” ka na zawk “Ervin, tiang em em hian ni maw minlo hmuhsit a minlo tham loh? Ni e i mamawh leh I beisei hun apiangin ka lo in peih sa at reng a ka thiamlo a lawm mahse ti mai mai a I palzut tur ka nilo”