JIMMY LALMUANPUIA -4

                Nuteiin min rawn um zui a ka nu te nen a ka room kawngka bul a an tawng thawm chu ka hre phak a ka nuteiin " kan sawn leh mai dawn mi le, Davida hi ala ngaina hlawllo nih hi, Jima zawk chu nise an in hau anga an sawi fel leh mi anga, David nen hi chuan biak pawh an in be theilo a ni sia, Davida tan kher chuan Kate tluk a duh ka nei lo, Jima ang a ni ve lo a, hmeichhe tha leh tha lo pawh a hrelo a nia kan Jima hi zawng a hmu leh lutuk hi a mangan thlak zawk a nia mahse, kan fanu nun hi kan ti chhe mai ang tih ka hlau"

 

            Ka lo lawm ru khawp mai a, tiang hian awm reng ila tha ang an thulh theih mai dawn hi ka tih rilruk lai tak chuan ka pa chuan" sawn lo e le, Katherine puitlin loh zia kan hria a, ani pawh hian eng hmangaihna mah a hre bik lo, Davida nen an la in nel loh vang mai mai a nih hi, kan sawn chuan kan mualpho lutuk ang" mualpho an hlauh vang maiin an fanu hi hremhmun ah min nawr liam an tum a nia, ka a thei mai dawn.

 

                     Ka rilru ka siam fel ta zing dar hnih a rik meuh chuan min hmangaihna pawh ti lang ngamlo tu vang hian ka na reng lovang ka ti na let ve ngei tur a ni,  hlim tak leh phur takin U Davida duh tawk ang in ka lang tawh ang ti rilru malh malh chung chuan "Girl in the mirror " hla chu ka ngaithla a, Jim he hla hian ka in hnem mai ang.

 

                  A tuk zing ka tho chu ka nung sarh a, ka che te chu a zan hmel khawp mai, ka thinlung chhungril a min delh tu erawh a lian hle thung, inneih thil vel buaipui a ngai tawh bawk si nen ka rilru chu kan inneihna tur ah chuan ka pe lui hram hram a, Jima erawh ka theingilh ngai hauhlo he hun ah tak hian ka mamawh ngawih ngawih a mahse ka mamawhna hi ka tilang tur nilo, a tello a nun ka hman a ngai tawh dawn a tun atang a ka in zir loh chuan ka thil mamawh em em ka hmuh phak leh ka ban phak a awm reng tur mahse ka tana khawih thei ngai tawhlo tur mamawh loh chu ka tih thin dan tur a ni tawh si.

 

 

               An in atang a ka tlan haw hnu tang khan vawi khat pawh hi ka be leh tawhlo, vawi tam a rawn kal a phone ah nen mahse a tello a ka hlimna hian a tina ber ang min tihnat ang tho hian.
Man hlan zan a rawn thleng ta, ka room ah ka tawm tlat a, chu zan chuan ka nun hi tawp mai se naktuk khawvar eng hi hmu tawhlo ila chu rilru chu ka pu ut ut hman mahse harsatna hmachhawn ngamlo khawp a mi dawih zep ka ni hleinem tiin ka in fuih ru char char a.

 

               Ka thiannu ka best Mami tak ngial pawh engmah ka hrilh ngamlo a chhan chu Jima hi ti khawp hian a at chilh a engtin nge ka sawi ngam ang, in hnuai lama an hlim nui ri te chu mitthi dar ri ai pawn ka rap zawk. Kawngka kik ri pawh ka hrelo, Mamin a va hawn chuan Jima ni reng in "Mam Kate hi biak fal lawk ka duh lo va chhuak teh" Mami pawh chu a chhuak ve mai a, Jima hmel ka hmu leh zet chu ka in sum thei thlawt lo ka tlan phei a a awm ah beiin ka tap tawp "Kate tinge ka call i lak duhloh kar2 chuang zet min be duhlo a, a hrehawm lutuk, min biak duhlo hian min hau vak vak ai khan hrehawm ka ti zawk thin tih i hriat kha"

 

                  Jim naktuk mai ah in in chhung ah ka lawi tawh dawn a sin, chu thu chu i hria ni lawm ni? Tinge i ngawih reng si? Min pui rawh, ka sawih deuh nawk nawk a, "Kate enge ti tur a min duh, engpawh ka ti tawh ang ka tuar thei tawh thlawt lo" ka biang ve ve a dawm pah chuan ka chal ah min rawn fawp zeuh a.

 

                    “Jim naktuk ai chuan maw zan hun hi ka huphurh zawk a sin,ka hmangaih miahlo pawh ni sa tliah lo ka hmangaih em em U ngei mai hnen ah ka thianghlimna ka hlan dawn a ni si a”

 

         "I thianpa khan tih theih a nei tawhlo Kate, in tlai mah mah tawh" kawngka lam chu kan hawi phei vat a ka u lo ni reng in ka van hlauthawng tak "ngati nge tiang leh tur si a hma khan ka nei duhlo i tih loh" ka ti reng a lawm "Jima nen in in kar hi kei tal min hrilh ni ula a tha tur" kan hriat chhuah meuh chuan a tlai tawh em a sawiin awm zia a nei tawh hleinem, "sawi pawh sawi lo a awmzia awmlo iti ringawt thei a nih chuan naktuk pawh huai tak in hmachhawn ang che,thil atthlak tak tih tum hauh suh ang che u, Jim nangpawh haw nghal rawh"

 

 

               “Jim kal suh” ka tih pawh in awm zia awm tawhlo a in her vut a kawngka lam pan chuan chak tawk in a kal a, a kal liam tur chu tap chung in ka thlir tawp tih theih ka nei tawhlo a ni. Ka bul a rawn phei pah chuan "Kate, ka hrethiam che lawm mahse hei hi hmangaihna a nilo, in in pawh thei reng tho a lawm, min ti mualpho lo hram rawh, kan zahawmna te kan hmingthat leh hmingchhiat chu in kut ah a awm a nia.

 

               " U engtin nge Jima nen kan in kar hi hmangaihna a ni lo i tih theih zawk a? I pasal nen hian hmangaihna nen a innei in ni lo em ni? Nang ni ang a tawngkam thlum tak a kan in biak ngai loh vang te, kan in hau reng vang ringawt hian kan in kar hi hmangaihna a nilo iti ngawt thei bik lo, nang ni chu in in ngeih hmel em em a mahse in in hau chhun ah thinlung na tak in in in siam a tlawm zawk nih in hreh leh hle sia, keini te chu kan in hau reng a mahse kan thinlung kan in hliam sak ve ngailo a sin, tlawm zawk a tan pawh kan hrehlo, hmangaihna hi in chhaih her her a, thlum tak tak a in koh a in duat hliau hliau hi a ni kher lo a sin, in hrawk in, in vin vak vak mah ila kan in kar a chhiat ve ngai loh chuan maw chu aia hmangaihna dik enge awm chuang, hmangaihna chuan kan tlin lohna a hmuh kan anti a Jim a nen kan in kar ah chuan chutiang a ni ve lo,kan tlin lohna kan in hmuh kan lo a kan tlin lohna ang ang a khawsak dun dan kan zir thin zawk a sin. I hmangaih em em te in ah midang nupui ni tur in lawi lut dawn ta la, hlim tak in i lawi lut bik ang em?

 

 

               Ka u pawh a in sum thei tawhlo min kuah a a tap zawih zawih " kate i tan hian tih theih chu nei ila ka ti ngei ang" a tih chuan “U i nei a lawm inhnuai ah zuk chhuk la, ka nu leh ka pa te zuk hrilh rawh, "Katherine..... Lalrinsang khawnge i awm" ka pa in ka hming pum a min koh vawikhat na bathroom tang chuan rang lutuk in ka chhuak a, ka nu chuan min en tlawk tlawk engmah pawh a sawi theilo.

 

 

            Ka pa in " Lalrinsang,kan duat em em che a, I tan hian enge tih loh kan neih, min tih mualpho hrim hrim hi i duh tiraw? " ka pa ka han ti dek dek a "ngawi rawh, ngawi hmak rawh, a hma te khan enge in sawi loh? Tuna sawi leh ngam tho tur si, ka lu iti hai lutuk"

 

                 ka nu zawk min duatlo thin tu zawk leh min hau reng tu zawk in "Mami pa, in sum teh, hau vak vak khan awmzia a neilo, kan fanu rilru tur dawn lek lo in thutlukna kan lo siam ringawt hi kan lo tisual a ni, kate enteh, engkim peih fel a ni tawh a tih theih kan nei tawhlo, Davida mualpho dan tur te ngaituah teh, a hma khan lo sawi ni ula tupawn kan hrethiam em em dawn che u sin, hmangaihna emaw kan tih hi a ni lo fo thin a sin"

 

                  “ka nu Jima nen kan in kar hi hmangaihna a ni lo inti maw, ka finfiah ang. U Davida chu ka nei ang mahse saw mihring bul ah sawn ka mu dawn thak lo a nia" ka tih chuan " Mambawih, ngaithla teh mihring hian kan rilru put hmang ang rilru pu te kan duhzawng ang duh ve te, kan mize pui hi kan mamawh ber an ni lo a sin, Jima nen a in duhzawng leh in rilru suk thlek a in an avang hian in kawp tur in ni tihna a nilo, i mize milpui tak leh nangmah hrethiam em em tu bul ah hian hmasawnna tur leh zir tur enge i neih ang? Davida mizia tang zawk hian zirtur tam tak i hmu anga, Davida pawn i mizia ah zirtur tam tak a nei ang, nupa chu in zir tawn tur kan ni a, in hrethiam tawn a in dawm tur kan ni a, engkim hrechiang sa che leh i hriat chian sa nen chuan eng thil thar leh hlawkna nge in hmuh ang? I kawppui tur atana ruat fel sa a niang, nilo se tinge Jima nen hian hman hman ah khan in inhmangaihna hi hriatchhuah a nih loh?

 

                      “Ka nu min hmangaiha min hrechiang a ka nihna ang ang a min pawm thiam tu tluk a hlu an awm hleinem U Davida saw chuan min hrethiam ngai lo a, min hrethiam ngai hek lo ang, ka nih loh dan ang hlir a awm a ngai tawh dawn a sin”

 

                       "Kate bawihte, I nihna ang ang a en liam thei tu che ai chuan maw tun a i nihna aia tha zawk a siam thei tu che hi a hlu zawk, mihring chu kan thih ni thleng a in zir tur kan ni a, i nihna ang ang a pawm tu che bul ah chuan enge i zir chuan ang?

 

                   Ni e, Jima nen hian in inhmangaihlo ka ti tawh lo ang mahse in inhmangaih tak in kum 20 chuang inlo awm dun tawh a hmangaihna a ni tih hre lo in unau, thian hmangaihna in kha leh chen in lo pen dun tawh a tun ah chuan hmangaihna kawngthar a in pen rual hi a rem tawhlo a ni tih hi i pawm thiam a ngai a ni " sawi tur pawh ka hre tawhlo.

 

                      Ka nu Jima hmuh lai a chu kawng zawh chu ka ngam thlawt lo a ni. "ka fanu ini tih hre reng rawh, tui deuh in mut tum ang che" ka chhungte chhuak chiah chu khum ah ka bawk thlawp a ka tawp zawih zawih a, a tawp nan Jima ka biak a ngai ka tan engpawh tih a huam kha mahse khawng khawnge ka phone hi bathroom ah ka zawng ka hmu silo, ka room zawng zawng ka haih vek ka hmu zo lo, ka khum ah ka dah khan ka hre sia, ka pa hian min lak sak a ni chiang, ka u chuan min hriatthiam em kha tiin a phone hman sak ka tum a kawngka pawn lam ah anlo la kalh zui,rilru na nen ka thinrim lutuk chu ka in sum thei thlawt lo ka room tukverh darthlalang leh ka dressing table Jima nen a kan lei Jima min thlansak ngei chu ka hnek keh thuai a thutphah in ka vawm bawk.

 

                      Ka thawm chu thenawm te tan pawh hai rual a ni lo chuti chung chuan ka chhungte chu an reh hmak thei mawle, ka u chu a duh tak an neih tir a, keichu bungrua ang lek in an duh duh hnen ah min thehthang dawn a, ka rilru tur pawh min ngaituah lo, min hmangaih ve lo, ka kut atanga thisen chhuak te chu a far kauh kauh a mahse ngatan mah ka ti lo,ka kut ai chuan ka thinlung hi a na zawk, ka thisen far ai chuan ka mittui far hi a tam zawk.

 

                    "Kate tiang hian awm suh" ka u te nupa an rawn tlan lut a, chhuat ah ka thu nuai a, darthlalang keh nuai kar ah chuan mittui nen thisen nen ka melh ngai ka melh ngawt ngawt a, ka U pasal in ka kut vel chu min tihfai sak a, min tuam sak lai te chuan hria ang pawn ka awm lo, chumi zan chuan an nupa in ka bul ah an awm tlaivar thk a, ka room velh te chu an thian bawk, ka va han ti buai tak em.

 

                Zing khawvar in ka room a rawn chhun te chu ka haw ngawih ngawih, ka nu leh ka u chuan min awmpui char char a, min chei tu tur te lo thlen chuan ka nu chuan min kal san a, hlim hmel ka pu theilo ang bawk in tah pawh ka tap thei tawhlo ka thiante ho an lo thleng ve bawk a, ka room ah chuan an ri chel chul a, midang inneih ni han ni zawk se aw.

 

                 "Monu chu a hmeltha hle mai han nui deuh phei se chuan khawvel a mo hmeltha ber a ni ngei ang." chu aw ri lo chhuahna lam ka va hawi phei chu ka hmangaih em em damchhung a ka pasal nau ni tawh tur Jimmy Lalmuanpuia ka va hmu chu ka thinlung hi vih nawn sawk sawk ang mai hian ana ngut ngut a.

 

               “Hlim hmel pu tur in min duh maw, tu vanga hlim hmel pu theilo nge ka nih mawh sawi rawh Lalmuanpui” ka va nam sawk sawk a, thiante ho chuan min en thup a pawn lam ah kawngka bul ah ka nu leh pa leh ka u te nupa an lo ding bawk, ka ban bul ve ve ah nghet tak in a chelh a ka mit ah tak en chung chuan" chhuak vek ru, Thinawrhi hi ka be lawk duh" a thu tak em vang chuan ngawi reng in ti deuh  chung chuan an chhuak a, a chhuak hnuhnung ber Atea chu kawngka khar tur in a ti zui nghal a.

                ka chhungte pawn engmah an sawi bik lo, "Ka duatte i mawi tak zet, vawiin ni ang em a i mawi ni hi chu ka la hmu ngai lo, i hlimna ka ni theilo a nih pawn i lungngaihna nih ka duhlo, kan vanneihna hi hmuh thiam tum zawk ang, ka hmuh phak ah leh i ban phak ah ka awm reng ang chu chu ka tiam a che, ka kal san che vang hian min dem em em ang tih ka hria mahse ka u hian a hmangaih ve tho dawn che tih ka hria, ka hriatthiam ang che hian a hrethiam ve kher lo maithei che mahse kei ai chuan a dawhthei zawk ang che, rilru na in a siam ngailo ang che, keichuan nang ang neih ai chuan len tar ka duh ka tih kha, i pasal nih ai chuan i faten pate min tih hun ah nuam ka ti zawk daih ang, nang nen hi chuan ram ropui kan thleng lo ang, kan fate an ngaituah awm lutuk ang nang nen kan inneih chuan midang chhun daih thu a awm silo a, i thian leh i unaupa anga ka awm hian ka venghim thei zawk dawn che sin”

 

 

                       Jim, ka hmangaih che sin ka nun pum hi i kiang ah hman ka suh, zing ka harh hun ah i hmel hmuh nghal ka duh a, zan ka mut dawn ah nangmah en chung a mut ka duh a, nangma fa ngei pawm ka duh, k thianghlimna pawh nangma tan a hlan ka duh a sin” in hnit faih faih chung chuan ka han ti leh thin.

 

                "I mittui kha dang hram hram rawh, i make up kha a chhe zo vek mai ang, i thianghlimna ai chuan i thinlung kha ka duh a sin,chu chu min hlan tawh a lawm, i thianghlimna hi i hmangaih tan a nilo, i pasal ta tur zawk a lawm" kan in kuah vawng vawng a a tawp nan Jima ka hmangaih ber anga ka fawh tawp nan ka ding dihlip a kan in fawp vawng vawng a, an in a lawi lut tur in kumkhua atan kan in mangtha ta.

 

                    Inneih thutiam kan tiam lai te chuan ka mumang ang ruai hian ka hria, mipui tam tak kar ah chuan ka mal ngawih ngawih, ka pasal neih ni hi ka nun hman tawh a ka khawhar ber leh ka mal ber ni a ni hial ang, tah reng ai khan nuih luih ngai reng chuan minti chau zawk.

 

                    Zan hun mawlh mai chu ka huphurh ngawih ngawih, mo lawm vel leh inneih thutiam vel te kha chu nuamlo ti hle mah ila mipui tam tak nen ka tlingtla ve maithei a mahse zan hun ah chuan khang mipui te kha an awm tawh dawn silo ka pasal nen chauh a zan hun hman kha ka ngamlo.

 

                       Lawithat zan hman nan tiin hotel changkang ber an lo book tih ka hriat phei chuan ka thau ah hian min man a, ka ti ril a khur der der thei mawle,zah pawh ka dawn theilo U David hmun dang a hman ka duhlo ka va ti tawng a hepa hi enge maw hriat le "Awle i thu ber lawm, kan in ah ka room ah kan hmang dawn nia" a tih chuan “aih nilo engmah hman ka duhlo,” thiante pawh an lo nui sung hlawm a, " nu ber in a tih te chuan" tih pah chuan hotel lam chu ava phone nghal a, a thianpa chuan mak tih hmel em em hian a en hu chu, nuam ka lo ti khawp mai.

 

               Zan dar 10 vel ah chuan kan in bual ve hman tawk a, bathroom chhung a ka awm laia kan room piah Jima room atang a Elvis in lungrun em em a There goes my everything a play ri chuan,min va han vel leh nasa tak em.

 

                "I zo dawn tawh em" kawngka rawn kik ri chuan min ti phu dawrh a, bah deuh nuaiin "aw ka lo chhuak dawn" tih pah chuan ka hmai chu ka phih leh thuak thuak a, darthlalang ah chuan ka han in en a, ka mit bui lak chu thup ngaihna a awm silo kawngkhar chu ka hawng a U Davida pawh ka en ngamlo ani pawn min hmu lo ang mai chuan min kal pel a bathroom ah chuan in bual turin a lut ve nghal a.

 

                Ka inthlak zo chiah chu a rawn chhuak ve nghal a min rawn pan ding nghal awi ka nu ka hlau lutuk chu ka tha khur thei mawle, ka hma zawn ah tak chuan a rawn ding a "kate i duhthlanna ni miahlo in nupui ah ka nei tawh che a tun atang chuan i duh dan leh i ngaih dan ka zah sak tawh ang che, mut tlan i duh lo nih pawn pawi ka tilo in thiamlo duh suh, i duhthlanna tel lo chuan sex hmanpui che ka tum ngailo a nia, keichu sofa ah hian ka mu a nga, nang chu khum ah khan i mu dawnnia" tih pah chuan a mutna tur chu a in siam mawlh mawlh a ngawi rengin ka thlir tawp.

 

               Hepa hian tun a taka ka duh dan leh ngaih dan min zah sak te a sawi a maw? Khanglang chuan,a hma khan min zah sak tawh nise hetiang hi kan thlen a ngailo tur,ka chung a a tha thar thut te chu ka haw ngawih ngawih a hma zawng ai khan ka huatna a zual.

 

              Kan room balcony ah chuan ka chhuak daih a, engtin nge a awm zui zel pawh ka hrelo ka ngaihven peih hek lo, Jima room lam ka va hawi phei chuan a ni pawh alo thu chhuak a min hmu thut chu mak a tih hmel khawp mai, mi pawh a nuih lo van lam hawi chuan a kut lukham in a mamit chhing leh daih ka hmuh chuan kei nge hrehawm ti anga amah khan ka hrethiam phak lo.

 

               Zankhua in pawn vawt ah chuan mut kawr pan te nen chuan ka thu tlaivar thaka Jima pawh chuti tho chu "When you think of Me" leh "There goes my everything" chu thinlung in hnaih tak taksa erawh in hnaih thei silo te pahnih chuan kan ngaithla tlaivar hi a ni ringawt. Nun hi ava han hrehawm tak em!

 

                    Zing dar5 vel ah chuan ka lo muthlu ve sek a niang, puan min rawn sin tir tu chuan min ti phu chiang khawp mai,ka harh kawk a, puan chu la thla in ka kal san nghal hmak. Ka hmai te ka phih zawh chuan ka inthlak a inhnuai ah chuan ka chhuk ve nghal a, ti khawp a tho tlai thin ka tho hma lutuk chu ka nuteii(tun ah chuan ka nu ka tih a ngai tawh) chuan "kate, tinge iva tho hma em em ve han mu leh rawh ala hma lawm"

 

             "A mut a tui vak lo niang a tho hma em mai" rawn ti tu lam chu ka hawi chho a ka pasal awi he thu hi ka va han haw tak em! Pasal tih tawngkam hi mahse ka tawngkau chheh tin ah he tawngkam hian min um zui tawh dawn si a.

 

              "Nute ah ka nu ka mu tui lawm mahse thawh hmat ka duh vang mai a lawm" ka tih chuan Pa Mawia chuan "Kate min koh dan hi itan thlak a har a nih pawn kan hrethiam che nia, i zalen na daltu nih kan duh miahlo a nia, a hma ang tho khan awm la kan duh"a rawn tih lai tak chuan "a hma ang mai mai ni lo e a, tun ah chuan a in a ni tawh a, engkim a kut ah a awm tawh a, a hma ang mai mai a awm tur in kei chuan ka duhlo"

 

            Hepa hi chu aw vuak thluk chawrh ka va han chak tak em, ka duh dan ang ang in ka awm ang ti rilru chung chuan choka lam ah ka phei a, ka in tur chiah thingpui ka in thlit a ka nu te bul a ka keng phei chu "ka lawm e" tih leh k thingpui no ken chu min lak sak a rual a, awi ka thaw a chham dawn tak ngial, a hmai a theh thawt chu ka chak ber mahse thil mawi a ni silo. Ka in tur chu ka va in thlit leh nge nge a.

 

                        Hun te chu kal muang hi ka ti em em khawp a, kan inneih atanga thla ruk na chiah chiah a lo ni ve ta reng mai, mahse ka tan chuan chatuan tluka rei a ni si, Jima leh U Davida tlai bang rawn haw chuan hnunglam a thuhruk tut tut nei chung chuan ka nu nena kan eirawngbawlna lam pan chuan anlo phei a, melh pawh ka lo melh peih lo, ka pasal ka hne zia hi an hre der silo.

 

                   Dawhkan ah chuan an thil rawn thuhruk tut tut kan inneih thla 6na Anniversary min lawmpui pah chuan an rawn phawrh a ka va han sual thiam tak em, ka pasal thil min pek ai chuan Jima thil min pek chu ka han hawng hmasa a, ka boot duh em em mai leh T-shirt awi ka va han lawm tak em! "Jim,ka lawm lutuk" tih leh room a chhoh ka tum chu "kha hei pawh, han hawng nghal law law rawh" jim an a tih chuan tlem chuan ka inthlahrung ve deuh, "e awi ka haihawt lutuk" tih pah chuan ka va la a, ka hnung ah ka pasal in min rawn zui nghal a "ka thil pek che kha i duhzawng a nih loh pawn kan thleng leh mai dawn lawm, en ve tal la"

 

                 Ka pasal hi ka be ngailo hrim hrim, min biak in a rul tawk lek in ka chhang a chu zawng chu a ni mai, a bul ai chuan Jima bul ah ka tal tam a mahse ka hmangaih ang chuan ka en tawh biklo mi hmuh ah chuan, ka han hawng chu ka awihlo zawk jacket tun lai fahran leh jeans kekor bul chhing zet mai chu lo niin mak ka ti lutuk chu ka hawi ho mawle a vawikhatna tan ka pasal ka be hmasa ve ta "U David hetiang thawmhnaw hi i ngaina lo ni lawm ni" nui hak pah chuan "Kate ka hak tur a ni hleinem, i hak tur a lawm" a vawikhat na tan lawmthu te chu ka sawi ve a, Jima rawn chho thawm ka hriat chuan a room ah ka tlan lut nghal a.

 

                  A U thil min leisak chu hmu ve se ka ti mak a ti dawn em a, "Jim, en teh i awih lo zawk hial ang i u thil min pek hi" tih pah chuan ka han phawrh a "e hiau a va nalh ve, i in hmeh ngawt ang" chute chauh chu "mak iti ve lo mi Khenglawtan hetiang thil hi min lei sak a nia" "mak ti hran lo e, a ti ngei ang tih ka hre sa reng a lawm" eng maw i sawi a "Ka U hian a dawhthei zawk ang che ka tih kha","mahse Jim ka ha ngam lo i U hian" ka sawi zawh hma chuan "I hak atan a duhloh chuan a leisak miah lo ang che" awle ti chuai raih chung chuan room chu ka chhuahsan a.

                     Khawi ilo chhuah dun a ngaih chang ni te hian ka tana ninawm khawp a min care silo hian midang hmuh a a nupui ka nihna ti lang tawk lek a mi care thiam riau te hi a mak ka ti thin, ka laka beisei nei ngai miahlo si hi beiseina hi enge a nih a chu beiseina chu beidawnna in a zui chuan a hrehawm zia thleng in min zirtir a, tawngka in engmah min zirtir in min zilh ngai lo mahse a che zia leh a hawi her atang chuan a duh zawng leh duh loh zawng tam tak ka zir tawh ka nu thusawi kha alo dik a nih dawn hi tih rilruk neuh neuh chang ka nei ta fo mai.

 

                 Mahse, ka la ngaina chuang lo, ka nu (keima nu) te in a kal zut te hi ka sim ve deuh, thil sual nilo mahse, ka pasal leh ka pasal a chhungte mitmei ven na chang ka hre ve hret hret tawh. Thla 6 chhung kha ka pasal run luih reng reng in hun ka hmang a amah emaw ka hrem ka tih laiin min dawhtheih em na chuan keimah zawk min hrem ta si, a lak ah ka huat em vang nilo in ka chung a a that em avang chuan ka zah thar em em a ka in kil tawih thin mahse pawh tumna rilru ka nei chuanglo, in chhung khat ah kan cheng a room khat ah kan awm dun a mahse kan in hlat em em bawk si.

 

               Thenrual tha te leh ka nu leh pa(Davida nu leh pa zawk) kan in kar boruak hre lo ho lah chuan nau hi in pai har tawh em mai min tih chang te hian ka pasal lak a inthlahrun chang ka nei ta fo mai, ka pasal in "nau pawm te chu ala hmanhmawh thlak loh em mai, a chi hian pai ila hritlang,khawsik an vei lo a, awm an nuam ber zawk a lawm, fa neih hmat lutuk pawh nupa chauh a hlim hun a reilo mai mai" a tih te hian hrehawm ka ti thin, midang hmuh a nupa in ngaina tak ang leh nupui fel tak anga min chhuah thin chu ka nihna a ni silo hrehawm hi ka ti ngawih ngawih thin.

 

                     Zan khat chu ka khuasik hluah mai a, ka tlun nasa bawk si, U Davida lah a hna thil avang in alo haw tlai si, ka lo mut san a, zan dar10 vel ah a rawn hawng a, ka lo tlun vak min hmuh chuan thlak pawh in thlak lo in khum ah chuan rawn thu in ka pang a rawn dek a, puan dang la in min sin thuah tir bawk a, ka tlun nasa lutuk chu min rawn bawh bet tur chu "tho vat rawh min rawn dek thak suh ka damloh na hi remchang ah hman tum miah suh ka ti vin tuar a"

 

                Khatiang em em a U Davida thinrim kha ka la hmu ngailo rang tak in a tho a "Katherine min tih dan em em hi ka tuar thei tawh thlawt lo, kum khat dawn kan in nei tawh vawikhat pawh i kut hmawr pawh ka la khawih sak lo che, tuna i rilru ang kha ka pu miahlo, lo pu pawh ni ila i pasal ka nia ka nupui i ni bawk a, a thiang vek mahse ka ti lui ngailo che mipa hrisel ve pangngai tak ka ni a, ka room a hmeichhe sa tliah pawh nilo ka nupui chhelo zet mai mut kawr pan te nen a a mu thin kum khat dawn zan tin ka hmu che a, sex hman chakna pawh ka nei ve thin i pasal ni reng chung hian kum khat chuang ka lo in sum ve tawh a tuna tak a nang a damlo lak ah hian ka in sum theihlo i ring a maw? Ti khawp a min duh lo tu neih reng che hi ka peih tawh bik lo, kan inneih khan ka hmangaih sa bik reng reng lo che, ka hmangaih vang a nei che ka nilo mahse ka nupui i ni tawh a ka hmangaih mai tur che ni tiin ka rilru ka siam a, ka tum bawk nang ve chuan engmah tih i tum lo chuti chung pawn ka hrethiam che a ka dawh zel che a, nangpawn min hmangaih miahlo a mipa dang hmangaih zawk i nei tih ka hria chu mihring chu tunge a nih ka hrelo a, hriat pawh ka chak teh nek lo,i duh phawt chuan chu pa hnen a kal tur chuan zan in atang hian i zalen e, i duh phawt chuan i chhuak nghal thei"

 

                   Kkan thawm chu atha khawp mai ka nu leh pa leh Jima pawh kan room ah an rawn lut a kei khawsik hluah chung a ka lo ding khur hlek hlek an hmuh chuan Jim an min rawn pan nghal a khuma min thuttir a tum chuan ka tang tlat a ti khawp a tahbelh si kha hemi zan hian ka tap miahlo,ka pasal min tih dan zawng zawng ah khn ka thinrim lo mahse ka rilru a na chu pawh ka pasal min tih nat a nilo keimah leh keimah ka in tina a ni, ka pasal thusawi chhung zawng zawng khan darthlalang lianpui ka hma ah in hung in tah chuan ka in en a ka nihna leh ka pasal dinhmun ka hmu fiah kuar a ka zak ngawih ngawih.