ARELIA-3

                         Chaw ei ka siam sawk sawk a, ka nu phei chuan eng tih tham a ei meuh lo, ka pa in ei lui tur a a tih ngial pawh chuan a ti lui thei thlawt lo, ka ngaihtuah a, ka pa hi ka pu dinhmun ah hian ding ve ta se ka nu awmdan ang tho hian keipawh hi ka awm ve ang. 

               Ka eirawngbawl laiin Hector ah Harsh te in ah kal in thil awm dan a thiam ang angina alo va hrilh ve a, Mazualteii ka call bawk a, kan chaw ei kham chuan ka thian te pahnih leh an chhungte ve ve an rawn lang ve nghal a. Harsh-a u chuan Airport thleng a thlah dawn a keini unau chu kal ve lo turin min ti takzet a, an vawi khat zin chhuah san tur a ni bawk nen an kal dawn meuh chuan Hector chu a men deuh tuau a.

 

                      Gurlin (Hector U) chuan Airport thleng a kal vet ur a a tih chuan tlem chuan a parh ve leh deuh a, ka nu te kal liam rual chuan Harsh leh Mazualteii te chhung pawh chu an haw ve nghal a, Ka nu te hi Lunglei khua an nia, ka pa te hi Shillong an ni thung a.

              Lengpui Airport ah ka cousin ten ka nu leh pa an lo hmuak dawn a ni. Naktuk closing pawh ka kal theih pawh ka ringlo, Hector alo ban hun a in a kan awm loh chuan ala nau ve nen a, ka nu leh pa awmlo nen ka ngaihtuah ve deuh a, ka thiante pawh in telloh mai an tum a mahse ka tih luih deuh tlat avang chuan phur lo deuh chuan kal chu an tum ve ta tho.

 

                      Hector lehkha ka zirpui lai chuan ka phone a rawn ri a, Mazualteii chuan “  ‘A’ tih ringawt a nia, kan hriat ve loh thil a awm a mi” tih pah chuan  a mit ko a san deuh ak ak a, khawi min lo pe mai mai teh” tih pah chuan a thutna lam chu ka pan phei a, “hello” a ngawi deuh vang vang a.

                  “Arelia, vawiin a ka zawhna che kha” tun a kan boruak nen chuan a in millo lutuk, “enteh ka buai rih lutuk a, nakin ah ka lo be dawn che mi” ka tih chuan “chhanna ka hmuh dawn phawt chuan ka nghak thei a lawm” tih pah chuan phone chu a dah leh hmak a.

 

                       “Eww Mizotawnga I biak theih tur, “A” tih ringawt chu ka va han hre chak tak” a hrethiam ru reng tih ka hai bik tawp silo, “I chhe hmiar hmuar a nih chu” tih pah chuan Hector lam pan chuan ka kal a, ka nu leh pa an awm pawn amahin room hran ah a mu ve thin reng sia, zan in a taka ka bul a mut a ngen tlat.

                  Ka nu leh pa awm lo nen ka khawngaih ve tho, a te ber a ni bawk a, in mil lo viau thin mahila, a pian tirh ata vawi khat mah an la riahbo san ngai loh vang te pawh a niang, ka lainat viau, ka khum a zau bawk silo nen, kei, Hector leh Mazualteii te chu kan leng teuh lo, chutah a mang a la chhe em em zui.

 

                    In hnuai ah ka nu leh pa room ah kan mu anga, Harsh erawh in chung mikhual room ah a mu thung ang, Dar 10 leh chanve vel ah chuan a ham bui bui a, ka malchung ah a rawn mu a, a pangchang thar vel chu ka nuih te pawh a za ru ang reng, Phone kan kheuh neuh neuh vek a, 11 vel ah mut ka rawt a, an lo aw rang hlawm ngang mai.

                       Harsh an Hector chu room ah a pawm lut a, mut hma ka in bual loh chuan keichu ka mu thei thinlo, ka in tleuh leh zuai a, Zualteii in bual ve lai chuan ka lo mu fel diam tawh, zing ka thawh chuan breakfast tur leh Hector tiffin tur siam in ka buai leh nghal a, a form ka nawt bawk a, ka siam fel meuh chuan School bus a rawn thleng zui nghal a.

 

                 Main road thleng ka va thlah a, ka let leh chuan Harsh pawh an rawn chhuk thla buk buk a, Mazualteii erawh ala tho lo thung, ani hi chu an in a kan riah pawn a tho tlai ber ziah, kei rawh ngei ngei in dar 5 ah chuan ka dam tha a nih pawh chuan ka naupan lai atangin ka tho thin. Breakfast ei zawh chuan Harsh chu an in lam ah a phei ve leh a.

                 Dar 9 vel ah Mazualteii chu a rawn lam tur thu a sawi a, ka kaitho duh chuang lem hleilo a, hmun vel ka tih fel zawh chuan balcony ah thu in ka phone ka en a, Aldrin a miscall 5 leh a msg 7 lai mai chu ka hawng a, nizan khan kan buai nei nuai nen ka be leh ta lo kha  ania.

 

                Dar 8 leh chanve ah pawh Mazualteii a la rawn tho lo ta cheu, em em atih pah chuan ka va tung tho lawp a, a tho phang hmel hi chu a pe chhe ve thei teh mai a nia, “khum a breakfast rawn pek kher che I phut a nih loh chuan dawhan ah sawn rawn ei ve ta che” tih pah chuan kawngka lam ka pan phei a, lukham chuan min rawn deng zui nghal pawp a, ka nui chhuak deuh har har  a,  break fast a ei ve lai mekin Harsh an a rawn sawm a, tho phang tih hriat zet a, a thil ei pah a, a melh ngai a melh reng te chu kan nuih vak vak a.

 

                  A in peih meuh chuan dar 9 leh chanve rik na tur minutes10 chiah a awm tawh, in hau chung chuan an in zui chhuak a, ka tel ve chak ang reng khawp mai mahse ka ti lang lo, chhungkua a ka mawhphurhna ka hlen a ngai, ka nu tih thin angina, Hector rawn haw hun a a lehkha zir tur ka lo buatsaih mawlh mawlh a, ka in su a, in chung a ka nu pangpar dah na ho ka ti fai a, ka chet neuh neuh chhung in tlai dar 2 a rawn ri dawn mai.

 

               Hector  te dar 2:45 PM ah in a rawn thleng dawn a, a ei tur ka siam zung zung a, ka phone pawh ka khawih hman meuhlo, School bus a rawn thlen dawn hnai ah Main Road ah ka lo ding a, ka phone a rawn ri a, ka han en a Alvin a call lo niin, ka pick ang nge pick lo ang ka tih lai tak in , ka hma ah tak a bike rawn ti ding in “I pick dawn nge dawn lo” awi ka phu nasa lutuk ka phone ka theh dawrh a chung lam ah, a rawn tla let leh lam chu a lo man a, a ban bul ah ka beng sawk a.

 

                “Nizan tang msg min reply duhlo a,  call I chhang duh heklo, I pawi ka sawi ta em ni” a helmet phelh pah chuan a rawn chhuk a, ka chhan hma chiah in Hector a rawn thleng a, A bag min rawn pe a, kan in kawt a Ice cream zawrh na ah chuan a kal nghal, ka nu in a lei sak thin a ni ngei ang, a duhzawng chu a lam a, “pawisa pe rawh” hepa hi chu mi hi order deuh deuh a biak a ching hi ka haw thin, ka nu leh pa an awm bawk silo a, a rilru tihnat ka hlau nen ka ngawih liampui mai mai a.

 

                     

                             Pawisa lah ka keng chhuak bawk silo, “Bhaia, pawisa ka han la lawk ang” ka tih lai chuan Alvin chuan a lo pe a “hei a ngailo khitah in ah a awm reng” ka tih chuan I duh leh In ah chuan min pe dawnnia tih pah chuan min kal pel a, hepa pawh chu Hector nen hian in an na riau an nei, an thu an duhin, midang ngaihdan an ngaipawimawh lem lo, a hnung ah chuan ka zui ve mai a, a form pawh thlak lo chuan a ice cream ei chu a shirt var ah chuan alo ti tla a.

 

                Ka nu leh Pa chu awm se ka hau leh ngei ang, mahse an awm silo a, ka dawh hram hram a ngai a ni, diktak chuan an rin tawh loh hnu a piang leh an thisen awm chhun a nih vang hian an duat leh lutuk a,kei min duat lo ni lovin,  a duhdan dan hian an awm tir thin ve bawk a,hei vang hi nia a luhlul em em ni. 

              Ka hmangaih lo leh ka duat lo pawh a nilo,  a awm dan thin hi ka tuar theilo tlat thin. Thinrim in seh ruh tun chung chuan in thlak tur chuan ka han ti a, Computer  a On nghalh min ngaipawimawh lo zet hian, kei thinchhe ve tho bawk nen ka thin in a tuar ta lo, ka kuk deuh lawlh a, a len tawh tehreng nen a tap ul ul a, Ice cream chuan ka hmai ah minla vawm zui.

 

                          Ben leh ka tum lai tak chuan Alvin an minlo dang a, min pawt sawn a, Hector lam chu a pan phei a, a tap a thlem chuang lo, mahse eng game nge a khelh thin tih vel a zawh chuan pakhat chu alo phur sur a, tawng chuang lo chuan   a game ngainat ber DOTA chu a han hmet chhuak nghal a.

               “E he I khel ve thin law a, keipawh zan tin ka khel thin a sin, zan in ah khel tlang ila” Alvin –an a tih chuan a mittui hruk pah chuan  bu nghauh a, “han in thlak phawt la, ka hero hman thin ho ka hrilh ang che” a tih chuan room lam pan chuan a chho a, “Kha I bag te kha keng chho nghal rawh”

 

                  Mi pawh  a en chuanglo, ka thusawi pawh hre awm in a awm chuanglo, A bag chuan ka vawm hnang awl awl dawn a mawni luhlul leh lutuk, ka nu  leh pa awm laiin ti hian min ti ngailo, sual chikim in a rawn sual, an awmlo hi advantage a la nih hi. 

         Ka phone a rawn ri zui nghal a, “Mate, Bawiha rawn haw tawh em? Ka nu in a rawn tih chuan a “Aw hei ka zuk lam ah in kan lut deuh chiah, Nu Lalmuanpuia awm dan em em hi awm ulang chuan ka chum hnang awl awl ang mawle”

 

                     “Kan awmlo a, a pangchang ve nih kha lo dawh hram hram la, a rilru lo ti na lo la, hei I pu pawh hospital ah I pa nen kan awmpui nghal dawn a” kan in biak lai chuan Alvin chuan minlo en reng a, Hector nen an ei tur chu ka siam zui nghal mawp mawp a. 

             “ In chanchin pawh min hrilh ve lo a, I pu chu enge an” Mazualteii alo zawt a ni  ngei ang, “A zia ti ila, a la ngai reng a ni awm e” tih pah chuan Table ah chuan ei tur chu ka chhawp a.

 

                        “Enge result?’ tih pah chuan ka melh zeuh a, chu aia pawimawh zawk a awm sia, ka rawn kalsan a tih chuan ka lo lai em em ringawt a, A phone chu a han bih a, “Pakhatna kan ni ve nih hi” lawm hmel pawh a pu chuanglo, kei lah ka vawi1 perform na a lo ni nen, ka lawm lutuk chu ka ri deuh hlut a, Mazualteii leh Harsh an min rawn text zui nghal a, keiin ka pa whatsapp lam ah ka hrilh bawk a, kan video tlem ka thawn tel bawk a, family group ah a post chhawng leh, min rawn call luai luai hlawm a.

 

                          “Chaw ei ve nghal ta che” ka tih chuan “Yes” sawm a awl lutuk chu ka nui chhuak huk a, “enge” min rawh melh pah a a tih chuan “a ngailo I ti ve dawn emaw ka ti a” ka tih chuan “min sawm tak tak lo a mi” a nui chuang miahlo, a lo thlen tirh atang a la nui miahlo, “I duh tak tak pawh ka ringlo a” ka tih chuan, “vai nu siam ei reng ai chuan a zia zawk ang chu” a tih chuan ka nui deuh sak a, Mazualteii te lo haw hma chuan an phanih chuan Dota an khel  ti ila, Hector khel chu alo enpui a ni mah zawk.

 

                   Mazualteii rawn lut chu a rawn ri hlut a, Alvin a hmuh chuan a tim leh deuh a, “khawnge Harsh” ka lo ti thuai a, “Zan in chu an in lam ah chaw  a ei dawn, A u a rawn hawng a ni awm e” ni dawn tak tukin khan min hrilh tawh a U hian a pa hnung zuiin Army ah alut ve a, chawlh a rawn la dawn tak e. “Hei Alvin chaw a ei ve nghal dawn a” ka tih chuan mak tih hmel zet hian min melh kur a, room lam ah a chho nghal a, min rawn ko a “Arelia rawn chho lawk the, ka thil dahna ka hmulo a nia”

 

                      Eng tak chu ti bo leh ni maw tih pah chuan ka chho ve nghal a, “Enge I tih bo leh a” kawngka hawn pah a ka tih chuan ka ban ah min kai dawr dawr a balcony ah min chhuahpui a “In ni tiraw hmeli?” a rum ang reng khawp mai a “Teuh lo lutuk mai” tih pah chuan ka ban a vawnna chu ka paih sawk a “min bum thei reng reng lo ang aw, ka hrethiam ve vek, Harsh pawn min zawt vawiin khan”

 

                       “Huiham ni ilang chuan e, ka hrilh em em ang che u, kan nilo tak tak, band a kan tel ho a,  heta kan practice hnu khan kan in be ve zeuh zeuh, a bak engmah a awmlo a nia” ka tih chuan “Nih pui thak suh, a sualna chu ka hrelo mahse Aunty te pawn an duh dawn lo sa, zu heh si khutiang” min han melh deuh rawm rawm a, chhan pawh ka chhang zui lo, a a nil ah chu thawveng zet hian Bathroom lam ah a lut zui nghal a.

 

                  Ka nu leh pa awmloh laia ka sawm chu tlem chuan thil sual ti nilo mahila nuam tih chiah lohna ka nei, a chhan pawh ka hrelo, dar6 vel ah chuan bazar tura chhuah ka tum chu “Khawnge I Kal dawn” ka hnung lam tang chuan min rawn ko zui a, “Malviya ah Bawngsa ka va lei lawk ang Harsh chaw a rawn ei dawn chuanglo bawk a” ka tih chuan rang fahran hian Hector chuan “Ka kal ve dawn” tih leh thawh a rual nghal a.

 

             Alvin pawh chuan ngawi rengin ka hnung ah min rawn zui a, “Bike in kal ang u kan thleng hma zawk ang” a tih chuan Hector chu a phur ngei mai, ka hnial buai peihlo, ka tello in kal a tum leh dawn tho a, ama pawisa te khan lei te a tum anga, Chaw ei a sawm ve siin ka tan a zahthlak ti rilru chung chuan ka zui ve nghal a, 2 wheeler na na na chu kan thleng hma ang reng a, ka rin lawk ang ngeiin amah chuan pawisa chu a pe a, ka han ti lui dawn ngial a, ka pawisa kenna lam kut ah chuan a hum tlat sin en, pawi lo In ah ka pe tawh mai ang.

 

               In kan thlen chuan eirawng ka bawl chhunzawm nghal mawlh mawlh a, Mazualteii hi chu Salad siam vel bak hi thiam lutuk a neih loh avang hian ka phut buai peih lem lo a, Salad siam erawh a kut ah ka dah thung a, Ka nu Saum um thar rimtui zet chuan bai ka siam a, Bawngsa ka siam a, Beans ka chhum a, Hector tan Dal leh Alu ka siam bawk a.

 

                    Dar 8 vel ah chaw kan ei a, Mazualteii tawngkam a vang khan ka awm  a nuam tawh chiah lo bawk nen, a innei tu ber chu ka tawng tam lo khawp mai, Hector lehkha ka zirpui lai chuan phone an lo bih ngur ngur a, Dar 9:30 a rik chuan Hector mutchhuak chu ka malchung ah a rawn mu leh than a, ka phone ka khawih lai chuan “In pa chu ava lo phei har ve mawle” rum zet hian ka melh a, Mazualteii chu game a khel leh tawh niang, Alvin tawng chu hre awm ang pawn a awm lo.

 

                          Hector chu room ah chawi luh ka tum a, hei pui lah hi a sa hi a tha ve ang reng a ka han chawi mai tur chu, ka kawng ana deuh zawk a, ka ding leh ren rawn a, ka kun leh chiah tih ah chuan ka ban vei lam ah rawn chelhin min nawr sawn a, zo zet hian amah chuan ka Nu te room lam ah chuan a chawi phei a, khum ah a mut fel a, AC ka on a, puan ka sin tir zo ka ding chhuak tur chu ka hnung ah alo la ding reng chu niin, ka su deuh lawih a.

 

                Kal sawn ka tum chu hnung lam atang min rawn kuah pah hian ka beng bul ah chuan a rawn thaw lum ham ham a, ka mur deuh sung sung in ka hria, chet na chang pawh ka hrelo, ka din ngai chuan ka ding reng a, ka harh chhuak thut, ka han tal deuh laih laih a “shhhh, please ti hian reilo te awm lawk ang” ka tal luih leh lai chuan “Arelia, khawngaih takin, a rei lo ang” a tih chuan keipawh chu min kuah ang ang chuan ka awm ve mai a.

 

            Minutes2 vel bak a ni lo ang, ka biang ah chuan min rawn fawp a, ka kawng a vawnna chu phelhin room chu a chhuah san nghalh a, ka dinna ngai ah chuan ka la ding reng a Hector muhil chu ka en reng a, hepa awm dan hi ka hrethiam lo, ka hrethiam lo takzet a ni. Room atanga ka chhuah leh chuan Alvin chu a lo awm tawh lo a, Mazualteii chuan “a haw nghal a nih kha, a puar bawk a niang” nui sung chung a a tih chuan keipawh chu ka nui ve a.

 

                      Ka nu leh pa pawh ni5 vel an cham tawh, ka Pu erawh ala ngai reng a that lam ala pan theilo, Ka pa hi naktuk ah amahin a rawn chhuk mai dawn a, ka pi te pawn kan unau chauh a kan awm chu min ngaihtuah bak ah ka pa a hna lam ah an buai bawk nen, enge maw a thleng emaw a nih chuan kan zavai a chho mai turin a rawn chhuk dawn a ni. Hector lah ka pa rawn haw tur chu a phurin a helh hawlh khawp mai a, ka Nu tel ve lo tur erawh tlem chuan a lunghnur deuh.

 

                      Ka thian te pawh min riahpui rei ve tawh bawk nen ka Pa rawn thlen zan chuan Mazualteii chu a la riak a Harsh erawh a U lo haw nen ka pa rawn thlen zan atang in a rawn riak tawh lo thung. Alvin kha, khami zan kan in a chaw a ei bak kha chu a reh hmak a, min rawn biak a tum ngailo, college ah lah ka hmu ngailo, a chanchin ngaihven anga lan erawh ka duhlo, a cousin Lucy tak ngial pawh ka zawt hek lo, mahse nitin class kal apiang hian ka thinlung leh ka mit hian a zawng ruai thin, a thut na thin ruak hiai te chu hmuh hreawm ka ti tak zet.

 

 

                       Friday tlai last period neih loh hi chu a nuam thin, haw tur a kan in siam laiin Lucy chuan min rawn pan a, ka ban ah chelh in Washroom lam ah min kai phei a, ngawi reng chuan ka zui ve mai a, “Arelia, khawngaih takin Alvin rilru hi ti na tawh suh, a tuar chhuak thei lo ang” a ngaihna ka hrelo, engtik laiin nge a rilru ka tihnat, keimah leh keimah chu ka in zawt a, a chhanna ka nei chuang silo. A ngaihna hre lo fe chuan ka en chho ran a.

 

                “I lo duh ve tak tak lo a nih pawhin hrilh tawp mai rawh mahse khawngaih takin engahmah ngailo ang mai hi chuan awm san suh, khawvel a a thil tuar theih loh ber  a ni sin” ala ti ta ang deuh deuh a, “Enteh Lucy, I thil sawi awmzia hi ka hre hlawllo” ka ti tawp a, kei ai zawk mah chuan amah lah chuan mak a tih hmel “I hre lo a maw?” awih vak lo tih hriat hian a ner zui deuh sak a.

 

              “Aw ka hrelo tak tak , a rilru ka tihnat na chhan tur awm ang engmah ka hrelo, kan in a chaw a rawn ei zan bak kha ka hmu ngai tawh lo, class a rawn kal ngai bawk silo, tuman a awmna chin, a dam leh dam loh pawh in sawi ngai silo a, Mizoram lam ah a haw a nih ka ring” ka thusawi tawp lam chu a ri chhuak chang chang Lucy pawh ka melh chuang lo, keimah leh keimah ka in bia ni ber hian a lang.

 

                        “A chanchin vawi1 pawh min zawt a mi? engvang in nge min zawh loh, enteh ka Patea fapa a nia, unau pianpui a neilo, a naupan lai atang in nu leh pa kar ah a a awm lova, ka patea te nupa hian nupui/pasal dang an neih san ve ve a, an fa hmasa ber ve ve a nih vangin ngaihsak pawh an ngaihsak a, duat pawh an duat, an dinhmun alo harsa lo ve ve a, aaaaa vawiin tlai chu ka in ah lo kal teh engkim ka hrilh ang che”

 

                       Ngawi reng chuan ka zui haw ve a,kawng tluan in engmah kan sawi tawh lo ve ve, in kan thlen chuan a in thlak sawk sawk a, Juice leh snacks min rawn chhawp a ka bul ah a rawn thu ve nghal a “Alvin hi maw a thil neih leh an dinhmun avang hian mi chuan an awt a, an it a, vannei an ti thin mahse a Nun hreawm thin zia hi tuman an hrethiam lo a sin, kei a unau nu ngei pawh hian a hreawm tawrhna hi ka hriatthiam pui thin lo a sin”

 

                  Engmah pawh ka sawi ve lo, Lucy chu Juice in pah chuan ka melh deuh kar a, a rawn sawi chhunzawm leh a “ kum 2 mi a nih hian Ka patea te nupa hi an inthen a, Alvin in chuh reng reng in an awm a, ala tet zual lai khan a nu bul ah a awm ta char char a, ka patea hian nitin a tlawh thin, Alvin nu kha a uire vang a inthen an nia, mahse khati chung khan ka Patea ten an kawl kha a rem ti chuanglo, Alvin kum 6 a nih hian ka patea leh Alvin nu hian nupui pasal an nei v eve tawh a, zan3 dan vel ah hian in 2 kha a kar tawn a, chuti reng reng chuan awm hmun nghet pawh nei thei lo khan a awm a”

 

                      “A nu hi ka rel na em em pawh nilo se, a harh vang ve a, a pasal nen pahnihna nen kum khat vel zen zawn an inneih khan  an in then leh nghal a,  fanu mal a nih bak ah Pi leh Pu thlah tu te tanga hausa chhungkua kha an ni ve a, sum leh pai ah pawh an harsa hran lo, an nufa in Zarkawt ah an khawsa a, tlangval dang dang a kawp a, nuthlawi kha nuam a ti hlarh hlarh thin khawp a ni awm e.

 

                 Keimahni chhung lam hian vawi tam lak kan tum pawn a phal ngai chuanglo, Court ah pawh vawi duai lo an in hmu a, mahse a tawp ah chuan a Nu nge nge chuan a chang zel a, tlin lohna tam tak nei mahse Alvin hi chu a hmangaih ve thlawt a, chan kha a phal ngang lo a ni, thih tha hian a fapa thlavang hauh hian min nu leh pa hmaisen hi vawi engzat nge a hmuh  pawh kha kan hre seng lo, Alvin a rawn tleirawl chhuah te khan a nu pasal pawh nei silo, tlangval naupang te te kawp kual reng kha a zak ve thin mahse a pa in nupui dang neiin fa te alo nei ve leh dih diah tawh nen, a Nu hnen lam ah ti hian tun thleng hian a awm a”

 

                    Ngun takin a thusawi chu ka ngaithla kiau reng a, “ A mizia ve reng pawh a nih rualin Nu leh pa kar lova seilian, chutah a nu lo harh vang ve bawk si nen kha chuan mahni in sitna leh zahna kha a ngah thin, mi zing ah pawh inthlahrung takin a awm thin a, kan in lam a chaw a rawn ei ve te pawh hian a tawng ngai mang lo, ngawi rengin a ei a, kan fiam ve in a nui suk suk thin”

 

                    Ka ngaihtuahna a kal ding khawp mai, kan chhungkua ang a it ve zia a sawi te kha ka ngaihtuah chhuak a, Nu leh pa kar a awm ve a chak dan tur ka hriatthiam pui takzet a ni. Adopt ka nih hi tumah ka hrilh lo, Harsh leh Mazualteii te pawh hian an hrelo mahse fiamthu a “nang hi I nu pawh I chhun lo, I pa pawh I chhun chuang lo, I danglam bik” an tih te hian hreawm tih chang ka ngah ve tho mahse ka Nu leh Pa min hmangaihna te min enkawl na te ka ngaihtuah a, min hringtu ka nu leh pa khan min enkawl pawh nise hei aia tha hi chuan min enkawl bik hauh lo ang.

 

                    “Class 12 kan nih lai khan hmeichhe duh deuh mai a nei ve a, Nu Ramteii (Alvin nu) pawh khan a hriat pui, a fapa in chutia hmeichhe duh tak mai a han tawng chu a lawmpuiin, a lo phur pui ve khawp mai a, Doctor fanu a ni nghe nghe, Venghlui ah an awm a, Mami pawh khan a duh ve viau, an in zui rei ti ila, thla8 vel kha ni ta in ka hria, kan exam zawh atang khan Mami kha a reh ta hmak a, Alvin an biak pawh a tum pawn a chhang ngailo, an in ah vawi tam a kal a, a leng an tih loh leh  a dam tha lo a mu, chu bak chhanna a dawng ngailo.

 

                  Kan result chhuah ni ah School ah kan kal khawm a, chu mi ni chuan Mami pawh a rawn lang ve, Alvin chuan a pan nghal vat a,a hnung ah keiin ka zui bawk a,  enge thil awmzia tih a zawh chuan ti hian a rawn chhang a nih chu mawle “Alvin, min hrethiam la, nang nen hian kan in kawp thei tawh lo ang, diktak chuan chhungkaw pangngai tak atanga lo seilian I ni emaw ka tia, in chhungkaw chanchin, I nu chanchin leh awm herh zia vel ka  hriat atang khan nangmah pawh  ka ring thei tawhlo che , ka chhungte pawn kan inkawp hi rem an ti lo”

 

            “Alvin chu a in her vut a, rang lutuk in a bike ah a chuang a, khawi lam nge a pan pawh ka hrelo, um zui ngaihna ka hrelo, Mami chu mak ka ti, a chhan diktak chu engpawh nise hmaichhan ah amah hringtu nu khatia an han sawi kha chu a nu nihna ngei pawh nise a zahthlak dan tur kha, mahse chutah chuan aman thiam lohna a nei chuang silo a”

 

                 Khami hun ah khan a cheng let leh tih hriat tak hian sofa hnung chu a ngheng a, a mit a chhing vang vang a, rawn thu chhuak leh in “kha ta tang khan hmeichhia hi tumah a ngaihsak leh tawh ngailo, a duh leh mamawh a sawi a piang hi chu hmaih nei lova neih sak duh thin Nu Ramteiin thil awmdan a han hriat chuan nu nasa ve ta ngang chu Mami te in ah zuk kalin a lo zuk an khum phiar phiar a ni awm a sin” a nui zui deuh sak a.

 

                     Zu ah a tuan a, in ah a tawm reng a, thian pawh a kawm ngai tawh lo, Mizoram ah awm leh a duh tawhlo thu a sawi chuan Nu Ramteii khan engtin nge a phal zawk ni? tha tak chuan a awm duhna piang a, a awm chu a phalsak a, ka patea kha chuan a phal lo viau a mahse amah awmpui tu, enkawl tu berin a phal miau sia, engmah phei chu a sawi zawm ta lem lo a, a duh engkim hi chu tlachham lovin a nei thei zel mahse amah hi a hlim hlawllo, nui ve suk suk thin mahse a Nu vang hian ni berin ka hria, mi zing ah a in kiltawih a, rual pawh a pawl em em lo”

 

               A phone a rawn ri a, a tho thurh a, dawhkan a mi chu ava ban a, ka khawngaih lutuk, ka nu leh pa lak a ka lawmzia hi, ka nu leh pa ka ngaisang tharin ka zah thar ngawih ngawih, mi tam tak in an fa hrin ngei min kalsan a, thenkhat chhungkaw keh chhia ah an seilen tir laiin kei min hringtu te ngei pawhin min duhlo kha ka nu leh pa hian hmangaih takin ti hian min pawm a, Alvin dinhmun hreawm dan tur hi kei ka dinhmun avang hian ka hrethiam lo zawk a ni.

 

                    A rawn let leh chuan “Arelia, kan first day ah khan nang chuan ilo hrelo maithei, a vawi1 hmuhna tang che khan a danglam vek chu ka tilo mahse zu leh beer nitin zantin a in thin khan kar1 ah vawi 3 chauh te a in a, harh fim lai nei ngailo kha nangmah a tawn a tang che khan nitin mai hian a nun hi a danglam a sin” chu thu a han sawi chu mak ka ti, keiin ka lo vei a, ka lo atchilh em em pa ngei mai hian minlo duh ve reng a maw?

 

                  “A unau nu ka nih rualin a best friend ka ni bawk a, mipa chuan thil an sawi vak lo na hian , a duh zia che hi chu ka hria a sin, mahse hman zan in in a chaw a ei atang khan vawi khat pawh kei hian ka hmu leh tawhlo, a in ah ka kal a, kawng min hawn sak duh silo, ka call leh msg a reply duh silo, engtin nge I lo tih ka hrelo khawngaih takin, a rilru ti na suh aw, a tuar chhuak thei tawh lo ang” tih pah chuan ka kut chu a rawn hum a.

 

                 Kei lah pek chuan “tinge chung te chu a hma khan min hrilh lo, hei kar khat a ni tawh, a thi ang nge a dam ang” ka hlauthawng lutuk tak zet, rawn nuih suk pah hian “Ka unau pa hi ka hrechiang ve a, mahni inti hlum duh tur khawp a mihring dawihzep a ni lo, chutiang lam ah chuan hlauthawng suh mahse a nun a chhe tawh lutuk a hei aia a chhiat belh leh chuan, dam reng chungin kan vui liam a ngai a ni mai”