JIMMY LALMUANPUIA -5

                     ka la in ti luhlul lui tang tang a, "Awle ka chhuak ang ka chhuak em em ang" ti pah chuan ka puan sin lai chu chhuat ah ka theh thla a kal mai ka tum chu Jima’n ka ban ah chelh in "I kal tur a nilo, ka kal tir ngailo ang che" a rawn tih chuan ka phu deuh zawk "ka pasal in zalenna min pe tawh nang a dan beh theih ka ni tawhlo".

 

                 ka nu leh pa anlo in rawlh vat a ka pa in "David nupa chu in hau chang te in hriat fuh tawn loh chang te a awm thin, in hau apianga thu tawp siam nghal zung zung hi a tha lo, mi puitling lo zia a ni" a rawn ti charh charh a ka nu in "Kate, i chhuak dawnlo reng reng, inthen hi ngaituah pawh ngaituah tawh lo ula a sawi pawh sawi tawh thak suh u zan in chu duh leh Jima room ah mu mai rawh" (jima chhungte hian kan in kar thu hi engmah an hre velo, ka chhungte zawk chauh in an hria, hria se chuan kan buai pherh viau ang) “ka duh lo” ka tia ka tang tlat bawk si.

 

                 Jima pawn min ti lui duh tawh bik lo, a thiannu a lungngaih apianga a hnem thin kha ka ni tawhlo a u nupui ka ni tawh tlat, ka nu in " zan in chu kha i khuasik nasa bawk si kan pahnih in kan mu dawnnia" a tih pawh chuan ka duh thlawt lo, "kan in ah ka hawng dawn ka ti tlat a," U Davidan "a duh leh haw rawh se ka nei pei tawhlo" a tih zawh rual a ri chawrh ka hriat chuan kawngka bul ka thleng tawh chu ka hawi let a, engtik laiin nge ka au chhuah pawh ka hrelo Jim ka ti tuar a

              Ka pasal pai chawn chawn chu ka va hmuh chuan ka in thunun thei thlawt lo a ni, "Jim engtin nge i u kha i khawih ngam zawk a? I zak lawm ni?" Keimah pawn ka in awihlo hian ka thlavang hauh tu ka hmangaih em em zawk chu hau in ka huat em em ka pasal min hnawt chhuak tu thlavang chu ka hauh zawk a maw?

 

                 "Kate, ka u in a tih dan che kha i hria ni lawm ni, harsa takin ka u nei tur hian thutlukna i siam a, a ni ve thung hian chhuak tur in a ti che a, chu chu ngawi renga ka lo en liam mai mai i ring a nih chuan i ti sual khawp ang".

 

                  "Jim ka hria lawm mahse I U a nia, ka pasal a ni bawk" chu thu chu engtin nge ka sawi theih zawk le? "Ka chung ah a duh duh a ti thei a lawm min duh tawhlo chuan ka tan tih ngaihna a awm tawhlo", ka pa in "Lalmuanpui iva zak lo ve i u hi kut i thlak ngam a maw" tih leh Jima chu ben a rual a ka nu nen kan rak thawt a, ka taksa na lutuk leh ka khawsik sang lutuk tawh chu chhuat ah chuan ka tlu tawp a, ka chhungte mangan zia kha min hnawt chhuak tu ngei U Davida pawh a mang ang ber ber ah a tang a,ka rilru erawh a harh fim vek mahse ka che thei thlwt lo a ni.

 

                  U Davidan min rawn pawm a tum chu Jiman a nam sawn dawr a "khawih hlek suh, i duh tawhlo a ni lawm ni" tih pah chuan min pawm kang lawp a inhnuai ah min tlan thlak pui lai te pawh ka hre vek mahse ka tawng chhuak thei hlawl lo,kan hnung ah ka nu leh pa in min rawn zui ve bawk a, ka pa in car a tih nun lai te chu ka hre vuai vuai,ka han men leh chuan ka bula hlauthawng em em a Jiman ka kut a chelh chu ka hmuh chuan ka thlamuang hliah hliah hian ka hria, ka nu keima nu zawk in hlauthawng taka min melh ka hmuh chuan ka khawngaih kher mai.

 

              "ka nu ka tha tawh nia min ngaituah suh" ka ti sep a, ka sam a chul pah in Jiman "Ka duatte tawng suh,hahdam tak leh thlamuang tak khan awm rawh aw i bul ah kan awm vek a nia" a rawn tih chuan ka chauh em vang chuan ka mamit chhing siai siai a.

 

              “Thisen unit thum tal kan pek a ngai ang” an tih ri chu ka hre vuai vuai a, men ka tum pawn ka chau lutuk chu ka meng thei thlawt lo, ka bul ah ka kut vuan reng tu a awm tih erawh ka hria, hospital a ni hnih chhung ngawt ka awm hnu pawn ka pasal hmel reng ka hmu lo, mahse ka hmangaih ber erawh in min kal san miahlobtih erawh ka hre chiang khawp mai.

 

               Hun harsa tak ka paltlang lai a ka bula min kal san ngailo a awm reng Jima hi khami zan khan engtin nge ka lo vin vak theih zawk le? ka inthiamlo lutuk chu ka tah chhuak tap thei bawk silo a, ka hrawk a min hnawh up up tu chu a hrehawm ngei mai, "Jim min ngaidam rawh" melh pawh ka melh tha ngam lo, "Kate tiang khan awm lo hram rawh, engmah tih sual i neilo a nia, i dam that vat ka duh ber"

 

                Ka mittui luang ngiai ngiai min hruk sak lai chuan kawngka bula U Davida ding ka hmuh chuan ka phu deuh zawk,kan in kar engmah a hre lo a, a nau, ka thianpa leh ka unau pa kianga awm ang ah min ngai hmiah mahse, ka thinlung ah erawh ka inthiam thei chuanglo. Mahse, hman zan a min tih dan kha ka nihna leh ka thiam loh vek ni mahse ka nei peih tawhlo che min ti kher kha na ka ti ngawih ngawih, ka neih peih bik em vanga a bula awm a, ka hmangaih chan ka ni bik em ni? Ka engkim ka hmangaih leh min hmangaihtu kal san a ka thlan ve tawk tawk hian min neih peih tawhlo thu a han sawi hmasa kha ka tuar theilo, ka in ngaihtuah nawn hian.

 

               Jim an engtik lai pawn min awmpui reng a mut pawh a mu ve ngailo a niang tih mai tur khawp in zan lai a ka harh pawn ka kut vuan in min lo en reng zel a nia, ka pasal ve chu ni4 lai ka awm hnu ah chauh a rawn lang a nia, tun bak bak a ka tan a chance tha hi a awm tawh chuang lo ang.

 

                 "Enge i an" chhan pawh ka chhang peih lo, ka mit ka chhing nghal a Jima kut chu na deuh in ka hmer a "a zia tawh" bung nghut a Jiman a chhang te chu ka hre reng mahse ka tawng ve peihlo pawh nilo a hmel kha ka hmu peih lo hrim hrim biak chu sawi loh, "pawn ah ka va ding harh ve lawk ang aw" "Jim kal suh, min kal san suh khawngaih in" a kut chu ka hmer na leh zual a, A ding deuh vang vang a "Jim biak lawk ka duh" nilo hepa nen hi chuan min kal san lo hram rawn ka rilru chuan ka ti char char a "ka lo let leh thuai ang" tih pah chuan ka lu chu a rawn chul thuak a, hreh tak chung chuan ani pawh chuan min chhuah san ta a.

                  "Kate, (a ngawi deuh vang vang a, ka bul a lo thut pah chuan a kun deuh chhar a) ka tihpalh lutuk, tiang a ti tur che kha ka nilo a sin mawle, lo in sum deuh ila tha tur, ka lo kal lawk lohna chhan pawh ka zak ngawih ngawih hmuh leh che hi ka hreh lutuk"

 

        “ ka beisei reng reng lo che’ ka tih chuan “ka hria lawm, ka lak ah hian beiseina i nei ngailo tih chu, lo kal lo pawh ni ila min dem bawk hek lo ang, min dem tur khawp in ka lak ah rilru engmah i pu hleinem mahse i pasal ka nih vang in ka mawhphurhna ka hlen a ngai a ni"

 

              "kan mawhphurhna ringawt hi kan nupa nun min phuartu atan chuan a rintlak miahlo a sin, chuvang chuan hetia awm reng ai chuan i duh ang ngeiin inthen mai ang", "Kate ka hrethiam che lawm hman zana ka thusawi kha chu tihpalh tak zet ka thinrim lutuk vang a ni,ka rilru lo ang pui min put tir vang khan ka tuar theilo a lawm, inthen ka duh lo,i lak ah eng beiseina mah ka neilo"

 

                “U David, beiseina i neih vang leh i beisei ang ka nih loh vang zawk thinrim i nih kha, ka lak ah hian beiseina neilo chu nila i thinrim miahlo ang, beisei kan neih a, kan beisei ang kan dawn loh vang hian a lawm kan nat thin ka tih chuan  "Nia, a dik ang mahse Kate ka lak ah hian beiseina nei miahlo mahla ka hrethiam a chhan chu i pasal ang in min en ngai tlat lo a lawm, kei chuan ka nupui ah ka pawm nghet tlat che a chuvang chuan beiseina sang tak ka lo nei thin a lawm, min ngaidam rawh, i lak ah eng beiseina mah neih ka tum tawhlo, hei chiah hi ka beisei kohhran leh Pathian hma a kan thutiam avang khan kan inthen lo ang tih hi.

 

           "Nangmah zawk in a lawm min nei peih tawhlo a min then duh tu chu" ka la ti lui leh hram a "kha thu kha ka thawk tawp thleng in ka sawi leh ngai tawhlo ang, ka tiam a che, ka then dawn lo che, nangman min chhuahsan tawp a nih loh chuan" kan thusawi chu kut kuangkuah meuh in kawngka bul a ding chung chuan Jima chuan alo ngaithla ka va hmuh chuan ka vanduai zia ka in hre chhuak uar uar mai.

 

                "ka rawn kal ziah tawh ang" tih pah chuan a tho hluai a a chhuak ta daih a, Jim lo kal teh tih pah chuan ka kut chuan ka han hui a, rang fahran chuan a rawn phei a min nuih ver ver pah chuan "i lo tha chiah maw" a rawn tih chuan “aih ka tha miahlo” rum deuh a melh pah chuan “enge min kal san kher a” a awm ah chuan thei leh theilo chuan ka han chum hram a.

 

              Ka kut chu lo chelh bet in a awm ah chuan a chelh bet a a mit ko san ak ak pah chuan "in pa kha i ngai tawh awm sia ka ti deuh a chance ka pe che u nihkha" nui thaw chung chuan a rawn ti chu ka haw lutuk “Lalmuanpui ngawi hmak rawh” a awm ah chuan ka va tlawh pawp a "hei i a thei lutuk in dim rawh, ti khan awm vak vak suh"

 

            “ka in dim i duh chuan min ti thinrim tawh suh” leh lam ka hawi san hmak chuan a nui huk a "ka duatte titau leh tawh mi? Ti tau thlem tur ka duh e" a nui leh ngei ang le.  “Lalmuanpui i chhe keh” a nui hawk hawk a hepa bul ah hi chuan ka zalen in ka va hn hlim thin tak em, rilru na deuh a ka awm pawh hian vawikhat tal nuihna tur hi a awm ve ziah.

 

                    “Jim i u khan min then a duh loh thu a sawi leh si a nih chu min ti a thei tak ngial dawn min then se ka ti ngawih ngawih ka tih chuan “ i duhlo a niang, hman zan a ka duat hlak pawn ilo pawr em kha" min fiamtih chu ka hre reng, “ka tan em vang pawh nilo, I u nia khatia i tih kha a thalo lawm

 

               "eh eh eh pha leh si vel” a mit a san leh zak zak a " Jimmy i ninawm khatiang khan min ti reng suh inthen ila chuan nangmah nen, sawi pawh ka sawi zo hman lo"nilo e, in inthen te chuan ka nei duh chai hleinem che!, nuthlawi nei atan ka in phal teuhlo mai"

 

             Jim i mak lutuk ka uanglo nia "keipawh ka uang bik leu(a nui leh thaw mawle)" i uang lo tak tak maw? "aw ka uang miahlo ka hmel hi en ta che" a nui miahlo mahse a thutak lo tih erawh ka hrechiang lutuk “awle a tha e, in unau hian min duh lo ve ve, keichu ka vanduai bik a nih hi” ka ti tau der mahse a hlauthawng lutuk "Kate, ka duatte thil aththlak tak leh thil theih ngai loh tur ngaituah reng tawhlo la ka duh vang mai a lawm, vawi 7 pawh thlawi la,ka u nupui hlui i nih loh phawt chuan ka duh che a ka nei ngei ang che mahse ka u nen hian lo inthen pawh ni ula, kan inneih hi a rem hlawl lo a ni, hrethiam teh, ka ngailo che a nilo a, ka hmangaih loh vang che a nilo, i pasal then a i hmangaih tak nen hian innei thei tur chu ni ila, then mahla pawi ka tilo mahse kei nen kan inneih theih dawn chuan si loh chuan I pasal ka u bula i awm hi ka duh, ka hmuh phaka i awm reng vang hian ka thlamuang a sin, ka hmuh phak lo a pasal dang i neih hi ka duhlo"

 

              “Jim tinge hetiang hi kan chunga a thlen bik? thih daih mai ka duh” ka han ti chiah chu  "kate kha thu kha vawikhat mah sawi tawh suh kei tluka dam chaklo hi an awm pawh ka ringlo mahse i tan ka dam tawk tawk nih hi, ka nupui ni theilo mahla i mamawh hun apiang a i tan a awm reng ka duh vang in I tan chauh ka la nung ve chang chang a nih hi, ka hmangaih ber a pasal nen a zan tin, zingtin a hmuh dun hi ka tan a har a sin abik in zan hun alo thlen hian ka a thei dawn tak ngial ka U mahnise a bula zantin i mu hi hrehawm ka ti mahse i tan chuan engpawh ka tuar thei"

 

               Jim i u nen hian vawi khat pawh kan la mu dun lo a sin” chu thu a hria chu a meng phar nasa mai "kate enge i sawi awm zia? " a rawn tih chuan “Jim, ania lawm hman zana kan in hauna chhan bul ber pawh kha a ni lawm ka hmangaih ber room bul a ka hmangaih miahlo ka pasal mahnise ka mu theilo”

 

              " Kate tiang tur a ni hleinem,mu pawh nila ka demlo che sin" a rawn tih chuan  “min dem leh dem loh lam thil a nilo keimah hian ka theilo a ni " ka ti leh a, “ka hrilh tawh che kha i hmangaih hnenah nilo in i pasal hnen ah i thianghlimn chu i hlan tur a sin, kate a nih tur ang a ni vek tawh chuvang chuan in nupa nun hlimna chu i kut ah a awm, i nun iti hrehawm mai mai a ni, chulo ah apate min ti tu tur ka duh ve tawh" a rawn fiamthu leh hram a,ka nun ti hlimtu ber leh min ti nui tu ber hian min va ti tap nasa si em!

               Chumi zan chuan ka in ngaihtuah nasa hle mai, zankhua chuan ka in ngaihtuah a ka ban phak reng a awm ka khawih theih silo neih phet tum reng hi enge a sawtna leh tangkaina? Ka neih theih ngailoh tur buaipui reng ai chuan ka neih sa hlut thiam hi ka tan a tha zawk a ni, ka nu khan alo sawi dik khawp mai U Davida nen hian kan mizia leh duhzawng chu a in per san khawp mai mahse kan kal rual thei zawk dawn tlat, ti khawp a min dawhthei tu hi ka tan a hlu zawk, kan nupa nun hlimna hi ka kut ah a awm a ni.

 

              Ka ngaihtuah chian hian ka inthiamlo ngawih ngawih a U Davida hi ka ngaisang tawh zawk a chhan chu in hmangaih miahlo in kan in nei a, a lak ah ka sual em em a, in then mah ila pawi tihna pakhat mah ka neih loh laiin a ni ve thung chuan Pathian leh kohhran hma a kan thutiam vawn him reng a duh si.

 

                Jima te unau vang hian vanduai ka inti em em a mahse tun ah chuan ka vanneihna hi ka chhiar thiam ve dawn ta, min hmangaih em em tu engtik lai maha a huang chin pel silo a thiantha tak anga min venghim tlat tu Jima ka nei a, chu mai a nilo a rilru ka hliam sak reng chung leh min hmangaih miahlo leh ka hmangaihlo a ni tih hre reng chunga kan in kar venghim tlat tu,a chhiat hlau em em chung a ka laka a mawhphurhna engkim hlen chhuak tu pasal ka nei bawk a kei tluk a mihring vannei hi an awm leh tawh dawn chuang em ni?

 

             Ka hmangaih tan ka piang lo e, ka pasal tan zawk a ni ka nun hi ka hlan dawn, hmangaihna nen bul tan in mi tam tak in nupa nun kawng an lo zawh tawh thin mahse in hriatthiam loh chang an nei reng fo a, a tawp ah phei chuan in hmangaih tak ni thin te kha huatna in a tawp an khar thin, keini zawng hmangaihna tello in bul kan tan a mahse hmangaihna tel miahlo chung pawh a a mawhphurhna hlen tu ka pasal hian engkim ka lak atang thil tha awm ve phawt chu a phu a ni, ka pe ngei bawk ang ti rilru mawlh mawlh chung chuan hemi zan hi ka mutui khawp mai.

 

                  kar khat chuang ka awm hnu ah ka chhuak ve thei dawn ta, ka pasal hmuh ka chak rual in ka hreh bawk si, ti khawp a haw thin tu leh zah lo em em thin khan tun ah chuan ka zah thar deuh tlat a, a bula ka awm te hian ka lai thar leh vel, amah run luih reng reng a hun hmang thin khan a lawm loh zawng anga awm ka hlau ve ta, a duh zawng leh lawm zawng ka ngaihtuah ve tan ta, ka in chei dan thleng in ka duh dan ai chuan ka pasal mawi tih zawnga in chei te kha nuam ka ti thar em em a mahse ka pasal chuan atana ka tih chu a ngai pawimawh lem lo a niang, tun ah chuan ka pasal rilru ka hrethiam ve ta ka laka beiseina a lo neih thin ang khan keipawn tun ah a lak ah beiseina ka nei ve a mahse ka va han dawhtheilo tak em ani chuan kum khat chuang ka lak ah beiseina neiin dawhthei takin min nghak a kei ve thla khat em pawh ka tlin manglo, tilang ngam chiah bik silo hian thinrim ah ka tlak leh thin.

 

               Tlai an lo ban a Jima lo be hmasa thin tu khan Jima kal pel in ka pasal kawngka lo lut chu ngawi rengin a bag khai ka lak thlak sak a, thingpui ka lo pe hmasa ziah ta chu a ngaihna a hriat loh hmel khawp mai Jima erawh chuan ka nuna thil thar ka zir mek chu hria ang pawn a awm ngailo, ka pasal nen kan in be khat em em a, kan in melh leh ringawt tih loh chu kan in kar ah thil danglam vak a awm lo zan mu tur a ka in siam lai chuan " Kate, heng hi tih kher a ngailo a sin, i lak ah beiseina engmah ka nei tawhlo ka tih kha, i duh dan in i awm thei lawm, keimah vang in inti hrehawm duh suh"

 

                ka huaisenna zawng zawng sawm khawm in "U David heng zawng zawng hi i tan tih ka duh a lawm, ka tih loh hian hreawm ka ti zawk" a nui sak a, a mutna siam a tum chu ka va chhuh a ka siam sak lai chuan kawng dawm meuh a minlo thlir reng ka hmuh chuan ka pasal laka ka dinhmun ka hrechiang leh zual a hreawm ka ti, a thiam loh a ni miahlo keima zir loh em vang a ni, nupui in a pasal lak a a tih tur ngawih ngawih thil ka tih ve apiang a mak ti taka min hmu thin chu hreawm ka ti

 

                "U David i lak ah engtik lai mah in that ka chhuah ngailo tih ka hria,min beisei hek lo mahse maw in siam that ka duh, ka laka i mawhphurhna i hlen ang hian kei pawn ka hlen chhuak ve tawh ang,a mutna rawn pan chung chuan "tui deuhin mu rawh" leh lam a hawi nghal hmak mahse ka lawm tho tho ka rilru leh ka duh dan ka sawi chhuak tawh a, a hmel ah lungawi lohna ka hmu hleinem.

 

                  "kate,doctor hi in pan ve mai dawn mi? In that loh kan rin vang pawh nilo in hei kum khat lai a ni tawh a, tu hmel hmuh te pawh kan chak ve tawh lawm" ka ngawi reng a U Davida chhan atan ka khek a mahse engmah a sawi silo, keiman ka chhan ngei a ngai ta.

 

            “Ka nu kan nei ve vat mai ang” ka han ti thawr a, kan chung chang ah kher hi chuan Doctor kan mamawh tlat lo a lawm, a thil in lai chu a rawn hak a a khuh bawrh bawrh mai, "David i tha em? fimkhur ta che, Kate a hnung ah khan chum rawh"

 

               A hnung ka va khawih tur chu  “ka tha e" tih leh chaw ei dawhkan chu a kal san nghal a, zep lo ah chuan ka rilru a na tep, ka khawih a duh miahlo a nia mahse keipawn a hma pawh khan a khawih ka duh miahlo a ka damloh laia min pUih tum a min rawn khawih ringawt pawh ka duhlo kha a nia, ka dem thei bawk silo, tun ah chuan keimah zawk hi ka pasal zun ah ka uai tawh zawk si, min hnaih a tum in ka lo duhlo thin a tun ah hnaih ka tum vel ah a nin min hlat leh si, tih ngaihna ka hre thlawt lo a ni, bul han tan that dan pawh ka hrelo.

 

                      Jima tanpuina ka dil mai loh chuan,ka inthlahrung bawk si, mahse Jima ber in kan nupa in kar chu a vei em em a, amah ber in kan nupa nun hlimna tur atan ka pawimawh zia min hrilh kha mawle ti in “Jim kan nupa in kar hi siam that ka duh, chhungkaw dik tak ang a awm ka duh, i u laka ka thil tih zo zai avang khan min hlat tawh si, min pui rawh engtin nge ka tih ang?”

 

               "I zei thin em kha mawle, thla khat a mipa pathum ngaizawng thei tan chuan a harsa vak a mi? min fiam pah a a rawn tih chuan “Lalmuanpui ka uanglo a nia aw” ka melh rawm rawm a "Ka uang bik hleinem, i hmelhriat ngai miah loh pawh i chhai thlu thei a nia, i hriat chian sa, a duh zawng leh a lawm zawng i hriat sa chu tah i pasal ngei te chu chhai thluk a har dawnlo lutuk, inla zeilo der vel lo mai teh"

 

                 “Jim kan hriat chian loh leh min hrechiang lo tu te rilru hneh tum hi chu a awl lutuk mahse kan mi hriat chian leh min hrechiang tu te rilru hnen tum hi chu a har zawk daih a sin ka tih chuan  "kate i nun a i thil mamawh ber dawhtheina hi i neih hun ah chauh i duhthusam hi i nei thei ang"

 

               “ka dawh ve em tawh hi ka inthlak danglam tawh zia hi ka hawiher te, ka tawngkam te, ka thawmhnaw thleng in ka in thlak danglam tawh a sin nangpawn min hmu ve reng a ni lawm ni? Ka han ti a"I pawn lam lan dan ai kha chuan i thinlung a danglamna awm kha ti lang chhuak zawk rawh"

 

                   Jim, I u lakah hi chuan ka rilru phawrh hi ka ngamlo a lawm ka zak tlat lai deuh chung chuan ka han ti a,  "I zah vawikhatna ni mai dawn lawm" ala nui vak vak zui ngeiawm thei a nia he mihring hi chu “Hmela ngawi hmak rawh”

 

                "ka puihna i rawn dil a hrilh thei che pawn min siamlo, tawng i phal loh te chuan engtin nge niang? Awl sam tak leh hreh vak lo, phur deuh a thil neih kan tum leh kan thil neih hi chu a hlu vak lo fo a nia, mahse hreh deuh leh harsa ti tak a zak chung chung a kan thil duh neih tum a kan beih hi thil hlu tak a ni duh chawk a nia, chuan kan hlut thiam thin,kan ti bo mai mai ngailo"

 

               A thu sawi chu dik ka ti lutuk mahse ka dan pang ngai te in “Nang a thurawn ve kha thu puar paw leng mai mai, lak tlak loh lutuk” ka tih chuan "i rilru chuan tha itih em kha, zawm i tum bawk" ka lam hawi a a kut zungpuilek va va pah chuan min rawn nuih suk a.

 

                         Ni e Jima hian a ti dik a ni zak leh khur chung pawn ka bei ngei ang ti rilru chung in zan hun chu huphurh tak in ka nghak a, zan dar 9 vel ah chuan ka tih ngai loh dan ber chuan “U David zan in chu mu hma ang hmiang vawiin ka vak chhuak ka chau deuh hlek a, ka sil thum mai”

 

                Amah pawh chu ka en ngam chuang lo "Lo han mu rawh in khel hi ka en zo nga ka lo mu ang" a ni pawh chuan min en chuang lo hian a rawn ti a“room ah pawh i en thei tho lawm” (kan room ah tv a en ngailo, remote ka kawl tlt thin a a duh zawng a en ve thei ngailo chuvang chuan Jima room ah a pawlte in khelh zan chuan an en dun mai thin a nih loh pawn in hnuai ah a en mai thin) tun lai ka awm dan chuan a barakhaih reng mai a ni.

 

               “ka nghak che nia lo kal rawh” ka ding tlat sia a bul ah chuan ka nu in “Vida han mut pui rawh, khitah han en ru, Kate kha a chau nih kha" ka pa lah chuan "ti khawpa min thlahlel tu nupui hi chu nei ve ila, ka mu reng ang" ka nu ngei lutuk chu a meng rum ngei mai, lai deuh chung chuan a tho tuah tuah a min rawn zui ve mai a.

 

                ka zah loh em vang a ni bik lo ka zak lutuk hi khu chem chem ila khuk ral daih ka duh mahse tuna bul ka tan loh chuan engtik ah mah ka ngam dawn chuang lo, a mit a zawhna tam tak leh mak tihna te chu hmu mah ila ka hai der hram hram a, a khum (sofa) ah lawn a tum chu zan in chu rawn mu chho ve daih rawh thlahrang hmu ta se tun ang em hian a men phawk pawh ka ring lo e a "kate tinge a? " min zawt lo theilo.

 

                    “Ka bula lo mut chu i hreh viau a mi a? I hreh viau chuan tahkhan i mu thei lawm” ka ti deuh hmak a "iiih chutiang pawh nilo, hetiang zawng zawng hi i tih a ngai kher lo nia, ka tha lawm" min chhan dan chu ka va han zak tak em, ka huaisenna zawng zawng sawm khawm in tha ni a ka hriat dan ber in kan nupa boruak siam that ka tum a mahse awiiii ka zak lutuk hi puak dur thei ila chuan ka puak darh vek ang, sawi tur pawhvka hre tawhlo ka mu hmak a.

 

                Ka bula rawn mu ve an awm tih ka hriat chuan ka phu zawk a"min hlau leh tur si, tinge min sawm" a rawn ti zui zat a, “ka hlau lo che ilo mu tawh dawnlo maw ka tia, ilo mu leh thut sia” a mit ah tak en chung chuan ka han tia, min rawn nuih sak a, a pawlte in khel bawk chu a en leh a.

 

                     Ni danga ka la chak ngai loh ka pasal nen a han ti ti ve bwrh bawrh chu ka chak ve khawp mai, mahse ka pasal thinlung chu a in khar tlat si, a khar tu pawh keimah ngei ka ni a, hawng leh tur chuan hun a duh deuh dawn mai bak ah chahbi dik tak ka hman a ngai a nih loh chuan, ka ti chhe hlauh palh ang.

 

         Zing ka han harh chuan ka pasal awm a ka kut nghat chuan ka lo mu reng chu niin rang fahran in ka kut chu ka la thla vat a, meng chuang miahlo in "pawi tihna ka neilo nia kei chuan" a rawn nui suk a.

 

            “I harh reng tawh chuan tho ang: tih leh thawh ka ruala tlem chuan hma kan sawn ve hret hret in ka hria, ka pasal min ngaihven lohna chu ka tan thil lawmawm tak nilo mahse midang ngaihsak dan ka zir phah a, dawhtheihna nen, U Davida hian min ngaihven em em se ka tan amah ngaihsak ve na hun a awm dawn silo, min ngaihven lo mahse min ngaihsakna chu a che zia leh kawng engkim ah ka hmu si, a mah hnaih loh theilo a min hlat ruk dan hi a hre riau lawi si.

 

                 Ka dawhtheihna thla thum zet min fiah hnu chuan zan khat kan mu tur chu "Kate, heng zawng zawng hi i duhthlanna a ti i ni em? Nge midangin ti tur a an nawr vang che" a rawn ti ta nge nge a “U David thla thum teh meuh hi midang min nawr vang a ka tih peih i ring a mi, mi min nawr vang chu nise chawhma bak ka peihlo ang ka duhthlanna ngeiin midangin huaisenna min pe in min nawr a ni chu chu i nau Jima hi a ni, U David bul tan tha leh ang khawngaih in min la pawm thei a nih chuan kan inkar hi hming thar pek ka duh

 

             "Eng hmingthar nge"  a rawn tih zawm ve nghal zat a “I pawm zawng a nih chuan he hmingthar CHHUNGKUA kan pahnih a kan din tur hi amah pawh ka en ngam tawhlo "Kate, nang pawm theilo tur che in ka hnawl ngai reng reng lo che sin,i duhthlanna hi ka suangtuahna leh ka duhthusam a ni lawm, kate ka lawm tak zet" tim deuh chung chuan ka kut chu a rawn chelh a, ka pasal hi ka laka inthlahrung em em a siamtu hi keimah ka ni a, he a inthlahrunna kulh bang sang tak hi ka thiat ngei ang ti rilru chung chuan a nghawng ah kuah in a awm ah chuan ka bei hle hle a.

 

               Tun ah chuan a tan inthlahrunna tur a awm tawh lo tih hria in a vawikhat na tan ka khabe chu zawi muangin a dawm kang a, duhthawh tak in min rawn fawp a kei pawh chuan ka chhanglet tha kher mai he zan hian a ni kum khat chuang alo nghah tawh a beisei ngam tawhlo ram ah chuan kan kal tak ni kan inneih atanga kum khat leh thla thumna ah chiah lawithat zan/ nupa nun kan hman ve tak ni.

 

                  He zan atanga kan zir chhuah chu nupa nun pawn lama sex hman chuan lungngaihna leh beidawnna tam tak a thlen a, in kawp rem chu sawi loh inthenna leh fahrah na a thlen zawk mahse nupa nun ah erawh in pawhna leh in zawmna thuk tak a siam ani.

 

              Jima nen kan in kar hi miin hre ta se tuna ka hmangaih em em Jima U ka pasal laka hetiang rilru ka pu leh thei hi min dem viau ang mahse mi pahnih tan ka pianglo a ka pasal ta ni tur zawk a duan ka ni tih hi ka lo hre chhuak har em a tin ni, a hma kha chuan ka pasal nen a chhuah dun ka hreh em em thin a peh hel dan ngawt ka zawng thin kha a ni a tun ah zawng ka pasal nen a len chhuah dun te hi ka chak zek zek tawh, he hun leh he dinhmun ka thlen theihna hi Jimmy Lalmuanpuia vang a ni.

 

                 Kum3 a vei leh meuh chuan ka fanu nen mawi taka kan in chei lai chu min en kham ngailo tu ka pasal U Davida chuan mit tla dawn dawn in minlo thlir leh reng ka hmuh chuan, ka pasal lam chu pan in a nghawng ah ka va kuah a "nang hi ka lo tawnglo ang che tih ka van hlau tak em! Khawvel ah hiang nang tluk a pasal leh Pa tha hi an awm tawh lo ang ( kan inneih atanga a vawikhat na tan) ka hmangaih che" tih pah chuan ka fawp zeuh a "keipawn ka hmangaih che" kan fanu in apa kekawr a pawt chung in "apa kei mah pawh" nui ver ver chunga a rawn ti chu Apa in

(Caroline ka fanu duat ka hmangaih che, hmanhmawh tawh ang u, i Pate Jima te inneih ni a nih hi"

Tun ah chuan Jima pawn chhungkua a din ve dawn ta, ka lawmpui tak zet.
THE END