ARELIA -9

                                  Alvin pawh class zawm tur chuan a rawn chhuk a, a pa leh A nu ( A nuhrawn) chuan an rawn thlah a, kan hnen a han awm tir chu tlawm thlak an ti viau na in, an hlauthawnna chuan a hneh zawk a ni ange inthlahrung tak chuan kan hnen a awm tur chuan an rawn dah ta tho a. Lehkha thiam lo zawk zawk a ni lova, kei leh a fapa tan chuan theih tawp a chhuah tak meuh tih hi a hriat, class a kal a, a rawn hawng a, lehkha  a zir a, zan ah pawh chuti tho chu a ni.

 

                              Mawhphurhna kan kova  a in nghah hian mihring hian puitlin lam kan lo pan mai a ni, in chhung ah a theih ang tawk a tangkai pawh a tum mahse heng lai ah chuan in chhung ah han tih tur em em a awm lo a, mahse a hunawl tam ber hi chu a fapa nen hun an hmang a ni ber mai. Ka nu leh pa mit ti kham tur hian vawi khat pawh awm a duh ngailo a, mipa na na na chu  kei ai chuan a puitlin na  a lang thin.

 

                         October 14 a rawn in her chhuak a, Aldo birthday a lo ni ve reng mai, ka nu leh pa tan pawh an tu hmuh hmasak ber a ni bawk nen, kan theih anga ropui chuan lawm kan tum ve a, mi pawh kan sawm zau ang reng, Ka pa te client hian Resort Chhatarpur ah an nei a chumi a hmang tur chu kan ni, Alvin nu nen erawh kan la in be tha hlei theilo, ka thinlung hi a dam tlat lo, kan mangan lai a a tlanchhia kha ka rilru ala damlo, ka nu leh pa pawhin min zilh fova mahse ka thinlung taka ka ngaidam a nih loh chuan a der  a ngaihdam ka tum loh thu ka sawi.

 

                        Alvin Pa leh a nupui pawh Mizoram atangin Lucy nen an pathum chuan an rawn chhuk ve nghe nghe a. Aldo erawh a la kal lo mahse chelh lo chuan rei lo te te chu a ding ve thei tawh. Mi kan sawm tam ve bawk nen zan dar 11 leh chanve ah in kan thleng hram a, a gift dawn pawh engmah ka phawrh peih lo, mipui boruak nen ka chau lutuk chu, ka in bual a, ka mu zui nghal mai a mahse vawiin a ka thil hmuh kha ka mithla ah a cham, a chau viau e ti lo chuan ka muhil thei reng reng lo.

 

                 Mazualteii leh a bialpa thiannu anga ka ngaih kha, room thim lai deuh ah hian an lo in fawp a nih chu, ka lu chu ka thing na na a, ka hmusual ti dawn ila, ruih ka nei silo, Mazualteii ngei a ni bawk si, a bialpa lah in hnuai ah hmeichhe dang te nen an lam a, a bialnu awmna ka zawh pawhin a hriat loh thu chu awlsam zet in min chhang kha a nia, khatiang angah te chuan Mipa a nih angin a bialnu chu  a veng tlat tur a ni lawm ni?

 

                          5^th Semester an exam dawn chuan a tang em em a, thla 1 ala awm tih atangin zan ah hian darkar6-7 tal hi lehkha  a zir ngei ngei a,  weekend ah erawh kan nufa in min chhuahpui ngei ngei thung, Mall ah emaw park ah emaw min hruai chhuak ziah a, chutih rualin Hector pawh a hmaih ngai lo. La innei lo mahila, chhungkua ang maiin kan khawsa a, a mawhphurhna a hlen chhuak chiang teh e.

 

                       Mihring hi kan duh ang leh beisei ang hian thil hi alo thleng reng bik lova, A nu pawh rei ngial a reh hnu ah a rawn lang ve leh hlawl mai, a fapa chu final exam a pek thleng a awm pui tur chuan a rawn chhuk a, Alvin hian kha thil thlen hnu atang khan a nu hi a be pawp leh ta miahlo mahse mahni nu te na na na chu a rawn chhuk chuan a hnawl ngawt thei bik silo.

 

                      A pa te chu a han call nghal a, an ni lam in a rawn kal tih an hre bawk silo. Kan in atanga chhuah chu a tum lo bur mahse tlai khat a class bang rawn haw chuan a nu nen in luah an tum thu a sawi a, ka phu deuh zawk nghe nghe  a ni. A nu hi haw reng se ka ti reng reng lo, in pawh tak in awm se tih chu ka duhthusam a nia mahse hemi avang hian a nu hi ka thinlung takin a pawh leh e ka tih na chu a ni hauh lo.

 

                 Engmah ka sawi lova, min biak pawh in a rul tawk lek in ka chhang zel a, zan ah Aldo mut tawh hnu chuan ka room kawngkhar chu a rawn kik karh karh a, ka va hawng a ka let san leh hmak a, biak ka tum lo, nupa pawh kan la nilo a, a chung ah thuneihna ka neilo tih ka hria mahse engvanga ka nu leh pa te kha rawn der ve ik lo nge a nih, min hrilh hre ve hmasa tur ah ka lo beisei em a ni, ka beisei sang lutuk te pawh a ni ve thei tho.

 

               Aldo chu a chal ah chuan a rawn fawp a, a sam ah chuan a chul sak a, min rawn en pah chuan “Arelia, I lungawi lo viau a mi ka chhuak tur chu?” ka chhang chuang lo ka phone chu ka khawih lui ngar ngar a, min rawn phih thlak sak a “enge a” ka ti vin deuh hlar a. “Chhuak lo tur a min duh chuan ka chhuak lo ang” mi pawh a en tawhlo a fapa bawk chu a melh leh reng a. “ I nun a nia, I thu thu lawm, keini chhungkaw lo sawi ve tur engmah a awm hleinem” ka lungawi lo tih chu tu tan pawh hai rual a ni lo.

 

                        Amah hringtu nu nen ngei an awm dun dawn a, ka tan pawh hlauhthawn tur a awm tawhlo mahse ngatinge thu tlukna   a siam hma khan min rawn der ve ik loh? Ngaihpawimawh ka ni ve lo ni a ka in hriatna leh a laka ka beisei san em avang chuan ka na deuh pawh a nilo, ka na a ni. “Tikhan awm lo la, enteh, innei em pawh kan la ni lo a in hnen a awm ve reng hi ka tan pawh  a inthlahrun awm a sin, bak ah Pawisa engmah in la duh bawk silo”

 

 

                    Ni e, a ngaihdan hi thil diktak leh awm tak pawh a ni a lawm, ka hrethiam lo a ni reng reng lo mahse min rawn der ve ik lo kha ka thin a rim em a ni. “In chhungkaw pawisa hi maw ngatan mah kan ti bik lo” ka han ti leh ngat a, ka bul a rawn in sawn phei pah chuan “chutiang chu ka sawi tum a nilo, ka inthlahrun loh nan , thla tin te chu pawisa chawi ve ila, ka ei leh in man te” sawi pawh a sawi zawh hma chuan “I inthlahrung tak zet a nih chuan he thutlukna I siam hma hian kei emaw ka nu leh pa emaw sawi pui ve hrim hrim kha tul I ti lo a  mi? thu tlunkna siam sak tur che chu kan ni lo, I thu chu a ni teh meuh mahse”

      

                           Ka sawi zawm thei tawh lo, ka kun deuh ngul a, “ka tih palh lutuk, ka thiamloh a ni” miin ka thiam loh an tih tawh na na na chuan han sawi vak tur awm in ka hre tawhlo mahse ka lawm chuang miahlo. A in sawn chhuah atangin kar 2 a liam tawh a, weekend a piang in a rawn kal ziah a mahse vawi khat mah ka chhuah pui ngai tawhlo, kei hi ka luhlul in ka tih lohna lam ah chuan lunglian ve zet mai hi ka nia, ka lungawi loh tawh chuan thlem mai mai harsa tak ka ni ve tlat.

 

                           Harsh chu zan ah a off zan a ni bawk a, a rawn leng a, ka nu te ho nen chuan kan ti ti ho a, min rawn text a, “thil hrilh duh che ka nei a nia, in chung ah chho lawk ang”. Hector leh Aldo erawh an mut ala chhuak lo hle tih hriat zet hian cycle ah chuan an in nawr a, an la hlim hle. “Nu, in chung ah kan chho lawk dawn, thil sawi lawk tur kan nei, hei thiana hian nupui a nei dawn a niang” ka tih chuan rum fe a min melh pah hian “Teuhlo” a ti deuh hmuk a. Ka pa pawh chu a lo nui ve suk a.

 

                         Balcony ah chuan kan thu a, hepa hi Beer in a ching ve ta riau mai a, a bag atang chuan Beer cane chu nui put put pah chuan a rawn phawrh a “mmmmm khami I in duh vang kha ni maw?” ka nuih deuh rah rah a, “Nilo, ka thil sawi tur hi mak iti ve dawn lutuk a, hei te chu ka lo keng ve mai mai a lawm” tih pah chuan a hawng nghal zat a. “Enge sawi vat teh, englam nge” ka lo ti leh chawng a.

 

                     “Dawhtheihna hi chu I pai tlem ve em a ni tiraw?” a lem deuh khalh khalh a. A phone chu  a rawn phawrh a “Arelia hi adopt a ni tih I hria em” chu thu ka chhiar chu ka nihna mah nise ka phu deuh zawk, Harsh chu ka melh a, alo nui sung a “Hmelma hi engtik lai atang khan nge I lo neih le?” Adopt ka nih hi kan chhungkua bak hria an awm ka ring lo, ka sawi ngailo, ka thian tha ber pahnih Harsh leh Mazualteii pawh ka hrilh lo, a chhan chu hrilh  a tulna ka hrelo miau a ni.

 

                  Miin I nu leh pa pawh hi I ang lo min tih chang pawh hi ka tawng nawlh nawlh thin, ka thian te pahnih ngei pawh hian min ti thin, chhan en ah ka en ngai lova ka nui liam mai mai thin. An tan fa lak ka ni tih an hriat kher na chhan tur hi a awm in ka hrelo, engmah hlawk phahna tur an neih ka hre heklo. Ka nu leh pa diktak khan min enkawl pawh nise, hei aia tha leh ropui hian min enkawl chuang hauh lo ang, chumai a nilo, tuna hmangaihna ka nu leh pa hnena atanga ka dawn hi ka dawng kher lo thei bawk a sin.

 

                       “Tunge lo thawn che a?” ka ti bung deuh nghut a, “ka hre biklo, hei number ringawt a ni sia, tinge mi hian dawt a an sawi thin che le, hmana high school kan kal lai pawn  an fiam tawh che kha I la hria em?” Number chu ka en nawn leh a, ka phone ah chuan ka chhu nghal a, ka call a, a ring ral thak thak. “Call duh suh, a ho lutuk, an pick duh chuang lo,hrim hrim in khatiang mai mai ah buai duh suh”

 

                 “Nangmah zawk I buai a ni lo maw?” min en deuh hu a “Enge ka lo buai ve ngawt anga?” tih pah chuan a Beer inna chu a hmet khawr a “Buai lo la tinge khatiang thil mai mai min hmuh tur khan hetah I lo kal?” ka tih chuan a ngawi deuh dat a “Ka hre biklo” Ni e, a ringhlel ve tho tih chu ka hria a lawm, eng ang pawn phat kual tum mahse, ngati nge adopt ka nih chu a pawi viau em ni, miin an hriat avang khan  tu tan nge hlawkna awm chuang ang?

 

                      “Harsh, ka hrilh ang che aw, enteh ka Nu hian min hrilh thin a, kan lo chawr chhuahna ai chuan kan seilenna a pawimawh a, kan seilenna chhungkua a pawimawh tluk zetin kan chhungkaw din tur hi a pawimawh a ti thin a sin, a thu hrim in adopt pawh lo ni ila, buaina I nei a mi?” ka aw chu a nem lo, a chhan chu adopt ka nih thu hi mi hian an sawi fo pawh hi ka duhlo.

 

                      Nuam lo a ti hle tih ka hria, a Beer cane dang hawn leh pah chuan “Hey! Engmah ka tan danglamna a awm lo, ka beer in duh chhuanlam ah ka hmang mai mai nihkha” ka awih chuang hauhlo na in chhan zawm erawh ka tum peih tawh lo. “I in zawh ah rawn chhuk ang che” tih pah chuan in hnuai lam ah chuan ka chhuk san a.

 

                  In hnuai ah chuan a rawn chhuk ve a, ka nu hnen ah chuan “Zan in chu ka off te a ni bawk sia, in a awm reng chu a ninawm Guest Room ah sawn ka riak dawn” tih leh room pan chu a rual nghal a. Mahni in ang maiin a khawsa a, keipawh an in ah chuan ka duh ang ang in ka khawsa ve thin tho. Ka nu leh pa chu room ah chuan ka ko lut a, Harsh message dawn vel te chu ka hrilh a, an pahnih chuan engmah an sawi lo, an ngawi reng a.

 

            A tawp ah chuan ka pa chu a rawn tawng chhuak ta a, “Arelia, kan fanu I nihna hi chatuan pawhin a dang tawh dawn lo, I nu hian thisen in a hring ve lo che pawh a ni thei, mahse kan fanu ni tura kha Home atanga kan lak ni atang che a tun thleng hian kan ngaihtuahna zawng zawng nei tu I ni a, mite chuan engpawh lo sawi rawh se kan fanu I ni a, I ni reng bawk ang” a rawn ti dap dap a.

 

                 Ka nu pawh chuan “Mate, a dik chiah a lawm, mi thusawi avang mai mai khan kan fanu I nihna a bo chuanglo, thisen chu thisen nge nge te an ti thin, mahse thisena an hrin ngei an fa te pawh kalsan a hnawl duh an awm tho a lawm, thisen hi a ni ber lo a sin,kan hmangaih zia che hi I hria ang tiraw? Engtik lai mah in Hector nen hian kan en hrang ngai hauh lo che, mi thusawi mai mai ah buai tawh suh, I nun pumpui a ti chhe vek dawn te a nih loh chuan”

 

                   Ka nu leh pa ang rilru hi khawvel a nu leh pa zawng zawng hian pu vek nise chuan khawvel ah hian (fahrah thihna vang ka tilo) an awm hauh lo ang. Nu leh pa dinhmun pawimawh zia hi Aldo ka neih khan ka hrethiam a, Aldo pawh kum khat vel lek mahnise thu a han awilo, a han nuar chang te leh a damloh chang te  hian tihngaihna ka hriat loh zia, ka nu leh pa kut a ka la in nghah nasat zia te ka chhui kir a, NU leh PA dinhmun hi ava han lo ropui tak.

 

                    Ka zan mut hmun ah te chuan number chu ka han dial leh thin a, tuman an pick chuang lo, a chang chuan switch off a inti a, aww enga tinge mi te hian kan hlawkna tur pawh ni silo thil ah hian kan va han buai nasa hlawm tak em! Ka nihna ngei mahnise ka chanchin leh nihna mi hnen a an sawi hian an tan enge hlawkna awm? Kei adopt ve mai mai hnen atang hian enge beisei an neih?

 

                   Alvin pawh a final year a ni a, naktuk mai ah hian exam an zo ve tawh dawn, an exam chhung hian vawi khat mah a off neih ni pawh nise a rawn lang ngai lo, a fapa hian avang hian ava han danglam tak em! Theihtawp in a zir a, semester dang ah pawh a zir nasa lutuk lo na khan a ti tha pawl kha chu a ni vet ho thin kha a nia, tun tum zet phei chu keipawh in beisei na ka nei sang tak zet.

 

                        An exam zo chu kan in lam ah chuan a rawn phei nghal a, a fapa nen pawh an in ngai tawh tak zet a ni, alo thlen atanga chaw ei dawn thleng chuan an in zui chawt a, Aldo pawh hian alo ngai ve hle a nih dawn hi. Chaw a rawn ei reng reng hian ka pa hian a riak dawn te a nih loh chuan midang motor a haw tir mai mai hi a tum ngai lo, amah ngei hian a thlah ziah thin.

 

                 Zan in pawh hian Cab book a tum chu ka pa in zan in chu Bawihtea (Aldo) hovin kan thlah ang che a tih chuan a hmel a hlimna hman a ka hmuh thin kha ka hmu let leh ta. Kan in kar hi a chhe miahlo mahse ka hrelo keima dikloh hi nge a Nu avang hian hmana ka pawh ang  em em khan ka pawh theilo, a ni pawh hian ka awmdan hi hriathhiam loh chang a ngah a, thil ho te te ah pawh hian kan in khik khak reng mai tawh.

 

                      Kan boruak pawh siam that hi chu a theihtawp hi chuan a tum ve thin mahse pasal a han nei tur meuh chuan ka  hrelo, ka hmangaih tawk lo nge, ka rilru hi a in peih thei tlat lo. Ka nu leh pa min duat lutuk avang te hian  sawn pawm zahthlak na leh hreawmna ka hrelo a , hei vang te pawh hi a ni thei tho pasal neih chakna leh tumna ka neilo, kan pathum kei leh afapa te nen a kan future tur a sawi pawh hian engmah sawi phur pui tumna pawh ka neilo mai nilo, ka ngawi hmak zel.

 

                   Lucy hnen atangin a nu tawhkhirh zia leh khirh zia te, a fapa chunga thu a neih zia te, tleirawl te te a kawp nasat zia te, an in chu tleirawl riahbuk tih khawp a tlang sawi anih dan te, a  chanchin tha lam aiin a chanchin chhe lam ka hre nasa bawk nen, Alvin nu han hrawn chu ka chak hlawllo a ni, mahse keimahni chhungkua vanga an nufa in kara khi chat thuk tak awm erawh pawi ka ti em em bawk si. Alvin pa te hnen ah lawi dawn ila, nuhrawn nei a ni bawk si, ani pawh inthlahrung takin a awm tawh a, kan nufa phei chu.

 

                   Alvin duhdan leh tum dan chuan college a chhuah vel ah hian inneih nghal a duh a, thawh chhuah la nei nghal lo mahse a phak ang tawk hna te zawn ve a, chhungkua a awm khawm chu a duh tak zet, nu leh pa kara seilian lo a nih avang hian a fapa in a dinhmun leh a chan anga rawn chang ve tur hi a ngaingam hlawllo a ni ber, chuti zawng chuan ka hrethiam lutuk.

                   Kan chhungkua te in han indang ve dawn ila, ei leh in ringawt pawh tunlai khawvel ah alo hautak si, chuvang chuan hna ngial nghet tak a neih hma chu amah hringtu nu fin rih chu a duh dan a ni a, kan in kar a hre tho bawk nen, a sawi chhuah chang pawh hian a tim dui thin a, mahse hna nghet, chhungkaw dinnna tlak a neih vel ah erawh in dan chu a duh dan a ni.

 

                    Keilah in hna mumal pawh neilo, nu leh pa ring ringawt tura chhungkaw din chu ka lo duh bawk si lo nen, kan in kar hi a fuh hleithei tawh meuhlo. Kan thil thlir dan a in ang lo a, kan duhdan a in anglo a, mahni thu duh ve ve kan lo ni bawk nen, in hau a zing tial tial a. In ngaihzawn tirh anga inthlakhlehna te a lo reh tan ve tawh a, kan inti hliau hliau reng peih tawhlo nen, tiang a chhungkaw han din chu ka chak hlawllo a ni.

 

                    A chapo vang ni hauhlo in, kan han in bakkaih chang a A nu ro leh sumdawnna zawng zawng ama ta vek tur tho a nih thu a sawi te chuan ka thinrimna hi a belchhah leh thin, Nu emaw Pa te emaw neih leh thawhchhuah ringa in chhek ar bawm ho ka ngaisang lo ve bawk nen, eng hna pawh nise ama thawhchhuah ngei, rim takin amah ngeiin thawk ve se tih ka duh a, fapa mal neih chhun alo ni ve bawk nen ka ngaihtuahna min tawmpui phalo chu  a ni kan buai thin ni.

 

                   Pasal neih ve lem a harsa lutuk nghal ringawt tura han nei tur chuan keini pahnih in karah phei chuan fa kan nei tawh a, harsatna tur hi a dawn thui tak tak lo. “engmah hi I ngaihtuah thui ve lova” ti a ka tih chang te hian mipa rilru ah na na na chuan “ I ngaihtuah vak vak avang khan engmah a sawt phah lo” a tawp ah chuan in biak duhloh emaw, in hau emaw in tawp kan khar leh thin, kan in hmangaih tawhlo tihna chu a ni hauhlo, mahse kan lo dream thin ang hi a ni lo tih kan hre ve tulh tulh mai chauh a ni.

 

                  “Hna nghet nei phawt la, tunlai ah khawsak a harsa tawh si, ei leh in mai bak ah Aldo pawh kan dam  anih chuan school te a kal ve anga, nangpawh in I hria a tunlai ah zirna pawh a lei a lei a ngai tawh si a, mahni ke a kan din tak tak theih hun ah inneih chu kan ngaihtuah tha dawnnia” ka tih chuan “Arelia, min ring zo lo nge, midang I nei zawk?” ka sa leh zak mai.

 

                   Mahni tawk a, tha inti ve ve leh nei ve tawk inti ve ve kan ni bawk nen, “Alvin chuti chuan minti reng reng suh, duh ilang chuan e I bo chhung khan nang aia tha pawh ka hmu mahse ka lo nghak tang tang che a” he thil hi chu ka sawi tum reng pawh a nilo, mihring hi chu kan thin a rim hian kan nihna diktak alang an tih thin ang khan keipawh mi chapo ka nihna a lang anlo tih hi a ti dik tu ka ni chiang kher  mai.

 

                        “Anih si chuan engvang nge inneih hi I duh miahloh, kan fapa nu leh pa kar lova a seilian tur hi pawi I ti miahlo a mi, nang fahrah nun pawh hrelo khan kan fapa dinhmun hi I hrethiam hauh lo” A ni pawh a thinrim tak zet a ni. Kan thawm a tha khawp mai, Hector pawh in min melh zuk zuk a, hemi tlai hian ka nu leh pa an bazar vangin, kan nufa, leh Hector nen a in a awm kan  ni. “inneih hi hmanhmawh vak chi pawh a ni hleinem, nang pawh keipawh rilru ah kan la putling lo lutuk a, chhungkua meuh din tur chuan a harsa a sin” ka ti vei tan tan a. “Ka hria, ka hre lutuk, harsatna pawh kan tawk ngei ang, harsatna tel miahlova chhungkaw din chu I lo tum reng reng a mi?” minti let erh a.

 

 

                       Ka rin ang leh ka hlauh ang ngeiin Mizoram a hawn atana kar khat na lek ah Palai hmel kan hmu ta, ka nu leh pa pawh in mak an ti, keimah pawhin anlo kal dawn tih ka hre lo hrim hrim a, ka nu le pa chuan puitling takin anlo dawr a, A putea Mizoram lam ah a awm a, a Ni te leh A patea te pawh kan lo rawn ve leh a, chanchin kan in hrilh zel dawnnia tiin an inthlahliam a.

 

                Ka nu leh pa chuan room ah min ko lut a, engmah pawh an sawi hma chuan “Pasal neih ka la tum miahlo a nia” an pahnih chuan an in melh a, ka nu chuan ka kut a rawn vuan a “Mate, Alvin hi I hmangaih lo em ni”? ka melh zawk a, hnuai lam melh leh pah chuan “tinge tuman engmah hi hriatthiam in tum miahloh” ka ti zawi sap a.

 

                    Ka pa chuan “enge kan hriatthiam loh thil awm chu, I fapa pa ngeiin nupui a neih che a duh a, enge I harsatna min hrilh rawh, hetia pasal lova fa pawm reng chu nakin ah I la inchhir dawn a nia” a rawn tih chuan “Pa, Alvin hi maw ka hmangaih hmasa ber leh ka hmangaih tawn awm chhun a ni, pasal nei dawn ila chuan ani lo chu ka nei lovang, nangni pawh in hria a, tunah a graduate ve chauh a,hna nghet pawh a neilo, engtin nge chhungkua chu kan din anga?”

 

                  Ka nu chuan alu bu nghauh nghauh pah chuan “Ummm, mate, I ngaihtuah dan chu a dik chiah ka hrethiam lutuk che, mahse mihring hi dinhmun ngai ah kan ding reng lova, Alvin pawhin a theihtawp chhuah a, hna te thawh ve a tum a, a fapa nu leh pa kar lova a awm hi ama dinhmun lo paltlang tawh a nih avangin hmuh hreawm a ti a, fa te tan a nu leh pa in pek thuk theih zia hi Alvin ngei pawh hian a ti chiang ka ti a sin”

 

                    “Anu chanchin leh awmdan zawng zawng te ka ngaihtuah a, ka hrawn hreh ngawih ngawih a sin” ka tih chuan ka kut chu nghet leh zual hian a hum a, “kha pawh kha I ngaihtuah dan a dik chiah, keini pawh hian a chanchin kan chhui ve atangin fate lawi luh nan chuan kan it hauh lo mahse mihring hi kan in dawr dan a fuh phawt chuan in e misual ber an tih te pawh hi an nem thei a sin, engamah hma a pasal tur te nu millo nghal ringawt te hi hmeichhe sual awm dan a nia”

 

                          Ka rilru erawh  a sak ngaiin ala sak reng, ka pa chuan “Arelia, enteh kan inneih dawn hian I pi(ka nu) hian I nu hi a duh reng reng hleinem, kan in ngaihzawn lai pawh a, midang ka nupui tura lo be ngat kha a nia, mahni nu te mahnise Nu nasa tia an sawi kha ani ve a, mahse kan han innei a, inu hian thatna in a hneh a sin, mahse a tuar rei ve a lawm, kum 7 dawn hnu ah chuan I pi hian a mo te zawng zawng ah I nu hi a ngai ber a, a hmangaih ber bawk a sin, hmangaihna,tlawmna leh dawhtheihna tello chuan chhungkua hi a puitling theilo a sin”

 

                 Ka nu pawh chuan rawn chhunzawm ve in “nang te chu I vannei a sin, ti hian I biak duh loh hnu thleng pawhin in chanchin, in that leh that loh te min rawn zawt a, kei ve kha chu kan inneih hnu pawh khan kan  zin chang te hian kan awm chhung chu min be lova, chumai a nilo ka rual pawh khan chaw a ei duhlo, phone call  a biak ka tum pawn a duh ngailo, mahse mihring hian thatna lai zawn kan nei vek a, chu chu keiin thatna leh dawhtheihna in ka hneh a sin”

 

                      Pasal nei tur anga ka han inngaihtuah chuan ka ngai ngam thlawt lo, kan inchhung, ka nu leh pa, Hector chhuahsan a chhungkua ka din vet ur chu khawvel nihphung reng mahnise ka ngam lo a ni, ka rai tan tirh lai khan lo palai te lo ni ta se chuan, tun ang em hian ka huphurh lo mai thei, hmeichhia zawng zawng hi an ni ve vek em chu ka hrelo, mahse Pasal nei tura han in dah hi chuan kan in chhung leh nu leh pa han kalsan tur a ka in ngaihtuah hian ka ngai ngam thlawt lo a ni.

 

                Zan ah chuan min rawn call ta ngei a, “Arelia, ka hrilh lawk che a nih chuan I duh dawnlo tih ka hria, enteh ka nu bula awm I hreh viau pawn kan in hnuai ah hian kan chhungkua te in kan awm ve anga, ka nu sumdawnna hi ka enkawl pui anga, kan khawsa ve thei lutuk ang, hreawm leh harsa tak in ka siam ngai lovang che, khawngaih in aw ti hram rawh aw”

 

                 Ka fapa mutui taka  a thaw sek sek chu ka han en thin a, ka nu leh pa hian min hmangaihin min duat viau mahse ka fapa hian Pa a mamawh ve tho a sin, hmeichhe tam tak chu an fa pai na ten nei duhlova an hnawl laiin keichu Alvin, ka hmangaih em em leh ka fapa pa ngei hian min neih a duh a, a ngen in min ngen ngawih ngawih zawk a ni si a, mahse kan kum te ka han chhut a, innei a chhungkua din meuh tur chuan kan la phak lo hian ka hre si.

 

                       Kawng leh lam ah chuan fa hial pai ngam khawp in ka awm a, tuna taka enge ka hmangaih ber leh ka fapa pa neih chu ka hreh em em ni, ka rilru a in sual buai nasa tak zet a ni. Kha number Harsh hne a adopt ka nih thu rawn thawn tu ngei mai khan Msg min rawn thawn a “Alvin hi I nei a nih chuan a hma a in chunga thil thleng aia nasa leh hreawm kha a thleng ngei ang, chuvang chuan Alvin te chhungkua hi kalsan ang che”

 

                  Rang lutuk in ka fapa mutui lai chu kalsan nghal in ka nu te room ah chuan ka tlan thla nghal a, anlo mu tawh a niang, kawngka pawh an hawng lawk theilo, ka chum dawt dawt a, ka pa chuan kawngka chu a rawn hawng a, room ah chuan ka tlan lut nghal a, an khum ah chuan ka thu thlawp a. Ka nu pawh chu a rawn tho chhuak a “Mate, eng thil nge ni ta” a rawn tih chuan ka phone chu ka pe zui nghal a.