ARELIA -5

               

 

                             Mazualteii pawh a thu hrim in tlang takin ka bul ah sawi ve mai tur a nia, hetia a ruk a ral ang mai a, Harsh bul ah sawi si a, kei min hrilh lo erawh ka lawm vak lo. Harsh bul ah chuan a naupan lai atanga a nun lo hman dan Lucy min hrilh chu ka theih an gang in ka hrilh chhawng ve a, Harsh pawh chuan a khawngaih ve hmel khawp mai.

 

                   “Naute, I hmangaih a mi” a rawn ti thut a, ka nui chhuak deuh huk “Harsh, hmangaihna tih vel chu ka la hrethiam chiah lo mahse ka ngaina a, a bula awm nuam ka tia, ka duh ve tih chu ka hria” ka tih chuan bialnu a neih ve tak vang te pawh a ni mai thei min hrethiam zet hian ka ban bul ah a rawn chul zauh zauh a.

 

                     Ka pu pawh that lam a pan ve tak avang in ka nu te pawh an rawn chhuk thla ve tawh a, kei ni pawh kan exam a hnai tawh bawk nen ka zirlai ah ka in sawr bing ve khawp mai. Exam dawn hnaih kher lo ah pawh lehkha ka zir duh a nih chuan in chhung chet vel hi chu ka nu hian min awl vek thin.

 

                     2^nd Semester kan exam zawh chuan thlasik rim a lo ni tawh bawk nen, Mizoram lam a Krismas hman tum chuan kan chhungin kan in buatsaih a, Alvin ka hrilh chuan haw a tum loh thu a sawi a, “Lucy pawh a haw dawn sia, nangmah chauh a heta awm te chu, haw chho ve la” ka tih pawh chuan haw a chak loh thu bakin min chhang lo.

 

                     December ni 18 ah exam kan zo fel a, ni 22 ah Mizoram lam a kan chho dawn  a ni. Zing dar 11 kan flight a nia, Jam nen tlai ai chuan kan tia, zing dar 9:30 ah in atangin kan chhuak a, Harsh   an motor a khalh a, Airport thleng min thlah a, Airport ah Alvin leh Lucy ka hmu thut a, Lucy chuan min rawn pan nghal a.

 

                 “Nangmah vang liau liau in hei Masi kan hmang ho thei dawn a nih hi” tih pah chuan Alvin chu a han melh a, rum mangkheng hian a rawn melh let thung,ka nui deuh sak a. Ka nu in min rawn koh tak ah chuan, ka chhungte lam pan chuan kan kalsan a, kan flight a in ang tho na in, check in tih rual an duh vang chuan ka chhung te bul ah chuan ka awm ta rih a.

 

                          Ka Nu nen kan thu tlang a, Hector leh ka pa, Kan hma tlar 4 na vel ah Alvin leh Lucy an thu thung a, kan thlawh chhuah hma deuh chuan Lucy chu in la zei va fahran hian a rawn phei a, “Arelia, I nu bul ah hian ka lo thu lawk,ka thutna sawn lo va thu the” ka nu hian thil hi a man chak ropui mai sia, ka lai ve reng, ka nu pawh chuan min nuih deuh sak pah chuan “I thiannu hi ka la hrelo”

                          Lucy zawk chuan thawveng zet hian “Alvin cousin ka nia” ka thutna ka ken lai chuan  ka nu chuan “kan in ah pawh ilo la kal ve lo ni maw? Ka hmu ngai miah lo che” a tih chuan “Arelia hian min sawm ve ngai hleinem” a han ti zui leh hram a, Lucy hi chu a tawng duh ve a mahse dak thei kan tih  ang chi erawh a ni lem lo, a thawveng em em a, vei lem hi a neilo ni ber hian ka hria.

 

                    Alvin thutna lam ah chuan ka phei a, headphone a lo vuah a, tukverh lam ah Lucy chu a thu a, Alvin dar ah chuan ka kheuh a, a rawn meng diar diar a, min hmu chu a rawn meng zau kawk, ka lo nuih sen sen a, a headphone a la thla nghal a, “Lucy mai mai chu” a tih chuan “ka lo thut pawh chu I va duh awm lo ve” tih pah chuan tukverh lam ah chuan ka phei a.

 

                      “Engtia rei nge in awm dawn” rawn thlek zeuh pah chuan a han ti a, “January 3 ah Shillong lam ah ka Pa te in lam ah kan chhuk anga, ni 15 enaw 18 tih vel ah chuan Delhi ah kan chhuk leh tawh ang” ka tih lai tak chuan kan thlawk chhuak chu a ni mai a, thlawhna thlawk chhuak tur leh a tum tur hi ngai ah ka neih thei thin lo.

 

                 Ka mit ka chhing a, rang zet in ka thutna ban ka vuan tur chu Alvin kut chu ka hmer deuh nawk a, lak sawn mai pawh ka tum chuang lo, ka ip zawk zawk ni mai hian ka hria, a kut chu a ti che a, a la sawn a, ka kut chu a rawn hum a, ka men leh chuan min lo en reng a, alo nui sak a.

 

                          “ I va huai reuh ve a” ka hmui chu ka ti pawrh deuh tarh a, a nui deuh hawk a, ka kut min vawnna pawh a la thlah chuang lo. Keipawh chu tal sawn ka tum chuang lo, a kutzungpui chu a ti che a, ka kut chu a hrut kual a, ka haw lem lo. “I haw dawn lo emaw ka tia” ka tih chuan a hma lam chu a en nghal a.

 

                         “Ka nu in rawn haw rawh min ti sia” keimah vang a haw ve emaw ka tih a ka lo phur ruk ve nen “A hma khan haw turin a ti lo che mi” ka ti lui ve sak a “tak tak in haw chho ve rawh min ti sia, ka haw ve” mi pawh a en chuang lo. Nuam ka ti ru veng veng “Tu in maw?” kan ti lui leh hram a.

 

                      Ka kut chu a rawn hmer na deuh sak a, ka lo nui deuh sen sen a “Chimawm hi chu In unau hian in thiam ve maw? Tih pah chuan ka lam ah chuan a lu chu a rawn tawlh phei a. A headphone chu a bag ah a ak a, earphone a rawn phawrh a, ka beng ah pakhat a rawn hnawh lut a,”Ka hla duh ber ngai thla ang aw, kawng tluanin” ka lu ka lo bu nghauh a.

 

                       Lengpui airport kan tum thleng chuan Kane brown hla, a in a chaw ka ei tum a min ngaihthlak tir kha repeat  ah dahin a play char char a, engmah sawi tawh lo chuan kan ngaithla char char.

See the way you're takin' care of your mama
The way you're takin' care of me
The way you light up any room, girl
You're what this world should be

Tomorrow, tonight, the rest of my life
I wanna be the man you want me to be
So startin' right now, girl, tell me everything you need

I just wanna wake up everyday here in this bed
Never leave 'I love you' left unsaid
It might take a hundred lifetimes to do
But baby, I just wanna be good as you

Girl, you're more than just the surface
Yeah, you got that heart of gold (that heart of gold)
So when it comes to lovin' you, baby
No, it will never get old

Tomorrow, tonight, the rest of my life
I wanna be the man you want me to be
So startin' right now, girl, tell me everything you need

I just wanna wake up everyday here in this bed
Never leave 'I love you' left unsaid
It might take a hundred lifetimes to do (lifetimes to do)
But baby, I just wanna be good as you
Good as you, baby

I just wanna wake up everyday here in this bed
Never leave I love you left unsaid
It might take a hundred lifetimes to do
But baby, I just wanna be good as you
I just wanna wake up everyday here in this bed (here with you, baby)
Never leave I love you left unsaid (never leave it unsaid)
It might take a hundred lifetimes to do (a hundred lifetimes now)
But baby, I just wanna be good as you
Baby, I just wanna be good as you

 

                              Lengpui kan tum dawn tih chuan “Arelia, nangmah anga fel nih ka duh a, ka damchhung hian  I tan a mipa tha, I in nghahna tlak leh I duhthusam nih ka duh” ka mit ah tak min en kiau a. Chhan ngaihna pawh ka hrelo, ka la ngawi reng a. “Min chhang nghal rawh ka ti lo che, ka nghak thei che, mahse I tan a mipa tha tak nih ka duh a nia”

 

                           Dar12 ah Lengpui kan thleng a, ka putea ten min rawn hmuah avang in Aizawl ah pawh peng khaw muang lo chuan Lunglei lam chu kan pan zui nghal a. Kan tlan chak bawk a, tlai dar 7 vel ah kawng chhiat teh reng nen, ka Pi leh Pu te in kan thleng hman a, chaw ei ah minlo la nghak hlawm a. Nikum Krismas Shillong lam a kan hman avangin kei phei chu min hmu khat hlawm viau.

 

                   Ka nu Mami fanu hi kei aiin a upa a, ka Pute Sanga fapa erawh footballer niin tun ah Chennai lam ah a awm a, nu Masangi te nupa hian ka pi leh Pu leh Ka pute vala hi an awmpui deuh chawt a, Ka pute hi a nupuiin a boral san a, nupui a neih tawh loh avangin ti hian an 3 chauh a awm ai chuan tiin ka Nu Mami te chhung hian an awmpui a nia.

 

                          Zan ah U Chhanchhani (Ka nu Mami fanu) nen room khat ah kan mu dun a, a ni nen hian kan inthlau ve deuh a, mi pawh a duat ve viau, hmeichhia 2 chiah kan nia ka nu te lam ah, ka pa te lam ah lah keimah chiah hmeichhia ka lo ni ve bawk nen, khawi lam ah pawh hian duat chu ka hlawh ve viau zel.

 

                       Dar10 vel ah chuan ka phone ka khawih ve hram a. Ka han en chuan Alvin miscall leh msg a lo awm deuh tuar a, ka chhiar thla zel a “Arelia, I duh ang tak mipa nih ka duh” chu thu chu ka chhiar nawn tluk tluk a reply na chang pawh ka hrelo, ka chhiar pah chuan ka lo nui deuh ver ver a niang chu, U Chhanchhani chuan “Ehh, ka naute hian bialpa nei ve tawh ni maw” tih pah chuan ka phone chu min lak sak a.

 

                           Ka zak ve tho bawk si chu, khum ah chuan Phone chu kan in chuh a, “I u ka nia, min hrilh ve hi chu I ba a nia aw” nui thu chung a a tih chuan ka chuh buai peih tawh lo, a phone en lai chuan Alvin nen kan inkar chu ka hrilh mawlh mawlh a. Ka lam ah chuan rawn tawlh hnaiin a rawn saisir a.

 

                       “Hmeichhia hi maw kan mak khawp a nia, mipa kan thu thu a kan dah theih te hi kan ngaisang thei mang miah lo a nia, a thu hrim ah mipa chu mipa a nihna ang takin Pa takin amah in ngaihdan a nei hrang tur a nia, hmeichhia zah tak chung siin, hma a hruai anga, hnung a dawl bawk tur a nia”

 

                     U Chhanchhani sawi chu a dik ka ti khawp mai, mahse Alvin hi ka thuhnuai a awm a, ka tih ang ang a thle kawi mai mai tur chi a ni lo tih chu ka hria, Alvin sawi awmzia ber kha chu in siam that a duh a, mipa tha tak nih a duh tihna mai chauh a ni tih hi ka thinlung hian a hre ru ve khiau.

 

                       Kan in biak reng lai chuan Alvin chuan min rawn call leh, U Chhanchhani chu ka melh zeuh a min hrethiam zet in,”be rawh a ho lutuk” a tih tak ah chuan a call chu ka pick ve ta hram a. “I va han reh rei em em ve le, darker 7 ngawt I reh tawh a nia aw” a rawn tih chuan ri si lo hian ka nui suk a.

 

                     Kan thlen tluan leh tluan loh te min zawt a, U Chhanchhani nen kan mut dun thu ka hrilh chuan a hrethiam a niang, “I mut a la chhuah loh chuan In text ila” a rawn tia, kei pawn, duh ang pawh sawi ngam loh ai chuan pawi ka ti lo zawk.

 

                                “Arelia, ka ngai che, nangmah vangin ka hawng ve a, mahse ka hmu thei chuang bawk silo che a” tih hi a rawn thawn zawm zat a. “Kei pawh ka ngai che” ka va tih chuan, “Chu thu I sawi chu I aw ngei hriat ka chak” smiley ka va thawn ringawt a, a lawm teh chiam lo tih a rawn chhan let dan ah chuan ka hre mai.  A reh zui nghal hmak a, “Alvin, ka hmuh hmasak ber ni atang khan ka duh tawh che sin”

 

                           Chu thu ka sawi zet zawng a rawn lang rang teh e”Keipawh” tih hian min rawn chhang a, chu zan December 22 zan atang chuan kan ni chu a ni ve ta der mai, Zing tin kan in wish a, chhun vel ah erawh kan in be lem lo, chhungte bul ah kan awm ve a, min ngai ve a, keipawn ka ngai ve em em a, phone khawih reng nuam ka tih loh mai bak ah Hector hian game khelh nan ka phone hi chhun lam ah min hman sak thin a chuvang chuan chhun lam ah erawh kan in be ngailo.

 

                             Zan ah Inkhawm leh family programme neuh neuh kan neih ve reng bawk avangin biak pawh kan in be hma thei ngailo, mahse a vui ngailo, kan family ang a chak ve thu erawh a sawi ziah thin, hei vang tak te hian ka khawngaihna hi a zual thin.

                       

                          Krismas leh Kum thar pawh a Nu bul ah hlim tak a a hman ve thu leh an nufa in kar pawh a that tawh thu  te  a nu pawh in fel a tih thu Delhi kan chhuk thlak leh hnu a min rawn hrilh tum tluk a ka thinlung in nuam a tih kha a awm tawh lo, tun tum a rawn chhuk leh tur pawh A nu ngeiin a rawn dah tur thu a sawi chuan ka lo phur ve em em a.

 

                       A nu hian pasal dang nei tawh chuang silo hian , ngaihzawng neih erawh a sim theilo a, hei vang hian Alvin hian hreawm a tiin an nufa hian in hmangaih tawn viau mahse an inkar ah khi thuk tak a awm phah a, chhungkua ve si in pawh lo leh in ngeih lo tak a an awm ka hmuh leh ka hriat hian hreawm hi ka lo ti thin.

 

                       Feb thla tan tir ah rawn chhuk an tum tih min hrilh a, Mizoram kan awm lai kha chuan sawi na hun remchang a awm bawk lo nen, kan in kar thu pawh ka Nu pawh ka hrilh ta lo kha a nia, tun ah chuan ka pu pawh a zia ve tawh a, helam ah ka nu pawh Hector a buaipui bak tih vak tur a nei rih lo bawk nen rilru thawveng leh hahdam zet in a awm thei tawh bawk a, Alvin nen kan in kar thu ka hrilh tlai chuan mak a ti lem lo.

 

                          “Mate, naupang chhe en in kan la en lai che in, kan mit hmuh ah ngei ti hian I han puitling ve chu a nia, awih harsa ka la ti reng” tih pah chuan min kuah hlu hlu a, khua ala vawt vuk bawk a, kan pahnih in balcony ah coffe in pahin kan thu a, ka pa leh Hector erawh game an khel thung a.

 

                           Alvin te chhungkaw chanchin ka sawi lai chuan ngun takin min ngaithla a, engmah a sawi ve lo, ka duh tawk tui tak a ka sawi hnu chuan (Alvin chanchin leh an chhungkaw chanchin hi sawi nuam ka ti ) “Mate, ngaihzawng kan neih tirh hi chuan kan pasal tur ah kan ngai nghal tlangpui thin a, mahse kan bialpa hmasa ber te hi kan pasal tur an ni kher lo a nia”

 

                         Ka pasal ni lo tur anga a sawi chu ka lunghnur ang reng a, men puai chung hian ka nu chu a dar  a ka nghenna tang chuan ka han melh a, rawn hawi let vat in ka chal ah chuan min rawn fawp zauh a, chu lai tak chu ka pa hian thla alo la a Hector a rawn tlan zui ve nghal “Ka tel ve duh”

 

                    Hector chu ka nu in a lo kuah zui nghal vat a, kan pathum chuan thla kan la leh rih a, ka pa in “Okay My Boy, I nu leh I u kha hun thawl pe la, keini chu thil tih tur tha tawk ka hria a nia, lo kal rawh” a tih chuan phur deuh chuan ka pa lam pan chuan a tlan phei ve leh a.

 

                    “Ka pasal tur in ka duh a lawm, ngaihzawng mai mai tih ang vel kha neih ve ka tum reng reng hleinem” ka tih bai bai lai chuan ka nu chuan Coffe in pah chuan a hmui chu a liak zui hlap a, thil kal tawh ngaihtuah ni awm tak hian min chhang lem lo hian Ni tla tur chu a thlir vawng vawng a, Ka nu kuah chung chuan ka nu thlirna lam chu ka thlir zui ve nghal a.

 

                      “Mate, ngaihzawng mai mai atan I ti ka tihna a ni lo a, ka sawi awm zia chu, kan hmangaih hmasak ber te hi kan nei thei vek lo a nia, Pathian hian kan tan a ruat bik hi a nei thin a lawm kan nupui/pasal tur chu” a rawn ti chuai deuh raih a.

 

                          “Nu Apa hi I hmangaih viau in ka hre sia” ka tih chuan “Tehreng mai, ka hmangaih lutuk, a leh pek awm thei lo hial khawp in ka hmangaih a, I Pa pawn min hmangaih, mahse a hmasa ber kan ni lo ve  ve” a nui deuh sak a. “He thil hi chu a complicated ve a, tawn a hriat chi a ni” a ti ta ringawt a.

 

                      Hlauhthawnna ka nei lian lutuk ringawt a chhan chu, Alvin ka pasal ni lo tur ang leh keiin midang nei a, Alvin an midang nei tur anga ka ngaihtuah ringawt pawn ka mur uai uai thei, mi rap tlat. Midang tan ka phal lo a, keimah ngei pawh hi midang tan ka in phal teuh lo.

 

                     Alvin leh a Nu pawh an rawn chhuk thla ve tawh a, an chhungkaw chanchin zawng zawng leh a zu in ve thin te ka Nu hnen a ka sawi khan engmah duh lohna emaw han iai na engmah a sawi lo chu mai pawh a ni lo, tun Saturday hian an nufa chuan chaw ei ah sawm an duh thu an sawi a, mak ka ti, ngaihzawng ka neih vawi 1 na a nih vang nge ka hrelo le, heti tak mai a min support na ka hmu tha hi mak ka ti.

 

                          Friday tlai kan class bang chu Alvin chuan in In a peng turin min sawm a, Mazualteii ka hrilh chuan a hmel chu ka ngaihbel nge pawh ka hrelo, a hnim deuh tlat hian ka hria, va kal rawh chu minti takzet na in a hlimlo tih a hmel ah chuan alang tlat hian ka hria, nuamlo chu ka ti ru viau.

 

                              A nu ka hmu tur chu ka phur rualin, ka zam a, ka huphurh takzet, Lucy te in ah pen ka rawt leh rih, ka nervous lutuk chu hrethiam in ka kut ah a rawn hum a “Hlauthawng suh, a seh lovang chu” kan zavai chuan kan han nui leh rih a. Lucy chu chho ve tur chuan ka sawm tlat a, min zui chho ve ta nge nge a.

 

                       In kan luh chuan, in vel chu alo ti fai a, a in chei dan leh a chet dan phung ah chuan Nu in cheng vawng tak niin ka hria,  a smart em em a,  a nu lian in a hmel a tha tak zet, a sam chu ka nu anglo takin a ngil sei siau a, a kut rawn phar chhuak in min chibai vat a, a tawng duh ngang mai, engpawh min biak na chu aw leh aih tih vel bakin ka chhan pawh ka hrelo.

 

                          Saturday tlai a rawn thleng a, ka nu leh pa an bazar a, ka nu in kawr thar te min han lei a, khawvel ah hian vawi 7 pawh piang nawn pawh ni ila, ka Nu leh Pa tho hi min enkawl turin leh Ka nu leh pa ni turin ka la duh ber fan. Eirawng kan bawl fel hma bawk a, ka nu leh pa leh Alvin nu te chu balcony ah an in kawm a , kei, ka nau leh Alvin erawh ka room lam ah kan awm thung.

 

                       Chaw kan ei lai chuan “Ka fapa nun thlak danglam vek tu leh kan nufa inkar min siam that sak tu hmeichhia hi khawvel ah a aia hmuhchak ka nei ngailo a, ka han hmu hi ka lawm a, bak ah ka fapa in ngaihsak na te ka hmuh hian ka thinlung takin ka lawm a ni” a tih chuan Alvin chuan hnuai lam atang a Nu ke chu a tlawh zeuh tih ka hmu a, a zak ve a niang.

 

                       Harsh leh a bialnu, kei ni pahnih leh Mazualteii chu kan la in zui reng a, a chang chuan Mazualteii hi ka khawngaih thin, a thiante pahnih hian ngaihzawng kan neih san ve ve a, la in kawm in la in zui reng thin mahila, inthlahrun na leh nuam lo tih chin a nei tih ka hrethiam a, nuam lo ka ti ve thin.

 

                     Ka nu hian virgin hlut zia hi kum 13 ka nih atangin min zirtir nasa a, ka hriat thiam ang tawk in min zirtir ve thin, keipawh in ka ngaihlu a, keimah ngei pawh pasal ka neih hma chuan Sex ka hmang lovang tih ka in tiam ve hial a , mahse mihring hi kan duhthlanna chu ni teh meuh mahse kan thutiam ang ngei pawh hian kan awm thei lo fo thin.

 

                         4^th Semester kan kal lai hian, kan in zui nasa bawk a, hun thawl nghah ti mai ila, Alvin amah chauh a awm a ni bawk nen, in zui a, nula tlangval fianrial a awm reng ta na na na chu kan chesual ta, kha zan tluk a hreawm ka tih leh ka in chhir kha ka nun ah hian ka tawng tawh lo, Alvin ka hmangaih loh vang leh ka duh loh vang a ni lo mahse keimah leh keimah ngei pawh ka thutiam a ka ding theilo chu, ka in hua a, ka inhmusit a ni.

 

                                A lak ah ka thikthu a chhe zual em em a, engemaw hlek ah lungawi lohna ka zawng reng a, chute chung chuan min dawhthei em em a, vawi khat in vawi hnih a hring an tih hi chu ava han lo dik tak em ! In chhir a, hreawm ti hle si, vawi3 lai kan chesual ta. 4^th Semester kan exam tur chu ka zir ve leh nasa deuh bawk nen, zan mengrei bawk nen, zing ka tho hi ka harh vang lo thin khawp mai.

 

                          College canteen a kan thut laiin, tui la tur a ka tho tur chu ka lu a rawn hai deuh muai muai a, vawn tur ka zawng nasa mai, ka tlu hman thelh a lawm le! Mazualteiin min rawn chelh vat a, Alvin a thutna tang a rawn tho bawk, ka pum a in let but but a, bathroom lam ah ka phei nghal a, ka va luak hrep lehnghal.

 

                        Mazualteiin min zui a, hmeichhe bathroom ah mipa kal ve theih loh nen, Harsh leh Alvin chuan pawn lam ah min lo nghak a, ka va chhuak chu hlauhthawn hmel fe hian min lo en reng a, Alvin an min kuah nghal a, Vai ho awm khawm tih tak ah min bawr deuh luih a, thaw an ti veng lo thin a nia, vai ho tak hi chu aw…..

 

                      Last period pawh awm tawh lovin, Alvin chuan min thlah hawng a, haw kawng ah chuan Chemist (damdawi dawr) ah chuan a peng a, keiin ka lo nghak a, ka bag ah chuan enge maw hi a rawn khung a. In kan thleng hma deuh chu ka nu chuan a chhan te minlo zawt a, ka lu hai deuh thu Alvin an a sawi chuan, ka nu chuan engmah a sawi lo, ka room lam ah min hruai chho a.

 

                               Inhnuai lam ah chuan min chhuksan leh nghal a, ka in bual thuak thuak a, AC ka on a,ka muhil nghal a ni deuh mai, Ka pa in ka lu ah a rawn chul chuan ka meng a, ka va han mu rei awm reuh em em,khua alo thim vek tawh maw le! Ka meng diar diar a, “I zia deuh em” a rawn tih chuan ka lu chu ka bu deuh nghat a.

 

                             Ka Nu leh Hector an rawn lut ve leh a, ei tur an rawn chawi lut ve nghal a, ka ril tam leh tam loh pawh ka hrelo e a. Ka tho chhuak chu ka khum piah a Sofa kan hun ah chuan Alvin chu alo thu reng a, hepa hi a hawng lo nge a rawn kal leh zawk ni. Pathian zar ah ka damlo khat ve bawk a, ka dam loh chuan kan chhung buai hi a ni ringawt.

 

                      Ka nu chuan “Alvin, ei tur ka ti lum tawh, hei Mateii pawh a harh ve tawh tho bawk a,zuk ei ve lawk rawh” a tih chuan in hnuai lam ah chuan Hector nen chuan an in zui thla ve nghal a. Ka nu chuan ka pa chu a kheuh zeuh a, Ka pa pawh chu a chhuak nghal a, ka thil ei lai chuan “Mate Nau I pai a mi?” ka nu in a rawn tih chuan ka thil ei chu ka phuh a, ka khuh nghal bawrh bawrh.

 

                                         Kei hi in rinhlelh na chang pawh ka hrelo a, kat hi neih leh neih loh pawh ka ngaihtuah lo a nia, ka hlauthawng lutuk chu ka khur chiam a, ka nu pawh chuan a hlauthawng a ni tih  a awmdan ah chuan ka hrethiam. Chhan mai ngaihna pawh ka hrelo. Ka rai a ngem? Lo rai ta ila engtin nge ni dawn?

 

                          Hector an ka nu step  atanga a rawn koh lung lung tak ah chuan ka nu chuan min chhuah san a, ka thil ei pawh a tui nek lo, ka phone chu ka en a,Alvin msg chu ka hawng a “Bag ah khan Pregnacny test kit ka dah a lo test la aw” tlai lam a minlo thawn chu a lo nia, ka tho lawk a, ka bag chu ka haih nghal buan buan a, kut khur dar dar chuan bathroom ah chuan ka lut nghal a.

 

                               Ka zun chu ka han far a, Face towel chuan Pregnancy kit chu ka tuam tlat a, ka en ngam hlawl lo, ka han keu dawn a, ka hlauthawng si, thil tam tak ka ngaihtuah a, ka nu leh pa engtin nge an awm ang, kum 20 erh awrh chauh ka la nia, college em pawh ka la zo lova, engtin nge niang, “Lalpa min pui rawh”

 

                           Engtin nge Pathian chu min pui tur a ka tih, engti zawng a puih nge ka duh pawh ka hre chuanglo, ka hrethiam lo a ni tawp, a tawp a tawh ah chuan hlau leh khur chung chuan ka va en a, ka thaw chhuak deuh hak a, ka sa pup pup,ka bing deuh chuk chuk lehnghal. A rin pahnih chu a lo sen ngiai ngiai a, chhuat ah chuan ka thlauh tawp a. Ka tah erawh a chhuak hauh lo.

 

                                    Kei ngei pawh, nu leh pa duhloh leh enkawl peihloh ka nia, ka nu leh pa in hmangaih takin tun ah min enkawl a, min hringtu ka nu leh pa ang mai khan ka fa hi ka thlauhthla ve thei lo ang mahse engtin nge ka tih chuan ang? Bathroom kawngka a rawn rik tak ah chuan ka hmai ka phih vat a, ka in test na chu ka kekawr bul ah chuan ka ak tha hmak a. Pawn lam ah chuan ka chhuak a.

 

                  Ka nu leh Ka pa chu kawngka bul ah chuan hlauthawng tih hriat tak hian an lo ding a, ka kal pel a, ka hmai chu ka hru sawk sawk a, Ka pa in “I zia deuh em? Tinge chaw pawh chu I va ei tlem ve”  tih chuan an rilru hreawm leh hlauthawng lutuk tih zia nan, “ka zung lawk a, ka ei chhunzawm leh dawn” tih pah chuan, chak lo deuh si hian riltam awm fahran chuan chaw chu ka han ei puk puk a.

 

                     Thil kan ei that hian ka nu hi a lawm thin tih ka hria, thil ka tisual a, ka dai sual a, tun ah hre rih lo mahse, ka nuam samlo tih an hre chung pawhin ti khawp hian an hlauthawng a, min ngaihtuah a, an rilru ti na tu tu ni tho mahila tunah tak hi chuan thlamuang tak leh ngaitha tak a awm tir hi ka duh a ni.

 

                        Min chhuahsan hnu chuan ka phone chu ka khawih zawm nghal a, lehkha pawh ka zir thei meuh lo, ka rilru hi a hah ngawih ngawih, ka tawt vek, awm ngaihna reng ka hrelo, ka fa paina pa chu ka hrilh hmasa ber tur a ni mahse ka hrelo, lo duhlo ta se, A  ni pawh zirlai ve mai ala nia engtin nge ni ang? Ka kum a phu lova rilru puitling ka nih ve thinna vang nge, thil tam tak ka ngaihtuah a, ka hlauthawng  a ni.

 

                        Ka phone ka melh reng lai chuan Alvin msg a rawn thleng a “I zia em, chaw I ei em?” reply pawh ka tum chuang lo, ka phone chu ka melh reng ringawt a. Min lo call ta nge nge a, peih lo zet chuan ka pick a, min rawn hrawk hrep ka rin nen, zaidam fe hian “I zia em, chaw I ei tha em?” a rawn ti dam duam a.

 

                      “Ummmm” ti ringawt hian ka chhang a, “I bag a ka thil dah kha” ka sawi ngamlo, ka thil lo tawn tawh vang nge ka hrelo, ka nu leh pa diktak in kei min hnawl ang khan Alvin hian hre ve ta se, ka naupai lai nen hian min hnawl ve mai a ngem? “Arelia, ka thusawi chu I hria em? A rawn tih chuan ka harh chhuak deuh hawk a.

 

                    “Ummmm” ti bawk chuan ka chhang leh a, “tun ah ka rawn phei I duh a nih loh chuan ka zawhna ho che kha tha tak in min chhang la” thinrim insum tih hriat tak a a rawn tih chuan “ka chhang lo che mi” ka va ti pawr hlur a.

 

                    “I test ta em?” a rawn ti leh a “Aw, aw aw, test, test test” ka va ti nghek a. A reh vang vang a, min chhang dawn tawhlo emaw ka tih hnu ah  “Enge result” a rawn ti zawi deuh riai a “Eng result nge I duh a, I beisei” ka ti let ve khauh a, “Beisei leh duh ka neih pawh ka hrelo”

 

                       Chu thu chuan ka hrelo, min ti na tlat, nat chhan tur a awm em tih pawh ka hrethiam lo,mahse ka nu leh pa in min lo hnawl tawh vang khan nge ka hrel, hnawl nih chu ka hlau tak zet a ni “Ka mut a chhuak, ka mu dawn, naktuk ah kan in be dawnnia” tih leh phone dah chu ka rual nghal a. Ka silent zui nghal bawk a.

 

                  Ka mut erawh a chhuak lo takzet, thil engkim ka hrilh na thin, ka thiannu Mazualteii chu ka ngai ngawih ngawih, msg a ka chanchin min rawn zawh te kha ka reply silo a tunah call dawn ila, a mu tawh emaw a ni awm si a, kuah vawng vawng a, engkim hrilh vek ka chak tak zet a ni.

 

                Zing dar6 vel ah ka harh a, In hnuai lam ah ka chhuk a, ka nu alo tho tawh a,ka pa erawh a hna ah alo kal leh tawh  a niang, ka hmu lo, Ka nu in Coffee min lo thlit vat a, ka bul ah a rawn thu a”Mate, engkim  a tha maw? Nizan I mu tui em?  A rawn tih chuan ka lu ka bu zauh ringawt a.

 

                         Ka nu hmel te chu hmuh hreawm ka ti takzet, an zahna leh mualpho na thlen tu tur an fanu hi min ngaidam thei a ngem, min la hmangaih a ngem? Hmangaih leh duat tak a minlo enkawl na zawng zawng ti  hian ka rul let dawn chu a ni si a? Min ngaidam theilo a nih pawhin min hnawl su aw ka rilru chuan ka ti mawlh mawlh a.

 

                      Class kal chak lo viau mahila, attendance a pawimawh ka ti bawk si nen chuan peihlo zet in ka in siam a, Harsh chuan min lo sawm a, kan pahnih chuan kan in zui chhuak a, College kan thlen chuan vai ho polite lutuk mai chuan ka that leh that loh min zawt sap sap hlawm a, a lawmawm rualin ka ning lek lek a ni.

 

               Class lecture te chu ka rilru ah hian a lut hlawl lo, next Wednesday atangin exam kan tan tawh dawn bawk a, vawiin bak class kal a ngai tawh chuang lo. Peihlo zet chuan ka awm tluan ve ta hram a, nilengin Alvin nen kan in be lo mahse kan in zui reng tho a.

 

                  Kan exam te chu ka tih that leh that loh pawh ka hrelo, exam kan han zo te chu ka thawven phah pawh ka hrelo mai nilo in, a ni tel mai chuan ka ip pik tulh tulh a, Alvin pawn engmah min zawt zui ta lova, keipawn hrilh chak na pawh ka neilo, kan lan naupang dun mai bawk si nen, responsibility lian lutuk kan kova a in nghat tur chu keimah hian ka ngai ngamlo ni ber hian ka hria.

 

 

                     Chaw ka ei thei lo tial tial a, ka Nu leh pa in min ngaihtuah bawk si chu In entir chu an sawi zing tawh khawp mai, kei lah in ka la hnial char char, zan ah ka nu chu ka room ah a rawn lut a, balcony ah ka lo thu a, min rawn zawm ve a, ka kut a hum vang vang a “Mate, thil min hrilh duh I nei em?” a rawn tih chuan engtik laiin nge a rawn thlen pawh ka hrelo.

 

 

                   Ka nu malchung ah chuan ka bawk thlawp a, chhuak em em hian ka tap ta, nghet takin min kuah a, ka chhip ah chuan a rawn fawp a, duh tawk mai a, ka tah hnu chuan ka thu chhuak a, “Nu” ka sawi zawm lawk thei lo, ka kut chu ka hum ruh a, min hrethiam tak chuan min nghak a. “Min ngaidam ru” ka aw chu a chhuak chang chang a ni mai.

 

                   “Nu ka rai” ka nu chu ka melh pah bawk a mahse, mak ti awm hian a awm lo reng reng, mahse  a lawm chuang hauh lo tih chu ka hria, engmah a sawi lo, mak ti lo mahse a shock ve lutuk tih chu ka hria, hmeichhia a nia, Nu a nih angin ka awm dan ah a hrethiam a ni ang. Min ringhlel mahse ka sawi chhuah chiah chuan a rilru erawh a na tih hai rual lovin a mitmeng leh a hmui a peh dan ah ka hrethiam.