JIMMY LALMUANPUIA -3

                    Ka u awm loh hnu chuan ka khua har ngawih ngawih a Jima te in ah pawh ka kal tam leh zual, mahse kA lungawi thei thlawt lo Jima nungchang dang ta lutuk hi ka nuteii bul ah chuan “Nute thinrim miah suh aw enteh U Davida hi ka ngei tawp, a rawn haw tang hian Jima nen kan boruak pawh a chhe vek, a u hi a hlau lutuk a, kan zalen tawh lo, a hrehawm em mai, nupui chu neih tir vat ru tlangval senior hi chu an khirh duh a nia, an bula awm te hi hahthlak” ka tih chuan mittui tla phung in min nuih mawle.

 

                Kan final exam pawh a hnai tawh khawp mai Jima erawh kei aiin A graduate hmasa a,min lo nghak rawh ka tih vang in min nghah pah in a U company din thar ah chuan a thawk ve rih a, kan inhmu khat thin khawp mai,kei ka exm tur ah ka in sawr bing ve deuh a, ani lah a hna ah a buai ve bwk sia..... Kan exam zawh ni chuan minlo hruai tur a ka ngen tlat vang in min rawn hruai a, “hlawh te i nei tawh sia min treat rawh” tih pah chuan kan chawlhna thin JS Restaurant ah chuan kan in zui lut leh nge nge a.

 

 

                  “Jim tinge iva han single rei ve I in hmehlo” ka tih chuan"nangpawh i nei bik a mi" kar hmasa khan ka nei Khatla tlangval hmeltha Benjamina, kan lai der vel chu a eilo ve chiag a Lawm. "Huh a chhe em mai a hmai a bawl leh nghal" minla nuih sawh zui. “Hmela enge pawi a zan men rei vang nia, a reh ve leh mai dawn lawm” ka tih chuan a nuih za lutuk chuan a thil ei a hak phah mawle.

 

               “I hmuh zawh loh vang in min itsik a min thik nihkha” ka han ti leh hram a nia, "ka thik hran lo che mipa ka ngaizawng ngailo a abikin hmaibawl hahahah kal tawh ang hmiang” a tih lai chuan ka phone a rawn ri a ka en chuan Jim i nu nih hi tih pah chuan “hello, awle awle Jima pawh ka bul ah a awm”, phone ka dah rual chuan  “ nuam e, I nu in  kan chhung in chw ei ah min sawm a, Jima lo sawm haw la rawn haw hma deuh ru a ti” ka tih chuan “nih chuan hawng ang hmiang” tih leh thawh a rual a kan thil eina a pek fel hnu chuan kan in zui haw nghal a.

 

                    ka nu te pahnih chuan eirawng an lo bawl a, kan in a haw tlang lo a Jima te in pan nghal kan nih vang chuan Jima T-shirt leh ka boxer nen chuan ka awm leh to to a, tlai chaw ei lai te chuan ka ti duk mai ka ning he in ka in ang mai a k lo neih ah hian he mihring Khenglawta vang hian ka zalen tawhlo,chumi zan atang chuan kar hnih teh meuh jima te in ka tlawh lo, ka nu te leh Jima chhungte pawh an ngaih atha lo hle a, a chhan min zawh lah in ka chhang duh bawk silo.

 

               Ka nuteiin "Mate tinge ilo kal duh tak miahlo, Jima te unau in an hau che mi" kan in a rawn luh pah chuan arawn ti lut bawrh bawrh a “diktak chuan in in saw nuam tihna pakhat mah ka nei tawhlo ka zalen tawhlo a Jima pawn min pawn min ngaihsak tawhlo saw mihring lo awm atang sawn” Lalpa leh! kawngka bula ding renga min lo en tu chu ka sawi chhan ngei chu a lo ding kur mai, ka zak ve reng tihngaihna awm tawh bawk silo. "ka tihpalh lutuk,keimah vang in kan in a lo kal i duh tawh silo a, keichu ka khirh lutuk a, inthlah dul ka lo tum hram dawnnia, i duhtawk in zalen takin lo awm leh rawh" chu thu chu ka hriat ka ring ngailo, ka inthiamlo zawk tawp.

 

 

            Jima nen a kan in pawh tawhlo chu hrehawm ka ti ber, a pawi ka sawi ka hre bawk silo mahse min hlat lutuk ringawt hi ka tuar theilo. Kan result chhuah ni chuan. First ah ka pass ve a kan lawm zia chu min lawmpui tur a kan in a lo lang hmasa ber chu ka awihlo zawk U Davida maw? Ka awihlo zawk min ngaina lo pawh ni mai lo in min haw em em a, ka inchei na leh ka nun phung min ngaitheilo em em thin tu, biak pawh min be ngailo tu zawk min lawmpui tur in a rawn kal a, ka hlimni leh ka lawmni a min kal san ngailo thin zawk ka lo beisei em em a rawn lang miahlo ka thin a rim lo mahse ka rilru a na ni.

 

 
              Tlai  ah a lawm nan Jima te chhung nen a chaw eikhawm an tih pawh chuan ka phur lo ka rilru a na em a ni, Ka result a chhuah khan ka chhungte ai pawn ka hrilh hmasak ber a nih kha mahse tun thleng in a la rawn lang lo, ka room ah ka in kalh khum a ka tap leh hliam hliam tawh ka chhungte an mangang khawp mai, Jima rawn thlen chuan ka room kawngka bul a an lo ding thap a hmuh chuan hlauthawng em em hian ka room chu a rawk chum dawt dawt a" Kate, ka duatte kawngka lo hawng rawh ka lo thleng tawh nia, ka lo tlai a ka tihpalh lutuk, ka hna laklawh lutuk a, i thil tur ka rawn lei kawi leh bawk sia, khawngaihin thinrim tawh suh" chu aw ka hriat chuan kawngka chu ka va hawng rawk a.

 

 

                “Hmela tinge ilo va kal har ve” tap chung chuan ka hnek leh chawrh chawrh a, midang ho chu an lo thaw huaia ka pa in "Mambawih min ti hlauthawng a lawm, hei Jima pawh alo thlen tawh hi lo chhuk tawh rawh" jima chuan min kuah thla a hepa bula ka awm hi chuan ka thinrim rei thei thlawt lo.

 

 
               Zir zawm leh ka lo tum tehreng nen an phal tawh lo chu ka hrethiam thei thlawt lo, ka titau bur reng a, eng ang pawn ti tau in thinrim mahila tun tum chu an thu kal tlangpui an tum zia chu ka hrechiang khawp mai, “phai ah awm ka dillo che u hetah MZU ah pawh ka zawm mai ang”tiin ka u te lo len zan chuan ka ang vak vak a, awmzia awm silo tupawh chu an ngawi duk hlawm si,ka thinrim lutuk Jima te in ah ka tlan lut a.

 

                   ka nuteii kuah chung chuan tap pah hian ka chhungte laka ka rilru nat dan leh ka zir zawm leh chak zia ka hrilh a, Pa Mawia(Jima pa) bul ah chuan ka chhungte hnen a ka zir zawm leh theih nana min dil pui tur in ka ngen mawlh mawlh a, tuman min chhang lo, Jima tak ngial pawh a ngawi reng a chutah Pa Mawian "va haw phawt la kan lo sawi tha ang, naktuk zan ah kan lo kal ang palai te nen" chu thu ka hriat chuan ka nghing lawih a ka tlu lo chauh jiman "ka pa a tawk, ngawi tawh ru" pawr tawk a a rawn tih chuan ka tuar thei tawhlo in atang chuan ka tlan chhuak a ka hnunga min lo umtu Jima chuan min chelh din tum mahse ka tal chhuaka ngawi rengin ka kal a, ka hnung ah ani pawh chuan engmah sawi lo chuan min rawn zui zel a, ka kal thui bawk a ka hah lutuk leh rilru chi ai lutuk chu ka tlu chawrh a.

 

                     Jiman rang tak a minlo kuah chuan a awm ah beiin  “Jim, ka unaupa leh ka thianpa i ni a, tinge pasal neih ka la duhlo ka tih thin kha, ka duhlo em vang che pawh nilo, pasal ka nei duhlo” ka tap vak vak a..... enge ka sawi pawh ka hre mumal tawhlo, ka sam a chul paha "tap rawh i duh tawkin" nghet deuh in min kuah a.

 

                 "Kate ngaithla teh" a rawn tih pawh chuan “aih engmah ka ngaithla duhlo, Jim ala hunlo iti ve lo mi? Pasal hi nei dawn ta ila ka unaupa, ka thian ni bawk engkima min hrethiam a min dawhthei tu tluk a ka pasal tur atan a duh hi ka neilo che mahse chumi vang chuan kan innei nghal tur a nilo sin, pasal neih ka la duhlo, nangpawn min neih duh bik loh kha

 

              "Kate ka thusawi ngaithla phawt rawh" ka beng ka hup tlat a min sawi vak pah chuan ka kut chu la thla in ka biang tawn tawn ah a rawn vuan a "Kate engtin nge ka hrilh ang che le? Ka nupui tur ini lo, ka tan a palai rawn tir  tur an ni lo" chu thu ka han hre leh phei chu ka mumang mai mai atan pawh ka duhlo, Jim,a kut chu ka thingthla nawk a tu tan nge min rawn dil an tum?

 

                Ka ring lo, ka ngaituah ngam hek lo mahse A ni lo chu rin tur an awm lo "ka u tan......(A kun vang vang a) Kate, ka duh dan leh ka thu chu nise he thil hi a thleng miahlo ang mahse, chhungkua ah a naupang ber ka nia, ka sawi ve hian awmzia neilo sin"

 

               Jim nangmah nei tur anga ka in ngaihtuah khan zir zawm leh ka chak em vang leh nangman min neih duhloh vang in hrehawm ka tia ka hreh em em a, mahse ka tuar thei mai, tun ah chuan ka tuar theilo I U maw ka neih dawn Jim tinge a hma khan minlo hrilh loh? I thian ang ah minlo ngai tak tak lo tiraw?

 

 

               "Kate enteh, ka nei duhlo ang ah che i ngai tiraw i hresual der a nih chu, ngaihzawng ka neih ngai tawh loh chhan te,khami zan ka u lo haw zan a i bula ka riah zan a mittui tla zawih zawih a kha hla ka ngaihthlak chhan kha nangmah hi i ni a sin, Ka U Nupui tur atan ka nu ten an ti che tih ka hriat zan khan maw ka mu miah lo, kha zan atang khan ka lo hmangaih zia che ka hre chhuak a midang ta ni tur a ka ngaituah che khan maw ka thi thei mai dawn chutah ka U ber kher a la ni zui, Kate ka rilru ang hi i pu ve ngailo ang tih ka hria a, ka u kha neih mai pawh pawi iti lo ang tiin ka ngaihtuah a kha vang khan nangmah hlat dan ngawt ka zawng a, hrehawm ka tih thin zia kha i hrethiam phak ngailo ang. Ka hmangaih em em hi ka hmangaih zia ka hriat chhuah meuh chuan a kal liam mai dawn si, ka hmuh phak reng ah ka bul ah ngei i kal liam dawn a nia, ka ban phak leh ka khawih phak reng ah ka khawih theih loh in i awm khumkhua tawh dawn a nia ka tuar theilo"

 

                 A kun a mipa pah nise a ri in a rawn tap chhuak a nih chu mawle. "Hawng tawh ang phone kan keng silo minlo ngaihtuah lutuk ang" tih pah chuan min kai tho a kal mai ka tum chu ka taksa ah hian pen khat lek pawh pen theihna tur chakna a awm tawh miah lo, ka thingthi hnawk a, ka hma zawn ah lo thu in "ka pua ang che" tih pah chuan ka ban ah chelh in min pua a, hnar pawh ka tumlo hnar tur pawn ka aw rawl pawh a chhuak thei tawhlo.

 

              In thleng thak chuan min pua a, kawng lak ah pawh engmah kan sawi tawhlo in thlen thleng chuan kan in be tawh lo hrim hrim. Kawngka an rawn hawng tur leh kan lut tur chu kan in tawk a, min zawn anlo tum chu niin Ka u te nupa pawh an la hawng lo, zan dar11 a pelh tawh vang chuan riak ve mai tur in anlo ti a, Jima te chhungkua pawh anlo kim thap a, an hlauhthawn hmel hlawm khawp mai, engmah pawh sawi lo chuan ka room ah chuan min paw chho a, khum ah min mut tir a, puan min sin tir pah chuan"ka riak ve dawn" tih leh ka bul a rawn mut chu a rual a.

 

                “Min haw san rawh keimah a awm ka duh” ka tih pawn "ka kal san dawn chuang lo che, mu mai mai rawh" nghet tak in min kuah a, kawngka bula ngawi reng a lo ding U Davida ka va hmu thut chu ka thin a rim thar em em a, puan chuan ka in khuh hmak a, chumi zan chuan vawi khat pawh kan muhil lo, ka kut ah min kai reng a, ka ngaihtuah let a Jima nen a kan tet lai atang a kan nun dan zawng zawng te,ka lak a a in lak hran hnu atang a ka nun khawhar zia te engkim a tello a ka nun ruak zia te hei hi hmangaihna alo nih hi ka lo hre har em a ni.

 

                   Ka tho hluai a Jim a rawn tho rang khawp mai, “Jim, ka hmangaih che” tih leh kuah ka rual nghal a, min kuah let rang ngei mai   "Kate keipawn ka hmangaih che mahse maw kan hre chhuak har em a ni"

 

                 “Jim tinge hman ah khan he kan awm dan hi hmangaihna a ni tih kan lo hriat loh,ka hmangaih em em in ah ka lawi lut dawn a mahse ka hmangaih nupui tur ni lo in, Jim ka ngaihtuah ngam tawhlo”kan tap tlaivar hi a ni ringawt.

 

                      Kan chhungte bul ah sawi ila an awih loh dan tur leh an pawm loh dan tur lah kan hrechiang si a chhan chu vawi khat pawh kan la in ngaizawng lo a, kan awm dan hrim hrim ah nula leh Tlangval in hmangaih te awm dan ang hi hmuh tur a awm hlawl lo a ni, kan in hmangaih a U Davida nen kan innei theilo ang ti ta ila, U Davida ka ngainat loh vang leh pasal ka neih duh loh vang ah bak min puh sak dawn silo, kan tan hian khua a var mawlh lo.

 

             Zing thleng chuan khum a thu in "When you think of me" kan ngaithla char char ringawt kha hla khan min hnem ber niang, ka nu leh ka pa min kaitho tur a rawn kal in ngawi reng a earphone vuah chung a kan thu an hmuh chuan mak an ti khawp mai, kan en ngai kan en tlawk tlawk a kan hmel ah zan kan mu miahlo tih a hriat khawp mai.

               "Mambawih tun ah i nei nghal duhlo nih pawn kan ti lui lo che nia, kan nghak thei che Davida pawn a nghak thei lutuk che,lehkha I zir zawm kan rem tih lohna chhan kha hria la kan duh a ni, hlim tak in a siam ang che bak ah mi hrang daih in a lawi tur pawh ini lo a, chuta chhap ah i thianpa a awm dawn a lungngaihna tur a awm lo, i nuteii te pawn an hmangaih em em che a, i tlang nelna sa tho lawm" ka rilru chuan “ka nu ka thianpa awmna tur a nih vang zawk hian ka hreh a sin, ka thianpa hi ka hmangaih a sin, a ni pawn mahse kan lo hre har em a ni” ka ti mawlh mawlh a.

 

 
                  Ka nun zawng zawng chu hmuh theih khawp in a in thlak a, hmeichhe harh vang tak leh tawngthei em em thin kha ka tawng ngai ta lo, min biak pawn a rul tawk lek in ka chhang a, ka room ah ka tawm tam telh telh a Jiman min rawn tlawh pawn ka room ah kan awm tawp a a bak chu inkhawm tur tak ngial pawn ka chhuak ngai tawhlo.

 

                U Davida lah min ngaisak zual sauh a, a nupui tur ka ni tih ka hriat atang khan mahse min ngaihsak poh leh ka huat a zual a, mipa ve si mahni a thutlukna pawh siam ngamlo chhungte thutlukna ang ang a awm kual mai mihring hi ka ngaisang lo, ka pasal tur chu mahni in ring tawk tak a ni tur a sin. U Davida nen kan inhmuh theih dan tur ngawt buaipui a phe phe ho hi ka hne hluah hluah, ka bul a awm dawn a piang in run luih nan kekor bul chhing tawk tawk ka ha a, ka thu duh dah em em bawk a, engah mah ka ngailo a ka zahlo hle a ni tih hi lantir ka duh ber a ni.

 

 
                  Ka tan chuan tun kum krismas hi ka vanduaina leh ka nun hremhmun a chang mai tur min hnaih zual tir tu mai a ni si, krismas a zo chiah phei chu a hrehawm zual ngawih ngawih, thiante nen a hman ho kan tum pawh kal loh mai te ka duh rum rum mahse ka nulat chhung a rei tawh dawn silo, ka thiante ho lah chuan pasal ka nei dawn tih an hre kur tawh hlawm si, vannei min ti em em a mahse keichuan ka vanneih chu sawi loh vanduai ka in ti in thih hreh in ka hreh bawk si.

 

                      Kumhlui thlah zan chuan chhungte pawn min dang duhlo hlim tak a hmang tur in min duh zawk a vang in U Davida motor chuan kan thiante nen a hmang ho tur chuan Jim nen chuan kan in phur chhuak a, “zan in chu min dang suh ang che engkim theinghilh rak a awm ka duh nia Jim” ka tih chuan "tehreng mai nangmah veng tur in ka awm reng ang" a hmun kan thleng kan thiante nen a kan in hmu chu kan rak chel chul a, ti khawpa thawveng leh harh si hi ruihtheih thil engmah ka ti ngailo Jim an savawm a talh ve zeuh chang pawh a thinrim a hau ziah thin khan zan in chu mi zawng zawng bul tan hma in Savawm chu a vawi khat na tan kan talh pawp mai chu min en duh hlawm a sin aw....

 

                 Jim an min thup mawi dan ngaituah ran a"zan in chu a vawi khat nan leh a last nan ti ve ang che ka rawn ti tlat a" tih pah chuan a tlak ve pawp a, kan lam a kan au bawk a, engtin nge ka lo theih zawk le keimah chauh in bottle 6 ka in zo thak mawle. Kum thar lo thleng tur chu harhfim in ka hmachhawn ngam hlawl lo a ni. Zing dar li ah pawh kan la haw loh avang chuan U Davida leh ka pa chu min rawn lam tur in kan awm khawmna hmun ah chuan an rawn kal a hemi zan hian Jima hian no khat bak a in lo, a rui miahlo min veng tlaivar hi a ni ringawt.ka rui lutuk ka pa leh U David an hmuh chuan ka lak ah nilo in Jima lak ah an lungawilo kher mai, ka tuar ai zawng zawng a tuar leh ta.............

 

                In kan thlen chuan ka la harh chianglo bawk a, ka ti deuh chhu reng a Jima an chilh luai luai chu ka ngaithei thlawt lo, “Jima thiam loh engmah a awm lo enge a ni chu in hau reng a in duh leh keimah hi min hau ula duh leh kut min thlak ta che u,mai mai che u chuan, nang kha Lalmuanpui tinge i ngawih reng a engkim sawi ta che i thiam loh a awm a mi? Ka ruih chhan hi in hre duh a mi kumthar mai a ka nun hremhmun a chang mai tur hi maw harhfim in ka hmachhawn ngam lo a, chuvanga rui chu ka nih hi in hria em?”

 

                  Ka au vak vak a, min en thup lai chuan Jiman "lo kal rawh mu tawh rawh" a tih chuan U Davidan "Bawiha va haw rawh keiman ka han thlah chho ang" tih leh ka kut a chelh a rual chu ka tuar thei thak lo, “Nang kha min lo dek thak suh i nupui em pawh ka la nih loh hi” tih pah chuan a ban chu ka thing thla nawk a, rum tawk a melh pah chuan pai chhut chhut chung chuan step ah chuan ka bawk vak chho a ka nutei chuan "Jim han hruai chho mai rawh" a tih chuan min pawt tho a Room ah chuan min hruai a ka mu bawrh bawrh a.

 

                Tlai chaw ei dawn pawn ka la harh theilo zan dar10 vel ah chuan ka harh ve hram a, ka harh chiah a Jima bawk ka rilru ah a rawn lang leh nghal a, ka call pawn a chhang theilo ka rilru hah hman ngei mai, ka tho vut a ka kawr lum ka ha a, jima te in lam pan chuan ka chhuak nghal a, kawngka ka kik dawt dawt a, ka nutei chuan rawn hawng in " ehe kate tinge a zan zan ah"

 

              “Jim an ka call a pick thei silo a” tih pah chuan “engvang in nge ka call i lak duhlo a” ka va ti thawr a,an chhungkaw ho anlo in hmukhawm chu niin ka zak a sin aw, khual atang ten kan inneih na tur ah an rawn kal chu niin ka pa Mawia chuan "hei hi nih hi kan fanu duat Katherine chu, Kate hei i rawn kal ta sa sa rawn chibai hlawm rawh" lai deuh chung chuan ka han chibai ve mai bawk a.

 

                  “Jim, biak lawk che ka duh a fal in” min en deuh thap a, ka pasal tur zawk pawh nilo a nau zawk ka ko hrang nulh chu mak minti deuh pawh a niang mahse, a awm tho e kan in pawh dan hrelo tu tan chuan, Jima room ah chuan kan in zui chho a, kawngka ka kalh hmak a ka in sum buai peihlo, ka kuah thlawp “Jim, eng maw tal ti teh, kan innei tak ngial dawn a nia, min hmangaih a nih chuan engmaw tal ti rawh”

 

                 "Kate, i neih ngei a ngai a lawm" Lalmuanpui heti leh tur si ngati nge i rilru kha minlo hrilh kher? Lo zep tlang law law la chuan kei pawn ka hmangaih che tih ka hre chhuak lo mai tur a nia, Jim hawh tlan bo mai ang mawh? I u chuan nupui tur kei aia tha a hmu leh mai ang”

 

                          "ka theilo tun ah chuan ka thei tawh lo mi zawng zawng in an hre tawh a, keini chhungkaw hnih hi kan mualpho kumkhua tawh anga mi in min en dan a dang vek tawh a nga, i chhungte leh ka chhungte thinlung hi damchhung in a na tawh anga ka u thinlung ah ser a awm reng tawh bawk ang,kan tuar thei mai ang in ineih zawh vel ah kan in hi ka chhuah san mai ang"

 

 
                “Lalmuanpui iva han nep ve min hmangaih thu pawh i sawi chhuak ngam lo a, in unau hian mipa pawh in nilo, pakhat zawk lah nu leh pa zawn sak apiang nei mai thei mahni a duh pawh thlang thiam lo, pakhat zawk pawh mahni thinlung pawh phawrh chhuak ngamlo, a hmangaih tana khawvel hmachhawn pawh ngam lo hrep tak chuan, ka mipa tawn te ve hi ka vanduai em a nih hi.”

 

                     "Lalrinsang ngawi hmak rawh, ka hmangaih luat vang che in tiang hi ka ti a nih hi miin an hmuh khawloh che ka hlau a, mi thinlung a i Chanchin a chhe zawng a a awm reng tur hi ka duh loh vang a sin, miin la hrelo nise chuan maw kan chhungte bula sawi hi ka hreh lo kan in hmangaihna lan chhuah hun hi a hun lo mai zawk a sin, ka rilru hi a buai ve tho, min dem vak vak bik suh"

 

                  Ka thinrim leh rilru na lutuk chu room a tang chuan tap chung in ka tlan chhuak a mahse tun tum chu min um zui miahlo, in hnuaia lo thu ho chuan min en thup a, hmu lo ang maiin ka tlan pel a ka room ah ka tlan chho nghal a ka bawk thlawp a ka tap vak vak a, ka nu leh pa ka ti mang ang zing khawp mai tunlai ka awmdan chu mahse an mahni ti mangang lo theilo in min nawr miau sia lawm.